bp20543 - AlphaPharm - Afr Module.pmd - insightcpd.co.za
bp20543 - AlphaPharm - Afr Module.pmd - insightcpd.co.za
bp20543 - AlphaPharm - Afr Module.pmd - insightcpd.co.za
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
5.1 Koronêre hartsiekte<br />
In die verlede is langtermyn (meer as 5 jaar) HVT ook aanbeveel<br />
vir die voorkoming van koronêre hartsiektes. Dit was gebaseer<br />
op uitgebreide waarnemingsdata, wat ’n beskermende effek<br />
van estrogeen op die hart impliseer het. Inligting van die<br />
Women’s Health Initiative (WHI) - ’n welbekende groep HVT<br />
kliniese studies - het egter geen kardiovaskulêre voordeel met<br />
onbestrede estrogeen en ’n klein toename in die<br />
kardiovaskulêre risiko met gekombineerde terapie van perdeestrogene<br />
en medroksieprogesteroonasetaat aangetoon.<br />
’n Omvattende opvolg analise van die WHI het nieteenstaande<br />
daarop gedui dat die oormatige koronêre hartsiekte risiko by<br />
ouer, maar nie by jonger postmenopousale vroue voorkom<br />
nie. Die verhoogde risiko van kardiovaskulêre siekte in die<br />
WHI studie kan heeltemal verduidelik word deur die verhoogde<br />
risiko in die oudste groep d.i. vroue ouer as 70 jaar. Verwys na<br />
Figuur 7 hieronder.<br />
Figuur 7. Hormoonvervangingsterapie (HVT) en<br />
koronêre hartsiekte (KHS): absolute risiko volgens<br />
ouderdom. Aangepas uit Rossouw J, et al. JAMA 2007; 297:1465-77<br />
Absolute<br />
oormaat<br />
risiko van<br />
KHS per<br />
10 000<br />
persoon<br />
jare<br />
50-59 jaar 60-69 jaar 70-79 jaar<br />
Dit blyk dat daar ’n terapeutiese venster is waartydens estrogeen<br />
kardio-beskermend is as vroue dit rondom die tyd van die<br />
menopouse begin neem. HVT wat rondom die tyd van<br />
menopouse geneem word, blyk om die vordering van<br />
aterosklerose te verminder, maar as dit vir baie jare na die<br />
menopouse toegedien word, is dit nie voordelig nie en kan dit<br />
gevestigde aterosklerotiese plake ontwrig. Dit kan die risiko<br />
van ’n kardiovaskulêre voorval soos ’n hartaanval of beroerte<br />
verhoog.<br />
’n Konsensusverklaring van die Internasionale Menopouse<br />
Vereniging beveel die volgende aan:<br />
HVT kan vir vroue wat aan menopousale simptome ly<br />
gegee word en HVT wat rondom die tyd van menopouse<br />
begin word (50-59 jaar) verhoog nie die risiko van koronêre<br />
hartsiekte nie en kan selfs die risiko in hierdie<br />
ouderdomsgroep verlaag.<br />
HVT is nie teenaangedui by vroue met hipertensie nie en<br />
in sommige gevalle kan HVT selfs die bloeddruk verlaag<br />
(bv. daar is aangetoon dat estradiol gekombineer met ten<br />
minste 3 mg drospirenoon die bloeddruk by postmenopousale<br />
vroue verlaag). HVT is ook nie teenaangedui by<br />
vroue met diabetes of hipercholesterolemie nie.<br />
Die aanvang van sistemiese HVT is nie by ouer<br />
postmenopousale vroue (>60 jaar) aangedui nie en is<br />
teenaangedui by vroue met ’n geskiedenis van miokardiale<br />
infarksie, beroerte of pulmonêre embolisme.<br />
5.2 Veneuse trombo-embolisme<br />
Die voorkomssyfer van veneuse trombo-embolisme (d.i. diep<br />
veneuse trombose of pulmonêre embolisme) by jong en<br />
perimenopousale vroue is laag, maar dit neem toe met<br />
