Kliek hier vir die 2013 joernaal - Stamboek

Die Dormer-kantoor moet gekontak word indien u ʼn inspeksie verlang, sodat die inspekteur die naaste aan u
plaas u kan besoek. Die inspekteur mag ʼn fooi vir reiskoste en dagtarief van u verhaal. (Die huidige fooi is R3 per
lopende km en R500 dagtarief ).
Keuringslys word vanaf die Dormer-kantoor aangevra of u kan dit direk trek vanaf Logix, sodat die inspekteur op
hoogte kan wees met die diere wat geskik is vir registrasie.
Stel gegewens soos groei-indekse, geboortestatus (enkel of meerling) aan inspekteur beskikbaar om hom instaat te
stel om meer doeltreffend te kan keur.
Verseker dat jou diere behoorlik geïdentifiseer kan word volgens die neergelegde metodes/vereistes van die
Dormerras! Alle diere moet reeds getatoeëer wees ten tye van die inspeksie.
Die keurder moet die inspeksie lys voltooi met die nodige bouvorm punt asook afkeur redes (kode) daarop
aangebring, sy keurders nommer daarop aanbring en elke bladsy daarvan behoorlik onderteken, waarna dit dan
ingestuur word na die Dormer Genootskap.
Om voldoende genetiese vordering in u kudde te maak moet u poog om geen manlike dier wat wel voldoen aan
die minimum rasstandaarde op te neem wat onder 6 punt vir bouvorm en wat negatief is op sy BLUP en Indekse nie.
Dieselfde geld vir vroulike diere wat onder 5 punt vir bouvorm.
Poog om vir u ʼn keurder te kry wat ʼn pad saam met u kan stap, hy kan u help om ʼn teelbeleid saam te stel en ook om
die teel doelwitte van u kudde oor tyd te bereik.
DIE KEURDER
Die keurders word deur die Dormer Raad aangestel en ontvang ‘n keurings nommer van SA Stamboek.
Maak seker dat die diere aangebied vir keuring wel volgens die beleid en regulasies van die Dormer Genootskap
gekeur/geïnspekteer mag word!
Die belangrikste is dat die diere tussen die ouderdom van 10 en 24 maande ten tye van die inspeksie is en dat hulle
oor die nodige speendata beskik. Geen diere wat nie ʼn speenindeks het mag gekeur word nie.
Keurders moet asb. gebruik maak van die bouvorm punt asook die nodige afkeur kodes op die inspeksielys.
Identifiseer diere aangebied vir inspeksie en maak seker dat hulle korrek getatoeëer is.
Voltooi die inspeksielys persoonlik en bring u keurings nommer daarop aan en teken elke bladsy.
Onthou... die keurders is ambassadeurs vir die Dormerras en meestal die enigste
skakel tussen die Genootskap en die Teler. Tree dus positief op en probeer
so veel moontlik diere te keur SONDER om die Genootskap, Teler en mede
Telers te benadeel.
Diere met ooglopende foute MOET afgekeur word – ongeag van die
diere se bouvorm punt.
Om ʼn swak dier goed te keur benadeel die Keurder die Teler – maar netso
kan ʼn Keurder wat goeie gemiddelde diere summier afkeur, net soveel
skade aanrig in terme van verlore teelmateriaal, finansiële verlies en ook
swak mense verhoudinge.