Tydskrif April 2010.p65 - CJBF

Stellenbosch Eerstejaarskamp
- ’n spesiale ervaring!
Christiaan Buys skryf ...
Op 9 Januarie het 'n groep verwarde en
opgewonde eerstejaars en die groepleiers
op Stellenboschfontein aangekom (25 in
totaal). Dis te veel om 'n detailverslag oor elke
oomblik te gee, jy moet eintlik maar self deel hê aan
die spesiale ervaring. Wat ek wel sal sê, is dat die
aktiwiteite paintball en absailing ingesluit het. Ek was
eers bietjie oorweldig deur die feit dat ons so min
was (ons Doppers is mos maar skaars in die Kaap!),
min wetende dat dit die geleentheid gebied het om
elkeen van my mede-eerstejaars asook die seniors
op 'n baie meer persoonlike wyse te leer ken eerder
as 'n groot klomp name en gesigte wat uiteindelik
ook maar net 'n naam en 'n gesig bly. Die
Eerstejaarskamp het my nie net blootgestel aan 'n
opregte sosiale kring nie, maar ook aan 'n
ondersteuningsnetwerk van geloofsvriende wat altyd
bereid is om 'n helpende hand uit te steek wanneer
dit moeilik gaan. Seker die belangrikste deel van die
kamp was die geestelike verryking. Die lesings was
treffend en toepaslik. Temas het ingesluit “verhoudings”,
“emosionele intelligensie”, “morele kwessies”,
“hantering van seerkry”, “leierskap” ensovoorts. Ek
glo elkeen van ons het in geloof gegroei en nader
gekom aan ons Skepper. Ons het die studentewêreld
betree, geestelik toegerus vir dié belangrike tyd in
ons lewens.
Die kamp was werklik 'n spesiale ervaring in elkeen
van die nuwe eerstejaars se lewens. 'n Spesiale
woord van dank aan die
groepleiers, ds. Johan van
Heyningen, oom André Venter wat sy plaas tot ons
beskikking gestel het, en ieder en 'n elk wat 'n rol
gespeel het.
Annemie Aucamp skryf …
Ek was baie opgewonde om die jaar met 'n
kerkkamp te begin. Ek het gehoop om ná die
kamp die moed en krag te hê om die jaar
saam met Christus aan te pak. Ek het nie net dit
gekry nie, maar soveel meer deur al die geestelike
groei. Ek het weer vastrapplek gekry om saam met
God en die mense om my 'n nuwe, meer opwindende
lewe te bou en hierdie persoonlike pad saam met
God te stap. Ek het besef van nou af hang al die
keuses wat ek gaan maak, van my verhouding met
God af. Dit het my rustig gemaak om met die ander
jong gelowiges te praat en te hoor dat almal onseker
is, en ook om by die senior studente van hulle
ervarings te leer en deel.
Deur die temas wat bespreek is, het ek ongelooflike
en baie kosbare raad en leiding gekry wat van
toepassing sal wees op die toekoms. Die eerlike
gesprekke het gelei tot groot saamkuier wat baie
spesiaal was, veral die bidbuddy's en persoonlike
gesprekke met die groepleiers. Ek het besef daar sal
altyd iemand omgee en help. Ek kan eerlik sê dat ek
great vriende gemaak het wat die pad sal saamstap!
40 • Die Kerkblad April 2010 •
DK