Historia dalla scola dalla Val Tujetsch

05‐02‐1911 Metta il signur president avon alla ludeivla vischnaunca la damonda, schebein ins vegli,ni ei cunvegni dad arranschar en la casa da scola a Rueras, sinaquei ch’ei seigi plaz en quella perduas scolas, a raschun che la ludeivla vischnaunca ha sut datum dils 3 d’avrel 1910 concludiu 2scolas al vischinadi da Rueras.Suenter haver tedlau giu ils differents meinis en caussa ed aviert la discussiun generala en caussa,concluda la vischnaunca dad arranschar la casa da scola a Rueras, ch’ei seigi plaz en quella per duasscolas.05‐02‐1911 Fa il signur president enconuschent alla ludeivla vischnaunca ch’ils vischins da Selvahagien sut datum dils 28 da november 1910 dau en alla ludeivla vischnaunca ina petiziun en laqualla numnai vischins garegian la construcziun d’ina casa da scola el vitg Selva.Suenter haver mess en discussiun la damonda da baghegiar ina casa da scola el vitg da Selva edudiu ils differents meinis en caussa concluda la vischnaunca1.) da buca corrispunder alla petiziun dils vischins da Selva.2. da rugalar si la casa da scola a Sut Crestas tenor sco ils basegns damondan per ils vischinadisSelva e Tschamut ensemen, sco stau entochen da cheu.08‐10‐1911 Avis’il signur president che tenor ordinaziun dil miedi districtual seigi ei scumandau alsaffons da scola da Camischolas, che hagien la tuss tgaun, da frequentar las scolas.10‐03‐1912 Fa il signur president enconuschent alla ludeivla vischnaunca ch’ei seigi da part dilcussegl da scola vegniu fatg attents, ch’il cussegl d’educaziun pretendi ch’ei vegni ranschau en perlas scolas in plaz da far il turnen, gimnastic, e mess neu ils necessaris cundrezs persuenter e ch’eivegni la fin dils 1913 fatg inspecziun, schebein quei seigi daventau ni buc. Signur president manegiach’ei cunvegni alla vischnaunca dad ad interim ranschar en tals cundrezs aschi sempels scopusseivel per las scolas a Sedrun e Rueras.27‐05‐1912 Sin rapport da part dil signur president, ch’ei seigi necessari da far tetg e regular siempau la casa da scola vedra a Sedrun e ch’ei cunvegnessi ussa forsa da tablegiar encunter la casada scola nova a Sedrun cun eternit enstagl cun slondas e forsa era far il tetg dad eternit, concludala vischnunca da surschar alla suprastonza da reparar las duas casas da scola tenor sco ella anfli perbien.01‐10‐1912 Prelegia il signur president la sentenzia digl aultludeivel cussegl pign en caussa recuorsvischinadi Selva contra la vischnaunca Tujetsch, pervia dil translocar la casa da scola da Sutcrestas aSelva, la quala sentenzia ei vegnida dada ora en favur dalla vischnaunca, da buca translocar lascola.06‐12‐1914 Fa il president enconuschent, ch’ei vegni dau via en libra concurrenza il far entginsbauns da scola ed ils plantschius stiva per la casa da scola a Sedrun, surprendiders vegliens’annunziar ton pli gleiti en scret.05‐09‐1915 Essend absolut basegns d’ina pegna en stiva da scola a Sedrun, concludan ins suenterhaver emprau entuorn ils meinis, da far in’emprova cun ina pegna dalla fabrica da Sursee.27‐02‐1916 Arisguard la casa da scola a Selva vegn concludiu da star sil sulom veder.21‐01 1917 Fa il signur president attents ch’ei seigi dil departement d’educaziun vegniu motivaualzament da paga als scolasts (Teuerungszulage).107