n regsvergelykende studie van die minimum prosedurele vereistes

Die finale Grondwet 59 word op 16 Desember 1996 aanvaar en tree op 4 Februarie 1997
in werking. Grondwetlike beskerming vir arbeidsregte word as deel van die kernregte in
artikel 23 beskerm.
Die Wet op die Nasionale Ekonomiese, Ontwikkelings- en Arbeidsraad 60 word in 1995
gepromulgeer en bestaan uit die staat, georganiseerde arbeid en georganiseerde
besigheid. Een van die oogmerke van NEOAR is om alle voorgestelde
arbeidswetgewing te oorweeg voor dit by die parlement ingedien word. Binne die
volgende paar jaar sou die liggaam oor sewe wette besin.
Die Ministeriële Taakspan lewer op 2 Februarie 1995 ʼn konsepdokument in die vorm
van ʼn wetsontwerp en verklarende memorandum vir bespreking wat die basis vir die
Wet op Arbeidsverhoudinge van 1995 sou word. 61 Hierdie wet is een van die eerste
wette wat die nuwe regering die lig laat sien het en is met sekere uitsonderings op alle
werknemers en werkgewers in Suid-Afrika van toepassing en het op 11 November 1996
in werking getree. Die wet reël onder meer vryheid van assosiasie, kollektiewe
bedinging, stakings en uitsluitings, geskilbeslegting en ontslag. Die nuwe wet het die
totale geskilbeslegtingsproses verander met die daarstelling van ʼn Arbeidshof (wat die
Nywerheidshof vervang het) en die KVBA. Hierdie wet was egter net die begin van ʼn
proses waarin die totale arbeidsreg hersien en vir bespreking in verskillende skrifte
vervat was. 62
Vanaf 1996 tot 2000 verskyn die volgende nuwe wette:
• Die Wet op Arbeidsverhoudinge, 66 van 1995;
• Die Wet op Basiese Diensvoorwaardes, 75 van 1997;
• Die Wet op Gelyke Indiensneming, 55 van 1998;
• Die Wet op Vaardigheidsontwikkeling, 97 van 1998;
59 Grondwet van die Republiek van Suid-Afrika 108/1996.
60 Wet op die Nasionale Ekonomiese, Ontwikkelings- en Arbeidsraad 35/1995.
61 “Wetsontwerp vir Arbeidsverhoudinge in die vorm van ʼn Onderhandelingsdokument”. Staatskoerant
162929, 1995:97. Sien ook Van Niekerk ea 2008:13.
62 Du Toit ea 2006:33. Sien ook Cheadle 2006:3-4.
semper et unicus optimus
15