You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
interaksie wees. Realiteite in verhoudings wat verdiskonteer<br />
moet word, is armoede, ontwikkeling, globalisering<br />
en verskillende leierskapsmodelle. God het ook die verskille<br />
daargestel (Gen 11) by die toringbou van Babel. Kulturele<br />
verskille moet gebruik word om God voluit te dien,<br />
elkeen in sy eie kultuur, met sy eie taal, maar in liefde vir<br />
mekaar tot uitbreiding van God se koninkryk. Een kultuur<br />
moet nooit verabsoluteer word om oor ander kulture te<br />
heers nie, of beskou word as die norm waarteen ander<br />
gemeet moet word nie. Christene moet nie ander kulture<br />
vermy of ignoreer nie, maar moet mekaar eerder aanvaar,<br />
akkommodeer en waardeer.<br />
Verhoudings op taalgebied<br />
In Afrika alleen is daar 53 lande waarin 1 500 tale gepraat<br />
word. In Suid Afrika alleen is daar 11 amptelike landstale.<br />
Sekerlik een van die grootste probleme in ons verhoudings<br />
met ons landgenote is die gebrek aan taalvaardigheid.<br />
Vir lank was Afrikaans en Engels die enigste amptelike<br />
landstale. Hoe moeilik is dit nie om te kommunikeer<br />
as jy nie mekaar se taal verstaan of praat nie? Hoe moeilik<br />
is dit nie om oor te dra hoe ek oor jou voel, wat ek dink,<br />
wat ek bedoel as jy dit nie in jou eie taal kan hoor nie?<br />
Hoe moeilik is dit nie om per tolk die evangelie oor te dra<br />
nie?<br />
Dit sou goed wees as ons met mekaar kon praat, elkeen<br />
in sy moedertaal. Dit sou so goed wees as ons met mekaar<br />
kan praat volgens die eis van die Skrif uit Efesiërs 4:29,<br />
sodat ons net kon praat wat goed en opbouend is. Dat<br />
ons mekaar kon verstaan elkeen in sy eie taal. Is dit nie<br />
hoog tyd dat ons elkeen ’n Afrikataal aanleer nie?<br />
Verhoudings op kerklike terrein<br />
Die Gereformeerde Kerke het ook alreeds begin om<br />
die diversiteit van ons landgenote aan te spreek. Die<br />
verskillende sinodes oor die kleurgrens heen werk saam<br />
na ’n eenheid toe. So het ons op die afgelope nasionale<br />
sinode in 2009 die voorreg gehad om as kerke in ’n eenheid<br />
saam te vergader. Dit het gebeur ondanks die diversiteit,<br />
pluriformiteit en individualiteit van die verskillende<br />
kerke. Die allesinsluitende sisteme is besig om herdefinieer<br />
te word om saam God te verheerlik en te aanbid.<br />
Diversiteit en pluraliteit moet nie as bedreigend gesien<br />
word nie, maar moet gebruik word in die uitbreiding van<br />
die koninkryk, die uitdra van die evangelie.<br />
2010<br />
julie<br />
• fokusartikel•<br />
Verhoudings ten opsigte van rykes en armes<br />
Suid Afrika is ’n land waarin baie ryk en baie arm mense<br />
woon. Vroeër was die woongebiede gedefinieërd en geografies<br />
geskei. Die skeiding word grootliks opgehef met<br />
die informele nedersettings en die formele woongebiede<br />
wat langs mekaar en soms inmekaar gevleg is. Om daarom<br />
in verhouding met mekaar te leef, het ’n realiteit geword.<br />
Dit bring ons nader aanmekaar en skep geleenthede<br />
om sodoende die evangelie aan ons landgenote te kan<br />
verkondig.<br />
❏ Eerstens is daar sekerlik die opdrag om die evangelie<br />
uit te dra (Matt 28:19).<br />
❏ Tweedens is daar die opdrag om mekaar lief te hê,<br />
en dit geld veral vir Christene (Joh 13:34, 35).<br />
❏ Derdens moet ons in die wêreld die sout vir die aarde<br />
wees en die lig vir die wêreld (Matt 5:13-16).<br />
❏ Vierdens moet ons die Christelike liefde uitdra teenoor<br />
almal, veral ons medebroeders en susters en ook ons<br />
landgenote (Matt 5:43-48).<br />
❏ Vyfdens is die opdrag ook duidelik om vir almal te<br />
sorg wat arm, honger en dors het (Matt 25:31-46).<br />
Verhoudings ten opsigte van ryk en arm vra daadwerklike<br />
dade van liefde, begrip, omgee teenoor ons landsburgers.<br />
Verhoudings in ’n wonderlike land<br />
God het aan ons almal ’n wonderlike land gegee, met<br />
natuurskoon wat strek van woestyne tot waterryke, groen<br />
gebiede, van lowergroen tot uiters droog, van uiterste koue<br />
tot uiterste hitte. Saam het ons die land gebou en saam<br />
moet ons dit bly bewerk ook vir die toekoms. Saam moet<br />
ons dit waardeer wat God aan ons gegee het (Ps 8).<br />
Samevatting<br />
Om in ’n Christelike verhouding te leef met jou medelandgenote<br />
is ’n wonderlike voorreg. Die norm vir Christene<br />
is nie geleë in materiële welvaart of in persoonlike voordeel<br />
nie, maar dit gaan eerstens oor die uitbreiding van<br />
die koninkryk van God. Dit beteken dat elkeen wat in Jesus<br />
glo, die ewige lewe het. Elkeen wat waarlik ’n kind<br />
van God is, is ook mede-erfgenaam van die ewige koninkryk.<br />
Saam moet ons die liefde van God uitdra teenoor<br />
alle mense. Kom ons dra mekaar in die gebed op aan die<br />
sorg van ons troue hemelse Vader. Kom ons bid oponhoudelik<br />
vir hierdie land en sy mense waarin God ons geplaas<br />
het. DK<br />
• Die Kerkblad • 11