DIE BESTUUR VAN DIE GEïNTEGREERDE ...

2.2.6 Eweknie-evaluering
Campbell, Kyriakides, Muijs & Robinson (2004:126) voel dat
eweknie-evaluering baie belangrik vir die getakseerde is. Op hierdie
manier kan die getakseerde terugvoering kry en sy toekomstige
ontwikkeling beplan om sy/haar doelwitte te bevredig. Volgens Bubb
& Hoare (2001:26) kan geen individu in isolasie werk nie. Hulle
(p.28) voel dat besprekings en vergelykings van werk, die gehalte van
die werk kan bevorder.
Volgens Campbell et. al (2004:126) is bevoegdheidsassessering en
ontwikkeling deel van die getakseerde se ontwikkelingsbehoeftes,
maar dit is ook ingestel om ‘n meting te kan doen. Volgens Goddard
& Emerson (1993:4) stel ‘n sisteem eweknie-evaluering, die
getakseerde in staat om uiting aan sy frustrasies te gee en oor die
struikelblokke wat sy effektiwiteit belemmer, te verduidelik. Dempster
(2000:3) noem ook dat hierdie tipe taksering gebreke kan blootlê, maar
dat dit ook gebruik kan word om verbetering aan te help.
Eweknie-evaluering vorm dus ‘n baie belangrike hoeksteen om
ontwikkeling van opvoeders te bevorder.
2.2.7 Effektiewe opvoeders
Die doel van die takseringsisteem vir opvoeders is om die effektiwiteit
van opvoeders te bevorder. Die vraag is nou hoe hierdie effektiwiteit
gemeet kan word.
Wragg (1987:5) vra die volgende vrae oor effektiewe opvoeders :
Is dit slegs dit wat leerders kan inneem en wat hulle kan
weergee wat ‘n opvoeder effektief maak, of;
Is die werklike toets slegs die goedkeuring deur die persone wat
hom/haar kom beoordeel wat bepaal of hy/sy ‘n effektiewe
opvoeder is?
13