DIE BESTUUR VAN DIE GEïNTEGREERDE ...

3.1 Inleiding
HOOFSTUK 3
EMPIRIESE STUDIE/PROSES
My primêre mikpunt met hierdie navorsing was om eerstehandse
ervaring op te doen met betrekking tot opvoeders se ervaring met die
GGBS. Heelwat informele gesprekke en semi-gestruktureerde
onderhoude is met verskeie opvoeders gevoer. Twee keer was
vraelyste ingevul, een aan die einde van 2004 (Aanhangsel B), en die
tweede aan die begin van 2007 (Aanhangsel C). By die vraelyste het
ek my ook laat lei deur Strauss & Corbin (1998:74) se siening dat
vraelyste primêr gebruik moet word om informasie te versamel.
3.2 Navorsingstradisie
3.2.1 Inleiding
Gedurende die versameling van data, was daar veral van vraelyste,
semi-gestruktureerde onderhoude en informele gesprekke gebruik
gemaak. Hierdie metodes was slegs gerig op opvoeders by die twee
skole waar my navorsing gedoen is. Ek gee onderwys aan een van
hierdie twee skole. Die keuse vir die gebruik van die buurskool, is
bepaal deur die feit dat albei skole dieselfde sosio-ekonomiese
probleme ervaar. Die belangrikste metode van data-invordering was
die vraelys wat ook die belangrikste meetinstrument gevorm het. Ek
het ook my eie vraelys opgestel om die eenvoudige rede dat ek nie ‘n
geskikte een kon kry nie.
3.2.2 Kwantitatiewe navorsing
Collins, Du Plooy, Grobbelaar, Puttergill, TerreBlanche, Eeden, Van
Rensburg en Wigston (2000:90) voel dat die kwantitiewe benadering
39