DIE BESTUUR VAN DIE GEïNTEGREERDE ...

Hulle (p.19) voel dat die opvoeder professionele eienskappe en
onderigvaardighede na die klaskamer bring om leerders te bemagtig.
Die leerders op hulle beurt moet sorg dat die klaskameratmosfeer van
so ‘n aard is dat onderrig kan plaasvind. Hierdie drie eienskappe dien
as ‘n samebindende faktor om die effektiwiteit van ‘n opvoeder te
meet.
Solmon & Schiff (2004:50) het ook, soos Bubb & Hoare, 3 elemente
wat hulle voel op effektiwiteit toegepas kan word, nl :
Watter insette die opvoeder na die klaskamer bring;
Opvoeder se gedrag in die klaskamer; en
Die leerders se uitkomste en die opvoeder se aandeel hierin.
Solomon, aangehaal deur Solmon & Schiff (2004:61), voel weer dat
die volgende sewe eienskappe ‘n effektiewe opvoeder bepaal :
Selfkritiese refleksie;
Passie en geesdrif;
Vaardighede;
Diepere kennis op sy vakgebied;
Morele houding;
Lidmaatskap in ‘n leergierige gemeenskap; en
Impak op die leerders.
Bigler, gesiteer deur Solmon & Schiff (2004:72), voel weer dat
effektiewe opvoeders die volgende eienskappe moet besit :
Potensiaal om te verander;
Professionalisme;
Inspirasie en passie vir die onderwysberoep;
Akademiese bekwaamheid; en
Opvoedkundige leierskap.
15