elfde vergadering - NG Kerk in Oos-Kaapland

1. DOEL
A4: Visionêre Leierskap : Geloofsonderskeiding, Beplanning en Strategieë
A4: VISIONÊRE LEIERSKAP - GELOOFSONDERSKEIDING,
BEPLANNING EN STRATEGIEË
1.1 In hierdie dokument word agtergrond en
inligting verskaf wat die sinode in staat stel om
geloofsonderskeidend rondom visionêre leierskap
as eerste sinodale funksie te beplan.
1.2 Visionêre leierskap is een van die vier
sinodale funksies. Die Sinodale Kommissie neem
vernatwoordelikheid daarvoor. Die verslag van
die Sinodale Kommissie is daarom die verslag wat
histories handel oor die afgelope vier jaar se
visionêre leiding.
1.3 AANBEVELING
Die sinode neem kennis.
2. WAT IS GELOOFSONDER-
SKEIDING?
2.1 Frederick Marais beskryf geloofsonderskeiding
in sy boek God praat - Leef luisterryk vir
vergaderings, as ‘n denkproses wat die hele tyd
besig is met die één vraag oor God en sy
waarheid.
2.2 Geloofsonderskeiding funksioneer met denke
wat nuut gemaak is deur God (Rom 12:2). In
hierdie denkprosesse is ons besig om te vra oor
Wie God is en waarmee Hy besig is in die wêreld.
Ons uitgangspunt is dat God geken kan word en
dat Hy aktief besig is om sy koninkryk in die
wêreld te laat kom.
2.3 Volgens Marais is notuleboeke vol besluite
deur kerkvergaderings dikwels sonder enige
soeke na die “God-vrae”, die vrae oor wie God is
en wat Hy doen, en wat Hy van ons verwag om te
doen. Dan word besluite geneem, maar nie vanuit
die nuwe denke wat God in ons skep nie. Ons
dink dalk eerder vanuit denkpatrone wat deur die
wêreld en die verbruikersmentaliteit gevorm is
wanneer ons nie die - dikwels moeilike - God-vrae
vra nie.
2.4 Voorbeelde van God-vrae:
● Wie is God?
● Waarmee is God nou besig?
● Wat is God (herhaaldelik) besig om vir ons te
sê?
● Aan wie behoort die kerk?
● Wat is God se droom vir en oor die gemeente?
2.5 Geloofsonderskeiding is om versoekings ook
in goeie dinge raak te sien. Dit is moontlik om
goeie dinge te doen, maar dan dinge wat nie op
64
daardie tydstip God se plan met sy kerk
weerspieël nie. Dit is bv nie opsigself verkeerd om
oor waardige kleredrag in die kerk te debatteer
nie. Maar as mens dit doen in ‘n omgewing van
skreiende armoede of onreg, en nooit oor
laasgenoemde praat nie - lê daar ook ‘n
versoeking in gesprekke wat ons weerhou om by
die wesenlike van ons godsdiens uit te kom.
2.6 Die uitdaging vir die NG Kerk in Oos-
Kaapland is om hierdie sinodale vergadering ‘n
geleentheid te maak om God se wil te soek,
onsself te verloën, ons kruis op te neem, en Jesus
na te volg.
2.7 Frederick Marais wys op die volgende
vertrekpunte en vrae vir geloofsonderskeiding
in vergaderings:
● Wat verstaan ons nou van God wat ons
voorheen nie verstaan het nie?
● Het ons in die besluitnemingsproses aan
onsself gesterf?
● Is daar tekens dat ons in ons besluitneming
deur die Woord gevorm word?
● Het ons genoeg geluister na die getuienisse
van mense - spesifiek die getuienisse van mense
wat dit waag om grense te deurbreek, en dit in die
lig van die Woord beoordeel?
● Is hierdie besluit mý of óns antwoord?
● God is teenwoordig in al die dinge wat met ons
gebeur - Het ons in die besluitnemingsproses al
vir God in die gewone dinge van die lewe
raakgesien?
2.8 AANBEVELING
Die sinode neem kennis en implementeer die
soeke na God se wil in al haar debatte.
3. UITDAGINGS VIR VISIONÊRE
LEIDING
3.1 'n Vriendekring wat saam groei
3.1.1 Die motto van die Begeleidingsnetwerk vir
die NG Kerk in Oos-Kaapland is: "'n Vriendekring
wat saam groei."
3.1.2 Dit bly 'n prioriteit om aan verhoudfinge in
Oos-Kaapland aandag te gee, en te verseker da
tons mekaar bly vashou as ringe, gemeentes,
predikante en lidmate.
3.1.3 Nie net saam-wees nie, maar saam-groei is
belangrik. Groei kan baie dinge beteken, en sluit
inderdaad baie fasette in.