bp20543 - AlphaPharm - Afr Module.pmd - insightcpd.co.za
bp20543 - AlphaPharm - Afr Module.pmd - insightcpd.co.za
bp20543 - AlphaPharm - Afr Module.pmd - insightcpd.co.za
Create successful ePaper yourself
Turn your PDF publications into a flip-book with our unique Google optimized e-Paper software.
Estroon is ’n swakker estrogeen as estradiol. Dus, al het<br />
postmenopousale vroue ’n estrogeen tekort relatief tot<br />
premenopousale vroue, is hulle estrogeen nie uitgeput nie.<br />
Indien ’n vrou ’n “chirurgiese menopouse” gehad het, d.i.<br />
haar ovaria is chirurgies verwyder of vernietig deur bv.<br />
bestralingsterapie in die area van haar pelvis, is haar<br />
vlakke van sirkulerende estrogeen betekenisvol laer as by<br />
’n vrou wat spontane menopouse gehad het.<br />
Estriol word slegs in betekenisvolle hoeveelhede gedurende<br />
swangerskap geproduseer, aangesien dit deur die plasenta<br />
vervaardig word.<br />
* Estrogene word almal uit ’n steroïed-voorloper genaamd<br />
androstenedioon (en ook uit testosteroon) deur ensiem werking gevorm.<br />
Testosteroon is die hoof androgeniese (manlike) hormoon en word<br />
ook deur die steroïed-voorloper androstenedioon gevorm.<br />
Gedurende puberteit by dogters styg die estrogeen vlakke en<br />
dit bevorder oögenese (groei van die eierselle of oösiete) en<br />
follikel groei in die ovarium. Estrogeen ondersteun ook die<br />
groei versnelling wat tydens puberteit voorkom. Dit veroorsaak<br />
dat dogters baie vinniger as seuns gedurende die ouderdomme<br />
van 11 en 12 groei. Hierdie versnelde groei is egter van korte<br />
duur want stygende estrogeen vlakke veroorsaak ook dat die<br />
epifises van langbene vinniger sluit en vroue bereik hulle volle<br />
lengte tussen die ouderdomme van 13 en 15 jaar.<br />
Estrogeen-geïnduseerde geslagseienskappe by vroue sluit<br />
ontwikkeling van die borste en verhoogde neerslag van<br />
onderhuidse vet, veral in die heupe en borste, in. Dit veroorsaak<br />
ook dat die pelvis breër en ligter word.<br />
Estrogene het verskeie metaboliese effekte. Dit sluit in<br />
opponering van die effek van verhoogde bloed cholesterolvlakke<br />
deur die stabilisering van cholesterol plake (neerslae)<br />
wat op die interne oppervlakte van bloedvatwande vorm,<br />
onderhoud van hoër vlakke van “goeie” hoë-digtheid<br />
lipoproteïen (HDL) cholesterol-vlakke en bemiddeling van<br />
kalsium-opname wat help om die digtheid van die skelet te<br />
handhaaf, in.<br />
Progesteroon werk saam met estrogeen om die menstruele<br />
siklus daar te stel en te onderhou en bemiddel veranderings in<br />
die servikale mukus. Die ander effekte daarvan word hoofsaaklik<br />
tydens swangerskap uitgeoefen.<br />
2.4 Die fisiologie van menopouse<br />
Menopouse is ’n fisiologiese gebeurtenis en verwys na ’n vrou<br />
se laaste menstruasie. Menopouse kom voor as gevolg van<br />
die ovaria wat minder sensitief teenoor FSH en LH word. Dit<br />
hou direk verband met die afname en disfunksie van die<br />
ovariale follikels. Namate die ovaria verouder, verkort die<br />
follikulêre fase van die ovariale siklus, wat aanleiding tot korter<br />
en meer ongereelde menstruasie, verminderde ovulasie en<br />
verlaagde hormoonproduksie gee.<br />
Uiteindelik reageer die ovariale follikels nie meer op FSH en<br />
