MaquetaciŠn 1

:.a negra sombra do prestige un
ano despois.:
Lembramos a traxedia do Prestige pintando os
nosos recordos e cunha mesa redonda entre
expertos dos distintos sectores afectados
polo desastre
Mesa redonda sobre o Prestige, no IES Espiñeira
Durou máis do previsto pola participación dos alumnos.
Para analizar a catástrofe un ano despois daquela chamada de socorro do Prestixe
reuníronse no noso instituto expertos dos distintos sectores afectados pola catástrofe:
un profesor de economía da Universidade de Santiago, un biólogo profesor na
Universidade de Vigo, un ecoloxista, un traballador do mar (patrón dos mariscadores
da ría de Arousa) e un representante do alumnado que foi limpar chapapote; estivo
moderada por Pedro.
No salón de actos encontrábanse os alumnos de 4º de ESO e de Bacharelato do instituto
de Espiñeira , e os de 4º de Eso da Cachada.
Aínda que se evitou entrar no tema da política foi inevitable. Aclaróusenos que,
malia que nos venderon como moi bo o Plan Galicia, a inversión que se fai por cidadán,
é inferior á que se fai noutras cidades. Tamén se insistiu en que, como xa se
comprobou noutras catástrofes deste tipo, o descenso de capturas aínda estaba por
vir.
Este acto alongouse máis do pensado, pois os alumnos estaban moi interesados neste
tema e tiñan moitas preguntas que facer, ¿Tardará moito a costa en volver a normalidade?
¿ O peor da catástrofe está aínda por vir? ¿Cre que co que pasou co Prestige
poderíase volver a cometer os mesmos erros?...
Todas foron contestadas polos distintos membros da mesa.
Xocas Fernández, 1º Bach.
26