DIE BESTUUR VAN DIE GEïNTEGREERDE ...

• Verbetering van onderwys en leer;
• Groter bevorderbaarheid vir werknemers;
• Meer werksbevrediging;
• Die bevordering van kreatiwiteit; en
• Die motivering om weer te gaan studeer.
Enige leier moet dus bewus wees van hierdie aspekte en moet
sodoende sy span lei om hierdie doelwitte uit te leef. Dit sluit aan by
April, Macdonald & Vriesendorp (2003:1) wat sê dat leiers geforseer
moet word om aan te pas by veranderde tye om sodoende ‘n sukses van
verandering te maak.
2.3 PROBLEME MET DIE TAKSERING VAN OPVOEDERS
2.3.1 Inleiding
Mitchell & Sackney (2000:17) beweer dat die belangrikste element by
enige gemeenskap, die mens is. Ons as mense staan dus sentraal in die
leerkultuur wat geskep word. Volgens Mitchell & Sackney (2000:17)
hang elke persoon se persoonlike vermoë af van sy persepsies, geloof
en praktiese ondervinding wat hy deur die jare opgebou het. Hierdie
persepsies of aannames moet eers, volgens Lambert et. al (1995:36),
weggedoen word mee, voordat ‘n mens werklik kan vernuwe.
Jongbloed skryf in Die Burger van 8 November 2003, dat die volgende
probleme wat t.o.v. taksering van opvoeders opgeduik het, vooraf
opgelos kon gewees het :
Opvoeders was nie gereed vir die verandering nie, weens
ongenoegsame opleiding; en
Die skielike ommeswaai na die nuwe stelsel voordat die nodige
hulpbronne in plek gestel kon word.
17