Create successful ePaper yourself
Turn your PDF publications into a flip-book with our unique Google optimized e-Paper software.
volgens sy eie standaarde en eie doelwitte, neem die skeeftrekkings<br />
van die sonde toe, en kan die mens die dinge van elke dag<br />
al hoe minder geestelik onderskei.<br />
Bybelse waarhede<br />
Ons leer in die Bybel dat daar nie ’n verskeidenheid maniere is<br />
om God te dien nie, of dat die een manier so goed en geskik is<br />
soos die ander nie. Uit die Skrif leer ons dat enige gedagte of<br />
optrede van die mens wat nie deur God gewil is nie, uit die<br />
bose is. Daar is net EEN GOD en daar is net EEN MANIER<br />
om korrek te lewe – en dit is GOD SE WYSE.<br />
Die mens van vandag beskou die waarhede en waardes wat vir<br />
die lewe geld, te maklik as relatief, as betreklik. Is sekere waardes<br />
vir jou absoluut waar en geldend vir jou praktiese lewe? Of<br />
kyk jy eers na die praktyk van die lewe en besluit dan oor die<br />
toepassing van beginsels en norme?<br />
Die lewe is nie een groot, grys gebied waarin die skakering van<br />
grys net ietwat wissel van een gebeurtenis tot ’n ander nie. Dan<br />
hoef jou standpunte nie ’n regte of ’n verkeerde te wees nie.<br />
Dan is dit ook nie nodig om ’n waar of ’n vals vas te stel nie,<br />
want in die lewe bestaan daar vir jou dan net skakeringe van<br />
waar en vals, reg en verkeerd. Die pole hiervan rek jy dan so<br />
ver uitmekaar dan jy nooit by ’n punt sal kom waar ’n ding<br />
verkeerd of vals is nie. Jou skakeringe van grys laat jou altyd<br />
toe om met jou standpunte regverdiging vir jou dade te kry.<br />
Indien daar nie tussen waarheid en valsheid onderskei kan word<br />
nie, of tussen reg en verkeerd, of goed en sleg, dan is dit onnodig<br />
om geestelik te onderskei. Jy kan alleen geestelik onderskei as<br />
daar ’n skerp skeiding is tussen reg en verkeerd, waar en vals,<br />
goed en sleg.<br />
Onderskeiding is nodig<br />
In die Bybel is teëstelling baie belangrik, want in die Bybel<br />
gaan dit om God se gedagtes teenoor die gedagtes van Satan.<br />
Daarom is geestelike onderskeidingsvermoë nodig om God se<br />
gedagtes en wil te kan onderskei van alle ander gedagtes. Omdat<br />
Satan met sy leuens, onreg, valsheid en sondeverleiding teenwoordig<br />
is, was dit van die begin af vir die mens nodig om te<br />
onderskei tussen goed en kwaad.<br />
♦ Adam en Eva moes onderskei en kies tussen die twee bome<br />
wat in die middel van die tuin gestaan het (Gen 2:9).<br />
2010<br />
julie<br />
• redaksioneel •<br />
♦ Weldra sou die mens moes onderskei en kies tussen die<br />
twee lewenspaaie waarvan Psalm 1 so duidelik vertel.<br />
♦ Daar moet onderskei word tussen lewe en dood, ewigheid<br />
en hel, lig en duisternis, die koninkryk van God en die koninkryk<br />
van Satan.<br />
Gelowiges is verplig om te onderskei tussen die geeste. Die<br />
volle lewe van die mens is godsdiens (Pred 12:13; 1 Kor 10:31;<br />
Kol 3:17; 1 Pet 4:11). Daarom is dit ’n voltydse verantwoordelikheid<br />
om te bly onderskei.<br />
Die bron van waardes<br />
Geestelike onderskeiding is net moontlik as die Gees van God<br />
die vermoë daartoe gee. In 1 Korintiërs 2:6-15 skrywe Paulus<br />
oor die Gees van God wat teenwoordig is in die hart van die<br />
gelowige en die betekenis daarvan. Dan kom Paulus tot die<br />
slotsom: “Die mens wat die Gees van God het, kan die waarde<br />
van alle dinge beoordeel” (vs 15). Geestelike onderskeidingsvermoë<br />
is ’n Godgegewe vermoë. CNM<br />
• Die Kerkblad • 7