Tydskrif April 2010.p65 - CJBF

More documents

Recommendations

Info

- redaksioneel - Verwêreldliking Verwêreldliking ... ... As die kerk verwêrelds, beteken dit dat die kerk wêrelds word in die dinge wat gedoen word. Die kerk bestaan uit mense, daarom sal die proses van verwêreldliking in die lewe van lidmate sigbaar word. Verwêreldliking is die hartseer neiging van lidmate om te leef na wêreldse maatstawwe, en nie voluit volgens die riglyne van God se Woord nie. In hierdie proses begin die lidmate hulle al meer en meer van die Here losmaak, en hulle hoop, sekuriteit en geluk soek in die sigbare dinge van elke dag wat jy kan tas en proe en sien. Dit het die gevolg dat die lewe van sulke mense baie oppervlakkig word. • Die gesag van die Bybel word nie meer erken nie. • Die mens besluit self wat reg en verkeerd is. • Die bestaan van God word beperk tot die ringmuur van die kerkerf. • Na die erediens word God toegeklap tussen die dik buiteblaaie van die kanselbybel. • Die voorsienigheid van God word as 'n illusie beskou. • Die geluksgodin en die “sterre voorspel” bepaal die mens se toekomspad. • Die Christelike lewensnorme word met 'n nuwe moraal van sintuiglikheid vervang. In die lewe van baie gelowiges word die kerk, en die betekenis en doel daarvan, opsygeskuif en jy voel hoe die vaste aarde onder jou bewe, want jy het oorgegaan in die tyd van ontgoddeliking van die lewe. Geen gelowige kan in eie krag en vermoë ontsnap uit die gryparms van die bose gees van verwêreldliking nie. Op alle vlakke van die lewe word jy daardeur verpes en verlei. Hoe en waar gebeur dit? lewendig in die daaglikse lewe om ons Die tegniek Die tegniek in die derde millennium na Christus imponeer met sy vaardigheid en seepgladde werkverrigting en sukses van bewerkingsmetodes. Die invloed wat dit op die mens het, is dat dit jou verlei om jou lewensbenadering te verander. Die mens se lewensverwagting is gerig op hierdie aarde waarop ons woon en werk met al sy moontlikhede. Wanneer die tegniek en die tegniese metodes misluk, sak die swart donkerte van moedeloosheid en wanhoop op die mens toe. Dit is omdat die verwagting van die mens nie dieper strek as die boonste stoflaag van die aarde nie. Die welvaart Ten spyte van inflasie, resessie, armoede en finansiële wanbalans, hoë kos-, groente- en vrugtepryse en stygende lewenskoste, leef die deursnee lidmate in welvaart. Met die “gemaksugtige” lewensinstelling waarin die mens lewe, steun hy op die stoflik-aardse dinge vir sy welvaart. Jou goeie motor maak jou reispad veilig. Jou vol beursie verskaf genoegdoening uit alles wat jy kan koop. Jou mooi klere is die vernaamste faktor in jou persoonlikheid. Jou moderne, luukse huis bepaal die aansien wat jy in jou gemeenskap het. Jou nuwe, blink, luukse motor doen wonders vir jou aansien in die gemeenskap. Daardeur word die geestelike waardes in jou gedreineer, en jou hele lewe toon 'n wegswenk van God af en die erkenning van sy allesbeheersende, voorsienige hand. Die sintuiglikheid Die sintuiglikheid van die lewe rondom ons gryp lidmate só aan dat hulle net vanuit hierdie sintuiglike vraatsug van tas en proe en smaak en beleef daagliks wil lewe. Alles wat die sintuie streel en waardeur die genot van die wêreld opgeslurp kan word, dit word die dinge waarna daar naarstiglik gesoek word. Die mens ontwikkel 'n jagtige menstipe wat normloos en versaaklik die verbruikersinstelling het en die sintuiglike genotsprinsipe najaag. 'n Nuwe beklemtoning Daar het in die lewe 'n nuwe beklemtoning gekom - die klem op vooruitgang en die klem op verandering. Die klem op vooruitgang laat die gelowige die ou paaie waarlangs die verlede die mooie en die goeie gebring het, vergeet (Jer 6:16). Verandering word beklemtoon ter wille van verandering. So word jy weggerokkel van die weg van Christelike 6 • Die Kerkblad <strong>April</strong> 2010 •
