DIE BESTUUR VAN DIE GEïNTEGREERDE ...

Hulle beweer dat indien opvoeders betrokke is by die besluitneming,
hulle waarde heg aan hulle betrokkenheid en hulle sodoende belangrike
bydraes tot die organisasie kan maak. Hulle voel dus dat die SOS,
SBL (sien lys van terme) en die ander personeellede, ‘n gesamentlike
besluit oor personeelontwikkeling moet neem.
Volgens Rebore (2001:38) is beplanning ‘n algemene verskynsel by
alle menslike ondervindinge. Sy argument is dat voor ‘n indiwidu op ‘n
reis sou gaan, hy eers sou wou weet waarheen hy op pad is en wat die
beste manier is hoe om daar te kom. Die huidige posisie van die skool
sou dus as vertrekpunt dien om toekomstige ontwikkeling te bepaal.
Hierdie selfde siening word deur Bradley (1991:6) weerspieël wanneer
hy verklaar dat die bestuur van die skool ‘n duidelike uitkyk moet
openbaar oor die huidige posisie voordat personeelontwikkeling beplan
word.
Om personeelontwikkeling te bepaal, stel Bradley (1991:17) sy proses
van ontwikkeling soos volg saam :
( 5 ) Wat doen ons as organisasie ?
( 1 ) Na wat moet ons as organisasie kyk ?
( 2 ) Waar is ons as organisasie nou ?
( 3 ) Waar wil ons graag wees ?
( 4 ) Hoe kom ons daar ?
Aangepas uit Bradley ( 1991:17)
33