toenemende ouderdom na menopouse. Dit is bekend dat orale<br />
HVT die risiko van diep veneuse trombose en pulmonêre<br />
embolisme verhoog. Dit bly die ernstigste korttermyn risiko<br />
van HVT.<br />
Die risiko van diep veneuse trombose word verdubbel met<br />
standaard dosisse van orale HVT, maar kom selde voor,<br />
aangesien die oorhoofse voorkoms daarvan by gesonde vroue<br />
jonger as 60 jaar steeds min is. Die risiko van diep veneuse<br />
trombose met orale HVT blyk om die grootste te wees<br />
gedurende die eerste jaar van die gebruik daarvan en dit is<br />
hoër by vroue met trombofilie (’n geneigdheid om bloedklonte<br />
te vorm) of obesiteit.<br />
Die risiko van veneuse trombo-embolisme is laer met die<br />
transdermale roete in vergelyking met orale estrogeenterapie.<br />
Dit is as gevolg van die feit dat daar geen hepatiese eerste<br />
deurgangseffek met die nie-orale roete voorkom nie. Dus, by<br />
vroue met ’n hoë risiko van diep veneuse trombose, soos dié<br />
met trombofilie of verhoogde liggaamsmassas-indeks, hou<br />
transdermale estrogene nie ’n addisionele trombotiese risiko<br />
in nie. Die transdermale roete behoort eerder deur vroue met<br />
’n hoë risiko van diep veneuse trombo-embolisme gebruik te<br />
word.<br />
5.3 Beroerte<br />
Die risiko van beroerte verhoog met ouderdom, maar anders<br />
as met koronêre hartsiekte is daar geen verskil tussen die twee<br />
geslagte nie. In die 50-59 jaar ouderdomsgroep sal 6-8/10 000<br />
vroue / jaar ’n beroerte kry. Die hoof risiko faktore is hipertensie<br />
en obesiteit.<br />
Dit is tans onduidelik of daar ’n toename van iskemiese<br />
beroerte met standaard dosisse van hormoonterapie by<br />
gesonde vroue tussen 50 en 59 jaar is. Die WHI-studie het nie<br />
’n statisties betekenisvolle toename in die risiko aangetoon<br />
nie. In die ‘Nurse’s Health Study’ was die toename statisties<br />
verhoog, maar die lae voorkomssyfer van beroerte in hierdie<br />
ouderdomsgroep veroorsaak dat die eintlike risiko uiters laag<br />
is.<br />
5.4 Borskanker<br />
Baie vroue wat HVT gebruik, vrees borskanker, maar die WHI<br />
het ’n afname in borskanker by vroue wat slegs estrogeen<br />
gebruik na 7 jaar aangetoon en geen betekenisvolle toename<br />
by vroue wat die eerste keer gekombineerde HVT geneem het<br />
tot 7 jaar na die gebruik daarvan nie.<br />
Die risiko van borskanker met HVT is soortgelyk aan die risiko<br />
geassosieer met vroeë menarg, by vroue wat ouer is tydens<br />
hulle eerste swangerskap of met matige alkohol inname (twee<br />
of drie alkoholiese drankies per dag). Dit is belangrik om<br />
daarop te let dat die risiko van borskanker toeneem met<br />
toenemende ouderdom. Vroeë menopouse word met ’n<br />
verlaagde risiko van borskanker verbind. Vir elke jaar toename<br />
in die ouderdom van menopouse verhoog die relatiewe risiko<br />
van borskanker met ongeveer 3%.<br />
Tabel 7. Borskanker risiko by vroue wat HVT neem<br />
Verhoogde risiko van borskanker met HVT<br />
geassosieer<br />
Tot en met 7 jaar<br />
5 jaar<br />
Slegs estrogeen Geen toename in Geen toename in risiko<br />
HVT risiko nie nie<br />
Gekombineerde 2 ekstra gevalle per 4 ekstra gevalle per<br />
estrogeen / 1000 vroue 1000 vroue.<br />
progestien HVT<br />
14 April 2011