tradisie wat goed en reg en stewig is, waar dit gegroei het uit die bodem van God se Woord, en omdat die mens nie goed onderskei tussen Bybelse vernuwing en daaglikse verandering nie. Die pessimisme Daar is 'n pessimisme in ons tyd teenwoordig oor baie dinge en gebeure, en die toekoms word ingekleur met talle ongesonde twyfelvrae. Dit gaan oor God en Christus, die kerk en Christelike waardes. Pessimisme sak soos 'n groot miswolk van vraagtekens toe op die beginsels van intermenslike verhoudinge en landsomstandighede. Die vraagtekens van twyfel sypel geleidelik en druppelgewys deur die klein barsies van die godsdienstige lewe wat besig is om in die proses van verwêreldliking te versteen. Die idealisme In hierdie hele proses sterf jou idealisme en jy gee nie meer om vir die Christelike ideale van die kerk of van Christelike organisasies, verenigings en inrigtings nie. Die gelowiges begin al meer en meer voel dat die mens - redaksioneel - hom moet uitleef soos hy voel, want dit is die reg waarop jy kan aanspraak maak. Belangrike sake sneuwel In die hele proses soos hierbo beskryf bly baie belangrike sake in die slag: • Jou gevoel en besef van persoonlike skuld voor God verdwyn. • Die sonde sien en beleef jy as 'n groot, ondeurgrondelike en onbegryplike las wat op jou lê. • Vanweë hierdie gevoel verloor jy die greep op belangrike dele van jou lewe. • Dit word makliker en minder beswarend om die bande met God se Woord los te maak. • Ter wille van jou eie wil, eie begeertes en eie luste ignoreer jy die Bybel. Iets vreesliks het nou in jou lewe gebeur. Jy is deur die draaikolk van verwêreldliking besig om vasgevang te word en na benede getrek te word die sondige dieptes in. Die diepste vraag bly oor: Wat is die agenda vir die oorwinning oor verwêreldliking? CNM • Die Kerkblad <strong>April</strong> 2010 • 7
Page 3 and 4: 2 UIT DIE WOORD Nie êrens in ’n
Page 5: Van die hoekies na die uithoeke Waa
Page 9 and 10: dat vloektaal 'n alledaagse gebruik
Page 11 and 12: • Artikel 5 beklemtoon die gehoor
Page 13 and 14: orde in die samelewing probeer vers
Page 15 and 16: game huwelik is ontrou aan God en w
Page 17 and 18: Tree met die regte gesindheid op Wa
Page 19 and 20: die uiterste beproef word, maar Sat
Page 21 and 22: • Eerstens is met hierdie opmerki
Page 23 and 24: Hoe word jy van versoekinge bewaar?
Page 25 and 26: vroue wat daarin speel), te veel fl
Page 27 and 28: waar Hy onder sy mense gebly het. D
Page 29 and 30: Die listige uitvoer van die plan 'n
Page 31 and 32: Prof. CFC (Callie) Coetzee (TSP) By
Page 33 and 34: Dr. Jacoba van Rooy (Potchefstroom)
Page 35 and 36: Dr. AH (André) Grové (Klerksdorp-
Page 37 and 38: Ruïnes van stadspoort (Bron: inter
Page 39 and 40: die sabbat uiteindelik ook anders d
Page 41 and 42: Dr. Douw Breed (voorsitter, Kurator
Page 43 and 44: Ds. HS (Fanie) Coetzee (Potchefstro
Page 45 and 46: Dr. Jan Ras (emeritus, Saldanha) -
Page 47 and 48: Prof. GJC (Gert) Jordaan (Teologies
Page 49 and 50: Hy het ook die volgende gemeentes b
Page 51 and 52: sig op see en berge. Veilige parker
Page 53 and 54: Riaan the Magic man: Riaan kan u fu

Tydskrif April 2010.p65 - CJBF

Create successful ePaper yourself

Delete template?

Save as template?