Tydskrif April 2010.p65 - CJBF
Tydskrif April 2010.p65 - CJBF
Tydskrif April 2010.p65 - CJBF
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Ds. HS (Fanie) Coetzee (Potchefstroom-Noord)<br />
SIMONSOORD -<br />
’n tuiste vir spesiale<br />
mense<br />
- van oraloor -<br />
Dit is nou reeds byna vier jaar gelede dat ons berig het van die projek<br />
om 'n huis op te rig vir die versorging vir Simon Coetzee en ander<br />
nie-selfversorgende mense. Soos met so baie dinge kyk ons vandag terug<br />
oor die tydperk van die Here se genadige versorging. Die Here was goed vir<br />
Simonsoord en sy inwoners.<br />
Ter agtergrond gee ons weer kortliks die geskiedenis weer: Simon is 'n<br />
serebraal- en verstandelik gestremde jong man van 23 jaar oud. Die aard van sy<br />
gestremdheid is so dat hy vir die res van sy lewe van ander afhanklik gaan wees<br />
vir versorging. Omdat daar in Potchefstroom nie permanente verblyfmoontlikhede<br />
vir mense met soortgelyke gestremdhede is nie, is daar in Mei 2006 in<br />
die geloof en met die verantwoordelikheid wat die Here aan sy mense gee, tot<br />
die daad oorgegaan om Simonsoord op te rig.<br />
Hoewel Simonsoord deur 'n onafhanklike trust bedryf word, is die gemeentes<br />
van Potchefstroom-Noord en Noordbrug indirek by die projek betrokke. 'n Huis word gehuur en tans is daar drie<br />
permanente inwoners in die huis. Teen die einde verlede jaar het, om verskillende redes, drie inwoners ander verblyf<br />
gekry. Dit beteken dat ons weer plek het vir nog drie permanente inwoners. Daar is ook twee kinders wat dagsorg<br />
ontvang en verder word daar vir korter tydperke mense gehuisves.<br />
'n Inwonende huismoeder met twee dag- en een nagversorger lewer onbaatsugtige liefdesdiens. Ons is geseënd<br />
met betroubare personeel wat toegewyd en liefdevol na die inwoners omsien. Hoewel daar geen formele onderrig<br />
aangebied word nie, werk ons nou saam met die ES le Grange Skool vir spesiale onderwys. By Simonsoord self word<br />
daar moeite gedoen om die inwoners wat nie meer skool kan bywoon nie, georganiseerd te stimuleer en die lewe vir<br />
hulle op te vrolik.<br />
Ons kyk vandag terug met groot dankbaarheid vir die Here se voorsiening op finansiële en ander terreine. Hy<br />
gebruik sy kerk en baie gelowige mense om met konkrete liefde 'n verskil te maak in mense se lewens. Ons dank Hom<br />
vir elkeen wat Hy op een of ander manier gebruik het en in kontak met ons gebring het.<br />
Indien u by die projek betrokke wil raak of indien daar navrae is oor moontlike inwoners kan u met Fanie Coetzee<br />
(084 378 9173) skakel.<br />
(Spaarrekening Absa Tomstraat; rek. nr 9181834383)<br />
• Die Kerkblad <strong>April</strong> 2010 • 43