Regional plan for kirurgi i Helse Vest 2013 – 2017 vedlegg

Regional plan for kirurgi i Helse Vest 2013-2017
• Urologisk kreft aukar. 25 prosent av all ny kreft er innan urologi – eit tal som fortset å
auke m.a. på grunn av at stadig fleire pasientar med prostatakreft vert oppdaga i tidleg
fase. Ein aukande del av pasientane vert operert med svært ressurskrevjande teknikkar
som til dømes robotassistert prostatektomi.
• Prioriteringa innan kreftområdet ser ut i å gå på kostnad av anna urologisk verksemd.
Den stadig aukande del av nye operasjonskrevjande krefttilfelle i nyre, blære og prostata
krev ein større del av den samla operasjonskapasiteten. Denne har ikkje auka tilsvarande.
Dette fører til at pasientar med plagsame urologiske lidingar (men som ikkje er kreft) vert
nedprioritert, og denne pasientgruppa får lang ventetid fram til operasjon.
Ortopedisk kirurgi
• Kjernealdersgruppa for ortopedisk kirurgi er > 60 år, (Artrose og osteoporotiske brudd) og
veksten i kirurgi vil truleg bli endå større enn befolkningsveksten fordi det er ei gliding over år til
å operere pasientene i ein mildare fase av artrosesjukdommen, og fleire bruddpasientar vil bli
operert pga endra indikasjonsstilling og nye behandlingsteknikkar.
• I framtida vil det framleis vere mest stor open ortopedisk kirurgi med behov for operasjonsteam
med anestesilege, anestesisjukepleiar, operasjonssjukepleiar og kirurg. Auken i bruddkirugi dei
siste 20 åra er ei stor utfordring og sjukehusa bør ha eigne øyeblikkeleg hjelp- operasjonstover på
dagtid til å operere desse pasientane.
• Implantatrelaterte infeksjonar aukar som følge av sjukare pasientar og at det er fleire pasientar
med implantat.
• Fordi ortopedisk kirurgi ikkje lenger er ein subspesialitet innan generell kirurgi må sjukehus som
skal operere akutte frakturpasientar ha ortopediske kirurgar i vakt. Kravet til robuste fagmiljø med
vaktkompetanse vil bli tydelegare i framtida.
Revmakirurgi:
• Biologisk behandling av revmatiske sjudommar har medført redusert behov for
revmakirurgiske inngrep. Ved tidleg diagnostikk og intervensjon synes pasientar i dag å
kunne gå i langvarig betring av sjukdom både klinisk og røntgenologisk.
• Det er til ei kvar tid omlag 1/3 av pasientane som ikkje responderer eller tolererer
effektiv biologisk behandling. For desse pasientane vil revmakirurgiske inngrep også i
framtida vere eit viktig supplement til øvrig revmatologisk behandling. Utfordringa er
å oppretthalde god nok fagleg kvalitet når talet på intervensjonar blir redusert.
Plastikkirurgi
• Fagområdet opplever ekspansjon, blant anna fordi mange fleire fagområde har behov for
plastikkirurgisk kompetanse ved sine inngrep. Dette er ei aukande utfordring.
• Fleire av pasientgruppene har behov for operasjonar i høve til vekst og utvikling.
• Fleire av pasientgruppene aukar i omfang, slik som til dømes kreftsjukdommar, og brannskader
aukar i kompleksitet. Dette er ei utfordring kapasitetsmessig.
• Avdelingane har per i dag ikkje kompetanse og kapasitet til å ivareta postbariatrisk kirurgi, og det
er mange som ventar på rekonstruksjon etter brystkreft.
• I Bergen og Stavanger er mykje av handkirurgien lagt til dei plastikkkirurgiske avdelingane. Dette
er høgvolumkirurgi, som i Førde og Haugesund blir operert av dei ortopediske kirurgane. Dette
gjev utfordringar innan utdanninga av dei ortopediske kirurgane.
Meir utfyllande omtalar av dei einskilde kirurgiske spesialitetane i vedlegg 3.
20