LH nie en produseer baie min estradiol. Sommige estrogene<br />
(hoofsaaklik estroon) sirkuleer nog steeds, maar hulle word<br />
deur perifere weefsel (bv. vet) geproduseer en die totale<br />
estrogeenvlak is baie laer. Met die verlies van funksionerende<br />
follikels is die betekenisvolste verandering in die hormoon<br />
profiel tydens menopouse die dramatiese verlaging van die<br />
sirkulerende estrogeenvlakke.<br />
Let wel: Oösiet-uitputting kan vinniger voorkom as gevolg<br />
van eksterne faktore soos die rookgewoonte,<br />
chemoterapie, bestraling, pelviese chirurgie en<br />
genetiese- of metaboliese abnormaliteite.<br />
Laer estrogeenvlakke gedurende die menopouse gee<br />
aanleiding tot aansienlike verhoging van sirkulerende LH en<br />
FSH vlakke. Aanhoudende hoë FSH-vlakke voorspel<br />
menopouse, soms baie maande tot ’n jaar vooruit. Die bepaling<br />
van FSH-vlakke is egter selde aangedui aangesien die diagnose<br />
van menopouse gewoonlik klinies is (d.i. menopouse word<br />
retrospektief gediagnoseer – een jaar na die laaste<br />
menstruasie plaasgevind het).<br />
Let wel: Daar word oor die algemeen aanvaar dat ’n vrou<br />
menopouse bereik het as haar FSH-vlakke konstant<br />
bokant 30 IE/l bly. Die probleem met die gebruik van<br />
FSH-vlakke op sigself as ’n merker van menopouse<br />
by perimenopousale vroue is dat hierdie lesings<br />
wisselvallig kan wees. In perimenopousale vroue<br />
kan ’n spesifieke gemete lesing hoë FSH-vlakke<br />
toon wat in die postmenopousale interval val, maar ’n<br />
paar dae, weke of maande later kan die lesing weer<br />
na premenopousale vlakke terugkeer. Hierdie<br />
skommelings van FSH-vlakke sal aanhou totdat die<br />
ovaria geen follikels meer het nie. Dit is ook nie<br />
ongewoon om een of meer swaar menstruele<br />
bloedings na wisselende tydperke van amenoree te<br />
kry nie, totdat die ware menopousale stadium bereik<br />
word.<br />
Figuur 3. Veranderings in geslagshormoon<br />
konsentrasie vanaf seksuele volwassenheid tot<br />
postmenopousaal<br />
3. WAT GEBEUR TYDENS<br />
MENOPOUSE?<br />
3.1 Definisies<br />
Menopouse is die staking van menstruasie as gevolg van<br />
dalende ovariale funksie. Fisiologiese menopouse word<br />
vasgestel wanneer maandstonde vir een jaar lank afwesig<br />
was. Menopouse, per definisie, word dus 12 maande na<br />
die laaste menstruasie gediagnoseer. Teen hierdie tyd<br />
word die vrou as postmenopousaal beskou.<br />
Die perimenopouse word deur kliniese veranderings<br />
gekenmerk wat die einde van die reproduktiewe jare<br />
aandui. In wese is dit die oorgang wat onmiddellik voor<br />
menopouse voorkom as die endokriene, biologiese en<br />
kliniese kenmerke van naderende menopouse begin<br />
manifesteer. Perimenopouse kan 5-10 jaar voor menopouse<br />
begin. Die duur van die perimenopouse verwys na die jare<br />
voor en die een jaar na die laaste menstruasie.<br />
Klimakterium is ’n ouer, meer algemene en minder presiese<br />
term. Dit is die tydperk wanneer ’n vrou vorder van die<br />
reproduktiewe lewensstadium deur die menopousale<br />
oorgang en die menopouse na die postmenopousale jare.<br />
Dit verwys tans oor die algemeen na ’n vrou met vasomotor<br />
simptome van die perimenopouse.<br />
4 April 2011