elfde vergadering - NG Kerk in Oos-Kaapland

http://ngkok.co.za/sinode2012/br/analise-predpast.pptx
10.8 Die Sinodale Kommissie het 'n beleid
opgestel vir die aanwending van lidmate wat
opgelei is om te preek en eredienste te lei. Op
Grond van hierdie beleid het die Algemene
Sinode in 2011 die kerkorde aangepas om
voorsiening te maak dat hierdie lidmate wel as
ouderlinge bevestig kan word met die oog op
Woordverkondiging. Die beleid is op ons webblad
beskikbaar by:
http://ngkok.co.za/kennisg/beleid_benut_woordbe
dieners_2010.pdf (daar is 'n bo-kas _ strepie
tussen die woorde in die skakel).
10.9 Verskeie wyer toepassingsmoontlikhede
is vir hierdie beleid "ontdek." Groter gemeentes
gebruik dit om meer preekpunte te ontwikkel, bv.
in gevangenisbediening of in die lei van
eredienste vir belangegroepe (jeugwerk,
bediening aan jong volwassenes, die lei van
byeenkomste in werkplekke, e.s.m.).
10.10 AANBEVELING
10.10.1 Die sinode bedank die
ontwikkelingspan wat die materiaal vir die
opleiding van lidmate verskaf het, asook alle
leraars wat betrokke is by die aanbieding van
die kursusse, en wat as mentors optree.
10.10.2 Die sinode versoek kerkrade en
lidmate om van die diensgeleentheid gebruik
te maak en hierdie beleid te implementeer.
11. UNIEKE UITKOMSTE IN GEMEEN-
TELIKE BEDIENINGE
11.1 Daar is dikwels 'n sentrale probleemverhaal
in die NG Kerk wat vertel van krimpende
gemeentes en die verlies aan bronne (bv. mense
en finansies).
11.2 Die uitdaging is om die uitkomste raak te
sien wat anders is as hierdie "dik" probleemstorie.
Hierdie unieke uitkomste is gewoonlik "dun" en
onsigbaar vir die siniese en bekommerde
waarnemer. Die hand van die Here is egter
dikwels duidelik in die unieke uitkomste te sien,
hoewel die positiewe uitkomste altyd broos is.
11.3 In A2, Verslag van die Sinodale kommissie,
pt 9, word vertel van 'n hele aantal van hierdie
unieke uitkomste. Dit is 'n klein onderdeel van 'n
groot waterval van unieke uitkomste wat ons moet
raaksien, en vier.
11.4 Daar is gemeentes in ons sinodale gebied
wat met ingrypende innovering besig is. Dit bly 'n
ope vraag of hierdie innovering volhoubaar sal
slaag. Die kritiese faktor is die teologiese
manier waarop lidmate en kerkrade oor die
innovering sal bly dink. Ringe speel hier ook 'n
belangrike rol.
11.5 Die unieke uitkomste word dikwels nie
raakgesien nie, of nie na waarde geskat nie, of
A5: Begeleiding – Saam in die Here se Diens
71
teologies verkeerd beoordeel. Missionêre
teologie kan ons baie hiermee help. Die gevaar is
dat missionêre gemeente-wees met uitreikprogramme
van gemeentes verwar sal word.
11.6 AANBEVELING
Die sinode gee aan gemeentes geleentheid om
stories van unieke uitkomste (die
teenwoordigheid en handelinge van die drieenige
God deur die gemeente) te vertel.
RINGE EN RINGSPROJEKTE
12. RINGE EN DIE VERSORGING VAN
PREDIKANTE
12.1 Ringe is pertinente rolspelers in die versorging,
bemoediging en toerusting van leraars. Die
Ring is dikwels die eerste ruimte waar gebreke in
die welstand van leraars raakgesien en hanteer
kan word.
12.2 Ringe moet toesien dat vertrouensverhoudings
tussen leraars deur die bou van
vriendskapsbande en konstruktiewe bestuur van
verhoudings geskep en in stand gehou word.
12.3 'n Jaarlikse retraite vir ringsleraars blyk in
talle ringe 'n uitstekende manier te wees om
hieraan aandag te gee.
12.4 AANBEVELING
Die Sinode moedig Ringe aan om strategieë
vir die bou van ondersteunende vertrouensverhoudinge
tussen leraars te ontwikkel en as
ringsprojekte te implementeer.
13. RINGSPROJEKTE
13.1 Die stelsel van ringsprojekte is oor die
afgelope aantal jare verfyn, en die nodige
handleidings is deur die Buitengewone Sinode
van 2005 goedgekeur.
13.2 Die aansoekvorm, handleiding en agtergrondsmateriaal
is beskikbaar op die sinode se
webblad, www.ngkok.co.za, of kan van die
sinodale kantoor aangevra word.
13.3 Ringe het die verantwoordelikheid om deur
behoorlike geloofsonderskeiding vas te stel wat dit
is wat die Here van die ringe en ringsgemeentes
in die spesifieke konteks vra. Waar ringe die Here
raaksien, en Hom gehoorsaam, gebeur besondere
dinge.
13.4 Geloofsonderskeiding beteken ook dat die
ring na leiers uit en verteenwoordigers van die
gemeenskappe wat bedien word, luister. Deur met
God se ore te luister, biddend, hoor mens wat die
Here sê.
13.5 Terwyl die formele sisteem dus goed
funksioneer, is die uitdaging voortdurend om