Tydskrif April 2010.p65 - CJBF

More documents

Recommendations

Info

- fokus: versoekings - Ds. DJ (Daan) Bakker (Boksburg) Versoeking slaan toe op jou swakste lewensareas 'n Seder val in Waterkloof Só is die film van PG du Plessis genoem wat ook in 1994 op televisie uitgesaai is. Ons praat maklik en baie lekker onder mekaar oor die hoë bome wat geval het. Daardie geliefde Christenman of vrou in 'n gemeente wat voor versoeking geswig en in sonde geval het. Salomo was só 'n seder, geplant in die tempel van ons God (Ps 92:14). Hy het ook as “Jedidiah” (Geliefde van God) bekendgestaan. God was bly oor hom en het twee keer aan hom persoonlik verskyn, sy gebede verhoor en aan hom baie groot wysheid en verstand gegee en insig in soveel sake as wat daar sand aan die see is (1 Kon 3:5; 9:2; 4:29). Twee van sy psalms is van die mooiste in ons psalmboek (Pss 72, 127). Van hierdie koning skryf Nehemia: “Sy God het hom liefgehad en hom koning laat word oor die hele Israel, maar vreemde vrouens het ook vir hom laat sondig” (Neh 13:26). Onthou net dat die Libanon vol hoë seders staan wat almal in die tempel van ons God opgegroei het. As leser van Die Kerkblad glo ek dat jy persoonlik een van hulle is wat van die Here kennis en insig in sy Woord ontvang het, en dat jy God ook al persoonlik in die geloof ontmoet het. Salomo se geskiedenis waarsku dat daar lewensareas is waarin almal van ons swak is en wat ons maklik tot sonde kan versoek. Daarom, wie meen dat hy staan, moet oppas dat hy nie val nie (1 Kor 10:12). Baie perde, baie vroue en baie goud Die drie beelde hierbo verteenwoordig die drie lewensareas waarin ons almal die swakste is. Die Skrif waarsku ons lank voor die tyd oor hierdie lewensareas. Lank voor Salomo se koningskap was daar alreeds oor die versoekings op sy pad as koning van Israel geskryf só ver terug as Moses se preek aan Israel oor die kies van 'n koning. Daarin waarsku hy die koning: “Hy mag nie baie perde aanhou nie ... Die koning mag ook nie baie vrouens hê nie, sodat hy nie aan die Here ontrou word nie. Hy mag ook nie sy silwer en goud te veel laat word nie” (Deut 17:16, 17). Hierdie drie swak lewensareas word nie meer nie as 300 jaar later in Salomo se lewe 'n werklikheid. Al drie het hom in versoeking gebring om ander gode te dien. Te veel perde (1 Kon 10:28), te veel vroue (1 Kon 11:1) en te veel goud (1 Kon 10:14). Jou naam “Christen” beteken dat jy ook deur die Heilige Gees as 'n koning gesalf is. Soos Salomo hom aan God as sy Koning moes onderwerp, só moet jy jou ook onderwerp aan Jesus Christus se wil as jou Koning. Hy waarsku jou dat die volgende drie swak lewensareas in jou lewe jou kan verlei tot afgodery, en afgodery, weet jy mos, is: om in die plek van die enige ware God, wat Hom in sy Woord openbaar het, of naas Hom iets anders uit te dink of te hê waarop jy jou vertroue stel (HK, antw. 95). • Baie perde - Perde kon die koning só sterk en selfstandig in sy militêre mag maak dat hy versoek sou word om op sy eie, sonder God, klaar te kom in sy oorloë wat hy moet veg. Alles wat jou te selfstandig maak, is 'n versoeking tot afgodery vir jou lewe. Die seën wat God jou deur die jare gegee het in jou posisie by die werk, jou polisse en gespaarde pensioen en jou eie potensiaal wat ten volle tot ontplooiing gekom het. Daardeur kan jy verlei word om al meer te voel “all of self” en “none of God”. • Baie vroue - Vroue is die beeld van só gefokus wees op die dinge wat jy lus is om te doen (die genietinge van die wêreld) dat jou hart verlei word om nie meer volkome die Here, jou God, te dien nie. Dink maar aan te veel sepies kyk (oor die “Koning Salomo was lief vir baie uitlandse vrouens ... Salomo het egter juis op hierdie vrouens verlief geraak” (1 Konings 11:1-3) 24 • Die Kerkblad <strong>April</strong> 2010 •
