Syferkommunikasie ESC320 / EDC310

4.6 Laboratoriumwerk
4.6.1 Laboratoriumgroepe en -sessies
Syferkommunikasie ESC320 / EDC310
Sodra die klaslys gefinaliseer is, word studente aan 'n groep toegewys en hulle groeptoewysing word op
die Departementele webblad vertoon. Die onus rus op elke student om seker te maak van sy of haar
besondere groeptoewysing en om sy of haar spanmaats te ken. Elke student MOET altesaam drie
eksperimente gedurende die semester uitvoer. Alle studente moet 'n gestelde eksperiment afhandel
voordat die volgende eksperiment uitgevoer word. 'n Skedule van watter eksperiment watter student op
watter datum moet bywoon, sal op die kennisgewingbord aangebring word. Daar sal 'n nulpunt toegeken
word aan studente wat nie hulle spesifieke toegewysde sessie bywoon nie. Hulle kan in daardie geval
hulle reg op toegang tot die eksamen verbeur. Studente moet hulle by Laboratorium B in die
Ingenieurswese 3 Gebou vir alle formele laboratoriumsessies aanmeld.
4.6.2 Uitruiling van laboratoriumsessies
Indien dit onmoontlik is om 'n laboratoriumsessie in die toegewysde periode by te woon, moet die student minstens
'n week voor die geskeduleerde eksperiment toestemming en goedkeuring van die dosent vra. In so ‘n geval moet
die student self met ‘n plaasvervanger-student van ‘n ander labgroep uitruil, om so te verseker dat bestaande
labgroepe nie buite verhouding balaai word deur die onverwagte verskyning van studente wat vir ‘n ander labsessie
geskeduleer was nie.
4.6.3 Laboratoriumreëls en -vereistes
Neem weer kennis dat dit 'n bykomende vereiste vir 'n slaagpunt in hierdie module is dat al drie
die geskeduleerde laboratoriumsessies bevredigend bygewoon en afgehandel word, dws, ‘n
subminimum-vereiste van 40 persent word benodig vir alle laboratoriumwerk en verwante
werkstukke. Die presiese toekenning van punte vir die verskillende aktiwiteite wat verband hou met ‘n bepaalde
eksperiment sal in die laboratoriumgids vir elke individuele eksperiment uiteengesit word. Hierdie gidse sal tydens
spesiale laboorsiglesings in die loop van die semster beskikbaar gestel word (verwys labskedule in Fig 1 vir
tersaaklike datums).
Daar word van studente verwag om vertroud te raak met die omvang van die werk wat in die eksperiment gedek
word. 'n A4-grootte hardeband-aantekeningboek moet gebruik word vir die voorbereiding voor die praktiese sessie
en om alle resultate, besprekings en gevolgtrekkings in aan te teken. Die laboratoriumboek moet netjies gehou
word en dit moet tydens praktiese sessies vir evaluering beskikbaar wees. Daar word van studente verwag om
behoorlik voor te berei deur die vrae en ander noodsaaklike leeswerk te voltooi soos dit in die Eksperimentgids
aangedui word. Studente wat nie voldoende bewys van hulle voorbereiding kan lewer nie, sal gevra word om die
laboratorium te verlaat en daar sal 'n nulpunt vir daardie eksperiment aan hulle toegeken word. Aangesien die
laboratorium 24 uur beskikbaar is, moet studente voor die geskeduleerde praktiese sessie (kyk na
ooplaboratorium-geleenthede op die hoofgebeure- en laboratoriumskedule wat in Fig. 1 aangedui word) al die
substelsels en modules wat met die eksperiment verband hou of wat daarvoor nodig is, ondersoek, bou, integreer
en toets. Die geskeduleerde laboratoriumtyd moet altyd slegs vir waarneming, vertolking- en demonstrasiedoeleindes
en die voltooiing van die toets na afhandeling van die praktiese sessie, gebruik word.
ESC320_GIDS2_2011 Departement Elektriese, Elektroniese en Rekenaaringenieurswese, UP LPL/2011
7