Regional plan for kirurgi i Helse Vest 2013 – 2017 vedlegg

Regional plan for kirurgi i Helse Vest 2013 – 2017 vedlegg 1 – 8
Gastroenterologisk kirurgi
Generelt om fagområdet
Gastroenterologisk kirurgi utgjer ein stor del av den operative behandlinga i alle helseføretak i Helse Vest
(omlag 650 inngrep årleg), og brukar store ressursar til utgreiing, behandling og oppfølging av
gastrointestinal sjukdom. Det er allereie gjort funksjonsfordeling der småvolumkirurgi i stor grad er
samla på HUS og SUS. Benigne (godarta) tilstandar vert som oftast gjort laparoskopisk
(cholecystectomi, fundoplikasjon, ventralbrokk m.m.) og kan ofte gjerast som dagkirurgi, og har redusert
behov for kirurgiske senger.
Utvida indikasjonar fører til større og meir avanserte inngrep, som igjen fører til fleire og meir vanskeleg
handterbare komplikasjonar. Dette inneber behov for kompetanse frå kirurgar og anna ekspertpersonale
(kirurgi, anestesi, intervensjonsradiologi og intensivmedisin). Det er framsett tydelege krav til meir
avansert infrastruktur for å driva slik verksemd.
Fagspesifikke utviklingstrender
Aukande multimodal tilnærming i kreftbehandling, aukande bruk av kirurgi i behandling av metastatisk
sjukdom. Aukande bruk av minimalinvasiv teknikk. Aukande bruk av biletdiagnostikk i utgreiing og
kontroll av operert malign sjukdom.
Redusert bruk av kirurgi i behandling av GERD.
Både på bakgrunn av aukande førekomst, og endra demografi (fleire eldre), er det venta ein auke i
operasjonsvolum når det gjeld kreft i tjukk- og endetarm.
Når det gjeld kreft i magesekken er det forventa ei motsett utviklingstrend.
Kompetanse
Dei ulike føretak har noko ulik rekrutteringssituasjon. Ivaretaking av spesialistutdanning ved forpliktande
samarbeid om dette i regionen vil vera eit viktig tiltak. Dei som ivaretek den gastroenterologiske
kirurgiske behandlinga må ha formell og reell kompetanse i faget, dette kan ivaretakast i regionen ved eit
slikt samarbeid.
Gastro-kirurgien vert i framtida berebjelken i den vaktberande akutte-/traumekirurgien, i tillegg til dei
andre faglege oppgåvene. Sjukehusa som skal ha ansvar for ”akutt-tenesta” må sikre seg at det er nok
stillingar og adekvat kompetanse som kan dekke denne spesialisttenesta 24/7/365.
Det kirurgiske fagfeltet er særmerkt av fleire greinspesialistar, og det er alt i dag slik at ”gastro-kirurgi”
vert sett på som ”den generelle kirurg” som ”tar seg av alt (..det dei andre synes ikkje høver i deira eigen
greinspesialitet).
Rekruttering
Sjå ovanfor
Strukturert opplegg, med nært samarbeid innan regionen, der teneste ved Gruppe 1 avdeling kjem som
ein naturleg del av utdanninga. Forpliktande avtalar.
Innhaldet i utdanninga må tilpassast dei oppgåvene som gastro-overlegar skal ha for å dekka faget innan
spesialisthelsetenesta, inkl. vaktarbeidet.
12