Shkarko - Gjykata Kushtetuese

VIII Njësia Ligjore (NJL)
Gjykata Kushtetuese punëson një numër të juristëve në nivele të ndryshme që përkrahin
punën profesionale të gjyqtarëve dhe të administratës së Gjykatës. Asistenca për gjyqtarët ka
të bëjë kryesisht me këshillime në çështjet e ngritura në kërkesa dhe me hartimin e
korrespondencës, raporteve dhe vendimeve. Këshilltarët ligjorë që punojnë në Gjykatë nuk
janë shërbyes civilë, por kanë kushte të punës të ngjashme me shërbyesit civilë të Republikës
së Kosovës. Ata janë të pavarur në lidhje me këshillimet që ofrojnë. Tre nga këshilltarët e
tanishëm ligjorë janë ndërkombëtarë.
Rregullorja e punës e Gjykatës Kushtetuese përcakton që këshilltarët ligjorë mbikëqyren nga
Këshilltari i parë ligjor, i cili i raporton Kryetarit të Gjykatës.
Këshilltarët ligjorë gjithashtu marrin pjesë në programe informuese të Gjykatës Kushtetuese.
Ata morën pjesë në një sërë seminaresh gjatë vitit 2011, duke i njoftuar anëtarët e
komunitetit ligjor dhe avokatët për ndihmë juridike, në veçanti, për rolin dhe funksionin e
Gjykatës dhe si t’i përgatisin kërkesat për Gjykatë.
45