elfde vergadering - NG Kerk in Oos-Kaapland

8.6 AANBEVELING
Die Sinode spreek sy dank uit teenoor gemeentes
wat die evangelie oor alle moontlike
grense bedien.
9. GELOOFSOORDRAG AAN DIE
VOLGENDE GESLAG
9.1 Tydens die vorige Sinode (2007) is
indringend gesprek gevoer oor geloofsoordrag na
die volgende geslag.
9.2 Een van die uitstekende bronne wat
gemeentes hiermee kan help, is F@ith at Home -
besoek www.faithathome.com vir meer
besonderhede.
9.3 Daar is voortdurende prosesse aan die gang
op soek na kategese-vernuwing. Bronne hiervoor
word binne en buite die NG Kerk ontwikkel. Ringe
moet voortdurend as forums dien waar
gemeentes mekaar kan bystaan om saam oor
jeugbediening en kategese na te dink.
9.4 Goeie publikasies op hierdie terrein moet
onderskei word van semels wat ook op die mark
verskyn. 'n Onlangse boek, wat besig is om
vinnig invloed te wen, is The Theological Turn in
Youth ministry van Andrew Root en Kenda Creasy
Dean, Intervarsity Press, 2011.
9.5 Geloofsoordrag veronderstel dat jongmense
by die gemeentelike bediening geïntegreer word.
Ouer lidmate bied dikwels heeltemal te veel
weerstand teen hierdie proses. Die onderskeid
tussen die sigbare strukture van die kerk, en die
onsigbare oortuigings oor God, kerk, roeping en
konteks (wat geventileer moet word) kan in hierdie
opsig help.
9.6 AANBEVELING
9.6.1 Die Sinode stuur hierdie inligting deur
na kerkrade.
9.6.2 Ringe word versoek om voortdurend
aandag te gee aan geloofsoordrag aan die
volgende geslag.
10. MISSIONÊRE TEOLOGIE
10.1 Die geloofsoortuiging dat die drie-enige God
self aktief teenwoordig en werksaam in die wêreld
is, lê aan die hart van missionêre teologie.
10.2 Die omvang van God se werk is nie bloot
gerig op die red van siele vir die ewigheid nie.
God werk tot heil van God se ganse skepping.
God red ons vir die skepping, vir die lewe in God
se koninkryk hier op aarde.
10.3 Die Wêreldraad van Kerke het in Maart 2012
'n teologies baie ryk dokument gepubliseer wat
oor die missie of sending van God in die wêreld
handel. Een van die aksente in hierdie verslag
A6: Navorsing
77
handel oor ekologie. Die verslag beklemtoon ook
lewenstyl bo strategie.
10.4 Hierdie verslag is beskikbaar by:
http://www.oikoumene.org/en/resources/document
s/wcc-commissions/mission-andevangelism/together-towards-life-mission-andevangelism-in-changing-landscapes.html
10.5 By Algemene Sinode 2011 het ook 'n
belangrike dokument oor missionêre teologie
gedien. Dit is op ons webblad beskikbaar by:
http://ngkok.co.za/sinode2012/br/miss-ekkl.pdf
10.6 AANBEVELING:
Die Sinode neem kennis.
11. TEMAS VIR NAVORSING
11.1 Die Sinode behoort na te dink oor wesenlike
aspekte van die kerk se roepingsvervulling
waaroor ondersoek nodig is. Dat kan ter plaatse
ondersoek oor die konteks waarin gemeentes
geroep is om kerk te wees, insluit.
11.2 AANBEVELING
Die Sinode identifiseer sake waaroor in die
reses ondersoek gedoen moet word, en
verwys dit vir die bepaling van prioriteite na
die Sinodale Kommissie.