Tydskrif April 2010.p65 - CJBF

- fokus: versoekings - Ds. SA (Sarel) Cilliers (Waterberg)
Versoekinge is subtiel - met die
eerste oogopslag lyk dit so onskuldig
• Deut 7:19 as leidraad •
Een van die moeilikste dinge in die lewe is om in
absolute gehoorsaamheid aan die Wet van God
te leef. Hoe hard ons ook al probeer, ons swig
telkens voor versoekinge. Dalk spreek ons in 'n onbewaakte
oomblik, of in 'n vlaag van irritasie, 'n harde
wood uit. Miskien verkondig ons 'n halwe waarheid, of
is ons traag om standpunt in te neem vir wat reg is. Dalk
koester ons al lank 'n grief, of kan ons iemand nie
vergewe nie. Wat die struikelblok in ons lewe ook al is,
die eindresultaat is dat ons altyd misluk in ons pogings
om volgens die Wet van ons Koning te leef.
Die subtiele en gevaarlike versoekinge van die duiwel
het nie alleen tot die heel eerste mensepaar in die
paradys gekom nie, maar ook tot die kerkvolk van alle
eeue. Selfs ons Here Jesus is as mens hier op aarde nie
daarvan gespaar nie. Elke gelowige sal kan getuig van
versoekinge wat op subtiele wyse sy pad gekruis het.
Versoekings sal altyd op jou pad kom. Jy kan daarvan
seker wees dat Satan onophoudelik hierdie subtiele en
agterbakse metode sal gebruik om jou geloof te
verswak. En hy sal jou altyd aanval wanneer jy op jou
kwesbaarste is.
Die gevaar van 'n versoeking is dat dit so goed en reg
kan lyk. Dikwels, met die eerste oogopslag, lyk niks
daaraan afstootlik of verkeerd nie.
Hoekom is versoekinge subtiel?
Hoekom lyk dit aanvanklik so onskuldig? Hy wat
versoekinge op jou pad bring, is subtiel die vader van
versoekinge is die duiwel (vgl. Luk 4:13). Hy is egter
ook die vader van die leuen (HK So. 43, vr/antw 112).
Hy verberg sy eintlike bedoelinge. Hy gee iets voor wat
nie waar is nie en baie aantreklik lyk.
Versoeking is in wese 'n verleiding. Dit lei jou met 'n
ompad na 'n verkeerde bestemming. Dit lei die volk van
God weg van die verbond met God af. Israel word deur
die Kanaänitiese godsdiens verlei om God op eiewillige
wyse te dien. Die volk Israel het die Here as die ware
Bron van hulle versorging en seëninge misken, en dit
aan die Kanaänitiese vrugbaarheids God, Baäl, toegeskryf.
Wanneer mens na hierdie geskiedenis terugkyk, is dit
moeilik om te verstaan hoe dit kon gebeur. Toe Israel
ná hulle swerftog deur die woestyn in Kanaän aangekom
het, was daar die subtiele versoeking om die God
van hulle vaders vir die nuwe gode van die Kanaänitiese
kultuur te verruil. Tog, so snaaks, dit gebeur vandag
nog!
Die vraag wat deur elke nuwe, opkomende geslag gevra
word, is: Kan die God van gister wel die krisisse wat ons
vandag beleef, hanteer? In ons dae kom die vraag baie
subtiel: Spreek die Bybel van die antieke tye wel ons
moderne lewens volledig aan?
Daar word maklik NEE geantwoord. Die mens dink sy
eie idees en planne uit. Die praktyk moet maar die
oplossings bepaal.
Versoekinge gee voor dat dit 'n vinnige oplossing of een
of ander bepaalde krisis kan bied. Dit sluip jou lewe
binne sonder dat jy dit aanvanklik kan raaksien as van
die duiwel. Dit pas jou soos 'n handskoen.
Dit lyk aan die begin só mooi en aantreklik dat jy niks
verkeerd daarin kan sien nie. Dit doen hom selfs voor as
'n wonderlike kans en geleentheid. Veral as dit lyk asof
niemand daarvan sal weet of dat jy uitgevang kan word
nie, is die kanse baie groot dat enigeen van ons
daarvoor kan swig.
• Eva en Adam het (Gen 3:1-6)
• Agan het (Jos 7)
• Dawid het (2 Sam 11)
• Judas het (Matt 26:15)
• Ek en jy? Ja, ons het ook al ...
Versoekinge lyk aanvanklik onskuldig, maar eintlik is
dit verskriklik wreed. Dit lei jou weg van God, en wie
ver van God sy weg wil gaan, stap op 'n donker afgrond
aan (Ps 73:12, 1936-beryming).
22 • Die Kerkblad April 2010 •