Regional plan for kirurgi i Helse Vest 2013 – 2017 vedlegg

Regional plan for kirurgi i Helse Vest 2013-2017
For å få til læring er fagmiljøa avhengige av systematiske tilbakemeldinger med rapportar som viser
utvikling av til dømes avviksmeldingar i SYNERGI og meldingar frå Kvalitetsutvala 23 . Det må leggast til
rette organisatorisk for møte-stadar/fora for å drøfte desse. Føretaka må sikre rutinemessige
tilbakemeldingar og drøftingar av avviksmeldingar og av rapportar frå kvalitetsutvala. Det er eit unytta
potensiale for å bruke tilbakemeldingar frå Kvalitetsutvala meir aktivt i oppfølging av svikt, uhell og
nestenuhell. Statens helsetilsyn har vist til at sjukehusa har oppretta kvalitetsutval, men at det framleis er
ein mangel ved at systematiske tilbakemeldingar manglar, og at bruken av tilbakemeldingar kan bli betre.
Kvalitetsutvala sitt arbeid må derfor revitaliserast.
Skademeldingane frå Norsk pasientskadeerstatning (NPE) og behandlinga av desse kan og nyttast meir
aktivt i kvalitetsarbeidet i føretaka.
7.3. Pasienttryggleik
Som første land i verda har Noreg kartlagt omfanget av pasientskadar ved sjukehusa i 2010 og 2011.
Samtidig starta pasienttryggleikskampanjen "I trygge hender" i 2011 for å redusere talet på pasientskader 24 .
Resultata frå ein stor studie som omfattar 28 europeiske land og som nyleg er publisert i The Lancet 25
viser at norske sjukehus er mellom dei tryggaste i Europa når det gjeld komplikasjonar under og etter
operasjonar. Norsk pasientregister melder at det var færre dødsfall i norske sjukehus i 2011 enn i 2010.
Del pasientopphald som førte til skade var det same i 2011 som i 2010 (16 prosent). Det var heller ingen
endringar i delen skadar som førte til forlenga sjukehusopphald eller alvorlegare konsekvensar (9 prosent).
Ved systematisk gransking av journalar for 1400 pasientar som hadde vore innlagte ved somatiske
sjukehus i Helse Vest i 2010, blei det funne 195 skadar hos 182 pasientar. Legemiddelrelaterte skadar,
infeksjonar og fall var dei vanlegaste skadetypane. Journalgranskinga var gjort med metoden Global
Trigger Tool, GTT. Denne skil ikkje mellom skadar som kan hindrast og dei som ikkje kan hindrast, men
den nasjonale pasienttryggleikskampanjen peikar på at studiar har vist at om lag 50 % av alle pasientskadar
kan hindrast. Omrekna betyr dette at 69 pasientar blir skadde kvar dag i Helse Vest og at om lag 35 skadar
per dag kan hindrast. I heile materialet peikar legemiddelrelaterte skadar, infeksjonar og fall seg ut. Blant
dei alvorlege skadane utgjer trombose/emboli og blødningar over ein fjerdedel av alle skadar.
Det er ei målsetjing å halvere talet på skader innan fem år og fjerne dei alvorlege skadane.
7.4. Prioritering
Kirurgien har to typar prioriteringsutfordringar:
• i arbeidet med ventelister og ventelistehandtering som i hovudsak handlar om å ivareta
pasientrettane
• ved at særskilde pasientgrupper eller behandlingstilbod vert løfta fram (det vil sei blir prioriterte)
utan at det dermed vert drøfta ope kva grupper eller behandlingstilbod som då må vente eller får
eit dårlegare tilbod.
7.4.1. Venteliste og ventelistehandtering
Tabell 5 viser mellom anna del pasientar som får rett til nødvendig helsehjelp. Det er til dels store
skilnader mellom føretaka i del pasientar som får denne retten sjølv innan same fagområde. Dette tyder på
23 Alle sjukehus skal etter Sykehuslovens §18b ha kvalitetsutvalg.
24
http://www.pasientsikkerhetskampanjen.no/
25
http://www.thelancet.com/journals/lancet/article/PIIS0140-6736%2812%2961148-9/fulltext
42