vroue wat daarin speel), te veel fliek, te veel van jou sport hou (op Sondag ook), en selfs te veel eet en drink en vrolik wees! • Baie goud - Goud verteenwoordig jou aardse besittings wat deur jou harde arbeid onder God se seën só baie geword het dat jy meer as genoeg daarvan het. Wanneer jy sóveel besit dat jy kan doen wat jy graag wil, loop jy jou vas in die strik van baie sinlose en skadelike begeertes waardeur mense in verderf en ondergang gestort word (1 Tim 6:9). In die tyd van jou ouderdom Ouderdom is daardie tyd wat 'n seder in die huis van God hulle krag moet vind en nog steeds die vrugte - fokus: versoekings - dra wat verkondig dat jy die Here jou God bo alles liefhet (Ps 91:15). Salomo word deur sy swak lewensareas verlei om al minder in die huis van God te wees en al meer tyd af te staan in tempels wat hy vir sy baie vroue se afgode gebou het. Pasop dat jou baie perde (jou selfstandigheid) jou nie koning maak van jou eie lewe nie, wat jou self laat besluit wanneer jy lus is om met die dinge van God besig te wees. Let op dat jou baie vroue (die dinge waarvoor jy lus is) jou nie al minder in die eredienste bring nie, omdat jy te besig is om te geniet van die dinge wat jou laat ontspan. Sorg dat jou baie goud (jou aardse besittings) jou nie verlei om daarmee verkeerde dinge te doen wat God nie wil nie. Die beste raad teen die swak areas in ons lewens is gehoorsaamheid aan die opdrag van Moses aan konings: “Wanneer hy as koning oor sy ryk regeer, moet hy vir hom 'n afskrif van hierdie wet maak ... Hy moet die afskrif by hom hou en sy lewe lank moet hy dit gereeld lees sodat hy kan leer om die Here sy God te dien deur gehoorsaam te wees ...” (Deut 17:18). Lees en oordink jou Bybel jou lewe lank elke dag en kom elke Sondag in die erediens, en jy sal deur die genade van die Gees bewaar bly van die versoeking om jouself te verhef deur nie te buig onder die koningswil van jou Here, Jesus Christus, nie. DK • Die Kerkblad <strong>April</strong> 2010 • 25
Page 3 and 4: 2 UIT DIE WOORD Nie êrens in ’n
Page 5 and 6: Van die hoekies na die uithoeke Waa
Page 7 and 8: tradisie wat goed en reg en stewig
Page 9 and 10: dat vloektaal 'n alledaagse gebruik
Page 11 and 12: • Artikel 5 beklemtoon die gehoor
Page 13 and 14: orde in die samelewing probeer vers
Page 15 and 16: game huwelik is ontrou aan God en w
Page 17 and 18: Tree met die regte gesindheid op Wa
Page 19 and 20: die uiterste beproef word, maar Sat
Page 21 and 22: • Eerstens is met hierdie opmerki
Page 23: Hoe word jy van versoekinge bewaar?
Page 27 and 28: waar Hy onder sy mense gebly het. D
Page 29 and 30: Die listige uitvoer van die plan 'n
Page 31 and 32: Prof. CFC (Callie) Coetzee (TSP) By
Page 33 and 34: Dr. Jacoba van Rooy (Potchefstroom)
Page 35 and 36: Dr. AH (André) Grové (Klerksdorp-
Page 37 and 38: Ruïnes van stadspoort (Bron: inter
Page 39 and 40: die sabbat uiteindelik ook anders d
Page 41 and 42: Dr. Douw Breed (voorsitter, Kurator
Page 43 and 44: Ds. HS (Fanie) Coetzee (Potchefstro
Page 45 and 46: Dr. Jan Ras (emeritus, Saldanha) -
Page 47 and 48: Prof. GJC (Gert) Jordaan (Teologies
Page 49 and 50: Hy het ook die volgende gemeentes b
Page 51 and 52: sig op see en berge. Veilige parker
Page 53 and 54: Riaan the Magic man: Riaan kan u fu

Tydskrif April 2010.p65 - CJBF

You also want an ePaper? Increase the reach of your titles

Delete template?

Save as template?