DIE BESTUUR VAN DIE GEïNTEGREERDE ...

Vir die leierskap om werklike probleme aan te spreek, moet hulle ook
Fullan (1997:24) se idee in gedagte hou dat verandering nie oornag sal
plaasvind nie, maar slegs die begin van ‘n reis is. Die leierskap kan
ook die volgende van Morrison (1998:15) in gedagte hou : “... change
concerns people more than content.” In die opvoeding is dit belangrik
om dit in gedagte te hou leierspanne, want ons as mense moet as
“change-agents”, optree.
Mitchell & Sackney (2000:47-49) doen die volgende aan die hand wat
vrugtevol deur die leierskap aangewend kan word, veral m.b.t.
negatiewe opvoeders:
Stel dit duidelik dat elkeen se insette waardevol is;
Moenie kollegas se idees ignoreer nie;
Moenie kollegas in die rede val nie; en
Tree te alle tye konsekwent op.
Om kollegas se vertroue te wen, stel hulle die volgende voor:
Eerlikheid;
Eerbaarheid;
Openheid / deursigtigheid;
Omgee vir mekaar;
Betroubaarheid; en
Mededeelsaamheid.
Ek voel dat goeie leierskap, veral m.b.t. die oplos van probleme, ‘n
meer demokratiese benadering moet aankweek. Leierskap kan meer
klem lê op konstruktiwistiese leiereienskappe, wat ‘n meer
demokratiese benadering is. Hier dink ek veral aan Robbins
(1997:391) se twee demokratiese style, nl :
- demokraties-raadplegend (consultitive ) en
- demokraties-deelnemend (participative ).
Dubrin (1998:67) se “Walking the talk” en Mitchell & Sackney
(2000:18) se “espoused theory” en “theory-in-use”, loop parallel.
37