DIE BESTUUR VAN DIE GEïNTEGREERDE ...

2.2.4 Bevordering van interaksie tussen lede
Takseringsisteme bevorder die interaksie tussen kollegas, wat die
volgende positiewe uitwerking het :
Good & Brophy (2000:481) beweer dat wanneer opvoeders klaskameronderwys
met mekaar bespreek, hul eie onderrigmetodes verbeter.
Quinlan & Davidoff (1997:2) stem saam met hierdie siening van
gesprekvoering, wat hulle dan sosiale interaksie tussen kollegas noem.
Volgens Quinlan & Davidoff (1997:4) moet nuwe houdings aangeleer
word wat benodig word om taksering tot sy reg te laat kom , nl.
Die opvoeder moet kan reflekteer oor dit wat hy doen;
Die taksateur moet vaardighede aankweek om regverdig te kan
takseer; en
Die bestuurders van organisasies moet vaardighede aanleer om
minder outoritêr op te tree, om sodoende kollegiale
verhoudings te verbeter.
Quinlan & Davidoff (1997:4) beklemtoon ook dat om hierdie kultuur
van leer tussen al die rolspelers te laat plaasvind, ongelukkig tyd sal
neem. Alle probleme sal nie oornag verdwyn nie.
Goddard & Emerson (1993:13) voel dat indien ‘n opvoeder op sy eie
werk, hy nie bewus kan wees van sy tekortkominge nie. Hulle
(1993:16) voel verder dat ‘n mens slegs kan groei deur ondersteuning
van ander. Volgens Dempster (2000:37), is gehaltebestuur (die Suid-
Afrikaanse weergawe daarvan) ‘n strategie om professionele en
persoonlike groei te bevorder.
11