elfde vergadering - NG Kerk in Oos-Kaapland

A2: Sinodale Kommissie: Verslag van Werksaamhede 2007-2012
ORIËNTERINGSPUNTE VIR DIE
VOLGENDE VIER JAAR
13. MISSIE
13.1 Missie: Die NG Kerk in Oos-Kaapland
groei saam as vriendekring van gemeentes,
ringe en sinode om deur 'n proses van
geloofsonderskeiding by God se werk in
God se wêreld aan te sluit.
13.2 AANBEVELING
Die sinode, al 13 ringe en elke gemeente aanvaar
hierdie missie as die oorhoofse bestaansdoel
van ons as sinode, ringe en gemeentes.
14. BEGRIPSVERKLARING VIR MISSIE
14.1 Die betekenis van die terminologie in die
missie is as volg:
Missie: bestaansdoel
Groei: ons vermoë om God se stem te
hoor
Saam: vriendekring, interaksie,
verband, interafhanklik
Proses: 'n organiese toename in kapasiteit
(kennis, houdings en gesindhede,
vaardighede en
gewoontes)
Geloofsonderskeiding: rus, hoor, leef - om 'n
oortuiging te ontwikkel oor God
se roeping;
God se roeping: om soos Jesus te wees / om
mens te wees / konkrete taak
God se werk: transformasie
God se wêreld: die hele omgewing / skepping
14.2 AANBEVELING
Hierdie begripsverklaring word toegepas in die
uitleg van die missie
15. VISIE VIR BELIGGAMING VAN DIE
MISSIE
15.1 Visie vir beliggaming
Een, heilige, algemene, Christelike kerk, die
gemeenskap van die heiliges.
16. TEOLOGIESE TOELIGTING VIR DIE
VISIE VIR BELIGGAMING
16.1 Prof Piet J Naudé het 'n teologiese
20
begronding vir die Oos-Kaapse verband se visie
vir beliggaming geskryf wat reeds sedert 2002 'n
belangrike aanduiding van die sinodale verband
se koers is:
‘N VISIE OP DIE KERK:
ENKELE OPMERKINGS UIT DIE
APOSTOLICUM
(TWAALF ARTIKELS)
“Ek glo aan 'n heilige, algemene, Christelike
kerk, die gemeenskap van die heiliges”
TEOLOGIESE BESINNING : WAT IS ONS
IDENTITEIT?
1. ONS GLO AAN EEN KERK
1.1 Die eenheid van die kerk ontspring aan die
eenheid tussen Vader, Seun en Heilige Gees.
Daarom bid Jesus: “Heilige Vader, bewaar hulle in
u Naam, die Naam wat U my gegee het, sodat
hulle net soos Ons een kan wees” (Joh 17:11).
Die eenheid van die kerk lê dus buite haarself in
haar oorsprong in een Here, een God en Vader,
en een Gees wat van die kerk een liggaam met
een doop, een hoop en een geloof maak (Ef 4:4-
6).
1.2 Hierdie eenheid is van die vroegste tyd af op
verskillende maniere bedreig en selfs opgehef.
1.2.1 Binne die grense van een gemeente is daar
twisvrae , faksies , stryd om leraars, onverdraagsaamheid
en ander onenighede soos in briewe
van Paulus aan Korinthe, Galasiërs en Filippense
vertel.
1.2.2 Binne die verband van kerke kan onenigheid
ontstaan oor teologiese vrae waaroor daar nie
eenstemmigheid bereik kan word nie. Die
Apostelkonvent in Jerusalem (Hand 15) oor die
wet en besnydenis is voorbeeld van 'n strydgesprek
binne die verband van die vroegste gemeentes.
Dit is in die eerste vyf eeue na Christus
opgevolg met vrae oor die Triniteit en Christus se
twee nature. Tydens ekumeniese konsilies
(sinodes) is geloofsbeslissings gevel wat onder
andere neerslag gevind het in credo’s soos Nicea
en Athanasius.
1.2.3 Die totstandkoming van parallelle
konfessionele tradisies het die een kerk van
Christus verder verdeel. Die skeuring van een
kerk tussen Oos en Wes in 1054 en binne die
Westerse Katolieke kerk in 1521 met die
Reformasie, is opgevolg met ‘n tallose verdere
verdeeldheid wat in die Pinkster- en Onafhanklike
kerke hul uiterste punt berei het.
1.2.4 Selfs binne een konfessionele verband het
verskeurdheid tot stand gekom. Dink maar aan