Syferkommunikasie ESC320 / EDC310

Syferkommunikasie ESC320 / EDC310
Raam(woord)sink
4.8.3.6 Syfermultipleksering [1] § 7.9 bll 342-348
[2] § 6.8 bll 316-327
Sprei-Spektrum
4.8.3.7 [1] Hoofstuk 11 bll 614-635 (selfstudie)
By voltooiing van hierdie studietema behoort die student:
[2] Hoofstuk 10 § 10.3 bll 729-737, 748-751, 762-766.
• 'n goeie begrip van die teorie, werking en toepassings van 'n FSL te hê;
• die wiskundige verhoudings tussen elkeen van die substelsels van die FSL te teken, verklaar en af te lei;
• die verskillende FSL-parameters en werkverrigtingkriteria soos sluitvoorwaardes, inhougebied, intrekbereik,
ruisbandwydte, volgvlugheid, ensovoorts te verstaan;
• 'n FSL in die lig van bedryfsvereistes en werkverrigting-spesifikasies vir 'n gespesifiseerde toepassing te
kan ontwerp;
• in staat te wees om 'n praktiese FSL vir 'n gegewe toepassing te bou gegrond op gegewe spesifikasies en
funksionele beperkings;
• die beginsels waarop die Costas-lus gebaseer is, te ken;
• draerherwinning in sinkrone 1-dimensionele (1D), 2D en MD-ontvangers te kan implementeer en
demonstreer;
• simboolsinkherwinning in sinkrone demodulasiestelsels te kan implementer en demonstreer.
• ‘n grondige kennis van die aanwending van raam- (woord-)sinkronisasie in praktiese (basisband)
lynkoderingstelsels te hê;
• ‘n goeie begrip van die beginsels en toepassing van praktiese SS kodesinkroniseerders te hê.
4.8.4 Selfstudie-aktiwiteite
Bestudeer die relevante studiemateriaal in [1], soos in Tabel 4-1 hierbo getabuleer. Lees ook die volgende
gedeeltes in [2] in jou eie tyd (dit dien as voorbeeld van verskillende vlakke van sinkronisasie soos in ‘n
verskeidenheid telekommunikasiestelsels aangetref word):
1. Bestudeer en beskryf superheterodinevermenging in kommersiële AM-uitsending.
2. Bestudeer en beskryf die blokdiagram en werking van 'n superheterodine FM radio-ontvanger.
3. Beskryf en ontleed die werking van 'n aanpasbare kleur-TV-ontvanger met verwysing na die
demodulasie van die verskillende subdraers wat by die saamgestelde TV-sein betrokke is.
4. Ontleed en ontwerp 'n FSL kwadrateringslus vir 'n onderdrukte-draer (OD)-AM-ontvanger.
5. Bestudeer, beskryf, analiseer en ontwerp draerherwinningslusse vir draer-amplitude-gemoduleerde
(AM) seine.
6. Bestudeer, omskryf, analiseer en ontwerp draerherwinningslusse vir fasegemoduleerde (PM) seine.
7. Beskryf, analiseer en ontwerp ‘n praktiese simboolsinkroniseerder vir ‘n sinkrone basisbandkommunikasiestelsel.
8. Doen (selfstudie) [2] Probleme #s 7.38, 7.39 en 7.40 (verwys ook na FSL-notas).
ESC320_GIDS2_2011 Departement Elektriese, Elektroniese en Rekenaaringenieurswese, UP LPL/2011
39