You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Aktuelt<br />
På leit etter stamfedrane<br />
Korleis har DNA-materialet til 26 elevar på Volda vidaregåande skule kome seg frå<br />
Afrika til Sunnmøre? I prosjektet «Mitt afrikanske DNA» fekk 26 elevar svar på kva<br />
vandringsrute stamfedrane deira har tatt.<br />
Av Inger Johanne Rein<br />
Elevane i biologiklassa hadde ansvar for<br />
prøvetakinga. Lektor Olav Myklebust hjelper til.<br />
Det var i desember at desse elevane<br />
tok celleprøver frå munnhola,<br />
og sende bomullspinnar<br />
med spytt på til eit analysefirma<br />
i USA. I slutten av januar fekk dei svar på<br />
kvar stamfedrane og stammødrene kom frå<br />
gjennom ein analyse av mitokondrie-DNAet<br />
hos jentene og Y-kromosomet hos gutane.<br />
Tverrfagleg DNA-jakt<br />
I utgangspunktet var det berre ti elevar som<br />
skulle sende inn prøve, men ved hjelp av ein<br />
privat sponsor fekk vi høve til å kartlegge<br />
26 av elevane, fortel lektor i biologi Olav<br />
Myklebust. Så vidt dei veit, er dette første<br />
gong ein vidaregåande skule har teke i bruk<br />
elevane sitt eige DNA for å undersøke kvar dei<br />
kjem frå. Olav Myklebust er ein av tre lærarar<br />
som i samarbeid med Høgskulen i Volda og<br />
organisasjonen Norgesprosjektet DNA har<br />
sett i gang eit prosjekt som er kalla «Mitt<br />
afrikanske DNA», eit tverrfagleg prosjekt<br />
med historie og naturfag. Det var elevane i<br />
biologiklassa som hadde ansvar for prøvetakinga,<br />
og elevane som deltok i prosjektet<br />
skal no følge opp resultata i fleire fag.<br />
Biologi, historie og naturfag<br />
- I biologi kjem eg til å nytte resultata, og<br />
det teknikkane baserer seg på, til å forstå<br />
ulike typar mutasjonar. Vi vil sjå nærare på<br />
sjølve DNA-teknikkane som blir nytta, og vi<br />
prøver å gjere tilsvarande analysar på skulen.<br />
Vi vil også setje resultata som vi kjem fram<br />
til, opp imot kompetansemål i faget, korleis<br />
har livet på jorda utvikla seg, og mennesket<br />
si utvikling i siste del av denne prosessen,<br />
fortel han.<br />
I historie skal resultata brukast i undervisninga<br />
om tidleg historie og ulike teoriar om<br />
kven som er dei første menneska i Europa og<br />
i Noreg. Ein kan også nytte desse resultata til<br />
å forstå feilaktig rasetenking på 1900-talet.<br />
I naturfag kan ein sjå på i kva grad desse folkevandringane<br />
kjem av klimatiske endringar i<br />
førhistorisk tid, og aktualisere kva menneskeskapte<br />
klimaendringar kan føre til av nye<br />
folkevandringar i dag.<br />
- Vi ønskjer å vidareføre dette prosjektet.<br />
Det hadde vore spanande om vi kan ha starta<br />
noko som kan bli eit langvarig prosjekt ved<br />
skulen i samarbeid med Høgskulen i Volda<br />
og Norgesprosjektet DNA, seier Myklebust.<br />
20 01/<strong>2017</strong>
Change language