n regsvergelykende studie van die minimum prosedurele vereistes

omskryf word nie. 95 Hy verwys na die bekende Engelse regsgeleerde, Sir Otto Kahn-
Freund, se opmerking oor die verhouding:
“The relationship between an employer and an isolated employee or worker is
typically a relation between a bearer of power and one who is not a bearer of
power. In its inception it is an act of submission, in its operation, it is a condition
of subordination.” 96
Die werkgewer gebruik die gesagsposisie in die uitoefening van dissipline en dit is in
baie werkplekke die bron van baie konflik wat soms met groot emosie gepaard gaan. 97
Hoewel die werkgewer in ʼn gesagsposisie teenoor die werknemer staan, is beide partye
gelyk voor die reg en het hulle gelyke beskerming van die reg. 98 Indien die werkgewer
nie die reg het om dissipline in die werkplek uit te oefen nie, is die reg om gesag uit te
oefen sonder betekenis. Hierdie reg is dus ʼn geïmpliseerde reg in die
diensverhouding. 99
Die ooreenkoms is ook ʼn vrywillige ooreenkoms binne die beperkinge wat deur die
algemene beginsels van die kontraktereg daargestel is. 100 Dit veronderstel dus ʼn
onderhandeling oor die diensvoorwaardes binne die raamwerk van bestaande
kollektiewe ooreenkomste en tersaaklike wetgewing. Weinig individuele werknemers
beding egter die voorwaardes van die ooreenkoms. Indien die inhoud nie kollektief
beding word nie is dit gewoonlik op terme en voorwaardes van die “sterker” party, die
werkgewer. 101
95 Grogan 2010:43.
96 Davies en Freeland 1983:18. Die aanhaling kom uit Davies en Freeland se boek getiteld Kahn-
Freund’s Labour and the Law.
97 Collins 1992:1. Sien ook Finnemore 2002:171. Finnemore voer aan dat tussen 15 en 25 persent van
alle stakings tussen 1979 en 1995 oor dissiplinêre optrede teen medewerknemers gehandel het. Sien ook
Grogan 2007a:91.
98 Wedderburn 1965:13.
99 Basson ea 1998:64.
100 Mansfield Cooper en Wood 1966:2.
101 Wedderburn 1965:33: “The language of ‘agreement’ used in the court-room is bound to have a hollow
ring to a servant sued for the enforcement of what he felt to be an imposed obligation; and we shall see
that the courts’ interpretation of the rights of the parties, based on their ‘agreement’ and ‘intention’,
semper et unicus optimus
25