n regsvergelykende studie van die minimum prosedurele vereistes

vakbonde kan ontlok wat nie tot voordeel van die arbeidsmark sal wees nie. Dit is dus
belangrik om meganismes te skep om geskille verantwoordelik te kan besleg. 141
2.2.3 Dissiplinêre kodes en kollektiewe ooreenkomste
Die meeste geskille wat in die loop van diens besleg word vind buite die meganismes
wat deur wetgewing daargestel is plaas, omdat die geskille informeel binne die bestek
van die werkplek tussen die werknemer en sy direkte toesighouer opgelos word. 142
Vakbonde en vakbondverteenwoordigers (“shopstewards”) speel gewoonlik ʼn
belangrike rol in die informele prosedure.
Baie van hierdie informele prosedures is stilswyende ooreenkomste wat deur die loop
van tyd in die werkplek ontstaan het. Die voordeel van die informele benadering is dat
dit baie buigsaam toegepas kan word na gelang van die omstandighede en die aard
van die besigheid. Dit is egter ook soms die grootste nadeel omdat dit ruimte vir
onsekerheid kan skep. 143
Dissiplinêre kodes kan informeel of formeel wees na gelang van die behoeftes van die
spesifieke werkplek, maar dit is belangrik dat werknemers vertroud moet wees met die
inhoud daarvan en dat werkgewers dit konsekwent moet toepas. Partye sal egter eers
hulle eie interne prosedures moet uitput voordat geskille ekstern hanteer sal word. 144
Daar is ook ʼn wyduiteenlopende verskeidenheid skriftelike dissiplinêre kodes wat van
minder ernstige wangedrag tot ontslag weens bedryfsvereistes handel. Marsh voer
egter aan dat selfs in die gevalle waar daar skriftelike dissiplinêre kodes bestaan, dit
selde tot die letter van die woord uitgevoer word. 145 Dit laat dus steeds ruimte vir
buigsaamheid om die spesifieke behoeftes van die werkgewer aan te spreek. Die
141
Riekert 1987:62. Sien ook Brassey se bespreking van die tekortkominge van die gemenereg in
Brassey 1987a:2.
142
Hepple 1979:67.
143
Hepple 1979:67.
144
Olivier 1987:409.
145
Marsh 1968:18.
semper et unicus optimus
33