DIE BESTUUR VAN DIE GEïNTEGREERDE ...

ondersteuning, vaardighede opskerp, onderrigtegnieke vernuwe en
professionele groei laat plaasvind. Elke jong opvoeder het so ‘n kloppie op
die skouer nodig vir voortreflike en uitstekende werk. As niemand sy klas
besoek nie, sal niemand weet dat die opvoeder groot potensiaal het wat net
wag om ontsluit te word nie.
Aan die ander kant was my persoonlike gevoel ook dat die takseringsisteem,
indien reg bestuur, vir opvoeders geweldig van nut kan wees, veral met
betrekking tot professionele ontwikkeling.
1.4 PROFESSIONELE KONTEKS
As ‘n GGBS-koördineerder, was ek, veral aan die begin van 2004, nou
gemoeid met die skool se opvoeders. Dit was dus opvallend hoeveel
opvoeders, beide intern en ekstern, oorweldig was deur al die veranderinge
wat plaasgevind het. Baie van die opvoeders was in die duister oor wat van
hulle verwag word a.g.v. die Onderwysdepartement se gebrek aan die
beskikbaarheid van kenners vir opleidingsdoeleindes.
As koördineerder, was daar ‘n verwagting dat ek opleiding aan die opvoders
moes gee, terwyl ekself ook onseker was oor wat van ons as opvoeders verwag
word. Gedurende hierdie tydvak was die moraal van die opvoeders besonder
laag.
1.5 DOEL VAN DIE STUDIE
Die doel van hierdie navorsing was om te bepaal of die GGBS as ‘n stelsel,
met taksering as ‘n meetinstrument, professionele groei van opvoeders in die
twee skole in Mosselbaai enigsins verbeter het.
5