n regsvergelykende studie van die minimum prosedurele vereistes

punished for behavior that she had engaged in for some time … Disciplinary
events are a fact of organizational life that both the manager and employee find
unpleasant.” 85
ʼn Werkgewer is geregtig om dissipline in die werkplek te handhaaf en die nodige
sanksies teen werknemers in te stel indien werknemers nie aan die voorgeskrewe
standaarde voldoen nie. Die reg om dissipline af te dwing en te handhaaf is afkomstig
uit ʼn verskeidenheid van bronne wat die aard van die diensverhouding omskryf. Die
individuele dienskontrakte, gemenereg, wetgewing, dissiplinêre kodes en kollektiewe
ooreenkomste is van die vernaamste bronne. 86
2.2 Die aard van die diensverhouding
2.2.1 Die dienskontrak
Die werkgewer se verantwoordelikheid vir die handhawing van dissipline vind sy
oorsprong in die aard van die diensverhouding tussen die werkgewer en die
werknemer. 87 Die vraag ontstaan of die werkgewer die reg het om dissipline te
handhaaf en of die werkgewer die verantwoordelikheid het om dissipline te handhaaf.
Uit Atlantis Diesel Engines (Pty) Ltd v Roux NO & Another 88 blyk dit dat die werkgewer
se reg om dissipline te handhaaf die verantwoordelikheid meebring en dat die
werkgewer inderdaad ʼn plig uit hoofde van die gemenereg het om ʼn stabiele
werksomgewing te skep.
Die inhoud van hierdie diensverhouding word per ooreenkoms deur ʼn dienskontrak
gereguleer. 89 Die dienskontrak moet, net soos enige ander kontrak, aan die normale
vereistes vir ʼn geldige kontrak voldoen. Die algemene beginsels van die kontraktereg,
85 Atwater ea 2007:392.
86 Joubert 2001:par 717.
87 Grogan 2007a:91: “Employers hava a right, indeed a duty, to maintain discipline in the workplace.” Sien
ook Joubert 2001:par 717 en Basson ea 1998:64.
88 1988 9 ILJ 45 (K).
89 Dit is nie noodwendig ʼn formele geskrewe dokument nie en kan mondeling of deur handeling ontstaan.
semper et unicus optimus
23