DIE BESTUUR VAN DIE GEïNTEGREERDE ...

1.1 INLEIDING
HOOFSTUK 1
ALGEMENE OORSIG VAN DIE STUDIE
Daar is al vir ‘n geruime tyd die behoefte om die gehalte van die onderwys te
verbeter. Hierdie belangstelling het veroorsaak dat heelwat oorsese lande
hulle takseringsisteme verander het ( Harris, 2000:1 ). Die hoofdoel van
hierdie sisteme is om die kwalitieit van onderrig te verbeter.
Op die oog af is taksering ‘n relevante manier om professionele en
heelskoolontwikkeling te bewerkstellig. Hierdie taksering, moet egter deel
vorm van die opvoedersontwikkelingprogram en die skool se aktiwiteite as
geheel.
1.2 AGTERGROND
Gedurende die 1970’s, was dit duidelik dat die “top-down” benadering by
skole nie meer haalbaar was nie. Volgens Hopkins ( 1996 : 59-62) het van die
onderwyskundiges besluit op die plan van strategiese beplanning, gelyke
deelname van mag asook die wil om ‘n sukses van die onderwys te maak.
Die konsep van “gehaltebestuur” was na 1994 in skole geopper. Gedurende
hierdie tydperk het die Onderwysdepartement kopskuiwe oor nuwe wetgewing
m.b.t. beplanning en bestuur van die onderwys gemaak. Gedurende Februarie
1996, het die Minister van Onderwys, Professor Sibusiso Bhengu, ‘n taakspan
saamgestel om onderwysbestuur te ondersoek (Task Team on Education
Development, 1996 : 12). Hierdie span moes haalbare voorstelle maak oor
hoe om die gehalte van die onderwysbestuur te verbeter. Dit was dus toe die
voorloper vir die gehaltebestuur.
1