Tydskrif April 2010.p65 - CJBF
Tydskrif April 2010.p65 - CJBF
Tydskrif April 2010.p65 - CJBF
Create successful ePaper yourself
Turn your PDF publications into a flip-book with our unique Google optimized e-Paper software.
- fokus: die huwelik - Prof. JM (Koos) Vorster (Teologiese Skool)<br />
Veelwywery<br />
Die huwelik as instelling van God het in ons sekulêre samelewing<br />
opnuut onder skoot gekom. 'n Teologiese professor het onlangs<br />
geskryf dat die huwelik slegs 'n kultuurverskynsel is, en dat elke kultuurperiode<br />
en kultuur hulle eie vorme van huwelik het. Ons moet dit as Christene<br />
so aanvaar. So was poligamie in verskeie kulture die gebruik.<br />
Vandag word homoseksuele huwelike al hoe meer oor die wêreld as net 'n<br />
alternatiewe vorm van huwelik beskou. Kortstondige saamblyverhoudings<br />
word as 'n moderne vorm van huwelik gesien, en in Suid-Afrika het die huwelike<br />
van die staatspresident weer die saak van die moraliteit van veelwywery<br />
aan die orde gestel.<br />
In die Christelike etiek, soos deur ons beoefen, word baie aandag gegee aan<br />
die huwelik, omdat dit die grondslag is waarop gesin en samelewing gebou<br />
word. Die verbondshuwelik is immers ook een van die belangrike boustene<br />
van die verbondsgemeente. Daarom is dit nodig om hierdie saak weer in die<br />
Bybelse lig te bespreek.<br />
Die huwelik is 'n skeppingsinstelling<br />
Die Bybelse idee van die huwelik en gesin het die skeppingsorde as fondament.<br />
Die verhaal van Genesis 1 3 kan gesien word as die prototipe van die huwelik<br />
as instelling van God. Alhoewel daar ander vorms van huwelik in die Bybel<br />
beskryf word, toon die openbaringshistoriese gegewens in die Bybel dat die<br />
skeppingsorde gesien moet word as die uiteindelike voorskrif waaraan die<br />
huwelik moet voldoen.<br />
Soos God een man en een vrou geskep het en in 'n huweliksverbintenis gestel<br />
het, so “lei God vandag nog elke man en vrou na mekaar toe” (kyk die huweliksformulier<br />
oor Gen 2:21-24). Hierna<br />
het beide Jesus en die apostels in hulle<br />
onderwysinge oor die huwelik verwys.<br />
(Hieroor word 'n baie mooi oorsig gegee<br />
in die aanbevelenswaardige boek van AJ<br />
Köstenberger met die titel “God, marriage<br />
and family. Rebuilding the biblical<br />
foundation”.)<br />
God het die huwelik ingestel as 'n monogame,<br />
heteroseksuele verbintenis 'n<br />
eksklusiewe verhouding tussen een<br />
man en een vrou. Alhoewel poligamie<br />
wel in die Ou Testament voorgekom het,<br />
soos dit duidelik was in die lewe van Lameg<br />
(Gen 4:19), Esau (Gen 26:34), Abraham,<br />
Dawid en Salomo, was monogamie<br />
die duidelike Bybelse norm.<br />
Hierdie beginsel was die fondament<br />
van huweliksverhoudings in die Nuwe<br />
Testament (1 Kor 7:2; Ef 5:28-33;<br />
Kol 3:19; Tit 2:4). Die poligame huwelik<br />
(veelwywery) was wel beskryf,<br />
maar die monogame huwelik word<br />
voorgeskryf. Die skeppingsorde<br />
maak geen voorsiening vir selfdegeslag<br />
huwelike of burgerlike verbintenisse<br />
van mense van dieselfde geslag<br />
nie.<br />
Die doel van die huwelik<br />
Die doel van die huwelik is primêr dat<br />
man en vrou mekaar moet ondersteun<br />
en bystaan (Ef 5:23-25), mekaar<br />
fisiese en geestelike vervulling<br />
gee, en om immoraliteit in die samelewing<br />
te voorkom (1 Kor 7:1-7).<br />
Voortplanting word ook as 'n integrale<br />
deel van die huwelik gesien. Kinderlose<br />
huwelike is egter nie minderwaardig<br />
nie, want die huwelik moet<br />
nie verlaag word tot slegs die sfeer<br />
van die fisiese nie. Man en vrou word<br />
“een”, en dit beteken dat twee mense<br />
in mekaar se lewe deel op 'n volledige<br />
en toegewyde manier.<br />
Die huwelik is dus veel meer as seksualiteit.<br />
Die huwelik tussen een man<br />
en een vrou kan as 'n verbond beskryf<br />
word, maar dan as 'n verbond in 'n<br />
driehoeksverhouding waarin God,<br />
man en vrou die partye is.<br />
Man en vrou is albei aan God verbind<br />
en as gevolg van hierdie vertikale verbintenis<br />
ook aan mekaar in 'n diep<br />
geestelike en fisiese verbintenis. Seksualiteit<br />
hoort ook tuis binne die geborgenheid<br />
van hierdie verbondsverhouding.<br />
Daarom is die huweliksverhouding<br />
'n verhouding wat op<br />
ewige trou rus.<br />
Man en vrou beloof aan mekaar ewige<br />
trou en mag dus ook nie ontrou optree<br />
nie. Om hierdie rede het ons die<br />
mooi gebruik in Afrikaans om die huwelik<br />
'n troue te noem. Ontrouheid<br />
aan 'n lewensmaat binne die mono-<br />
14 • Die Kerkblad <strong>April</strong> 2010 •