n regsvergelykende studie van die minimum prosedurele vereistes

In 1964 onttrek Suid-Afrika aan die Internasionale Arbeidsorganisasie (IAO) weens
toenemende druk teen die regering se beleid van aparte ontwikkeling. Die IAO aanvaar
ʼn verklaring getiteld Declaration Concerning the Policy of Apartheid of the Republic of
South Africa in dieselfde jaar. 33
Politieke onstuimigheid gedurende die sewentigerjare lei tot verdere protes in die
arbeidsmark. Natal word in 1973 deur ʼn groot aantal stakings deur swart werknemers
geteister wat ernstige tekortkominge in arbeidsverhoudinge blootgelê het. 34 Dit het
onder meer bygedra tot die inwerkingtreding van ʼn stelsel van komitees by die werkplek
in 1973. Die Soweto-opstand van 1976 laat 5755 mense dood en 2389 beseer en
landswyd word veral die werkplek swaar deur boikotte en wegblyaksies getref. 35
Die Staatspresident stel op 21 Junie 1977 ʼn kommissie (hierna die Wiehahn-kommissie
genoem) van ondersoek onder leiding van Prof. Nic Wiehahn aan om arbeidswetgewing
en arbeidsverhoudinge in sy geheel te ondersoek en aanbevelings aan die regering te
maak.
Die Wiehahn-kommissie 36 het vanaf 1977 tot 1981 ses verskillende verslae 37
gepubliseer en belangrike aanbevelings aan die Regering gemaak. Die meeste hiervan
is deur die Parlement aanvaar, waarvan baie in wetgewing verskyn het. 38
ʼn Paar aanbevelings, was inter alia dat:
• ʼn nuwe Nywerheidshof gestig moet word (dit kan met die hedendaagse
Arbeidshof vergelyk word);
• ʼn nasionale mannekragkommissie gestig moet word (dit kan met die huidige
Nasionale Ekonomiese, Ontwikkelings- en Arbeidsraad (NEOAR) vergelyk word);
33
This day in history 2010.
34
Schaeffer, Heyne en Kachelhoffer 1975:v.
35
Slabbert en Swanepoel 2002:30.
36
Komissie van Ondersoek na Arbeidswetgewing onder die voorsitterskap van Wiehahn.
37
RP 47/1979 (Deel 1), RP 38/1980 (Deel 2) en RP 27/1981 (Deel 3).
38
Sien ook Van Niekerk ea 2008:12.
semper et unicus optimus
11