MaquetaciŠn 1

:.que é o rugby?.:
historia e regramento do rugby
Un día do 1823, os alumnos da escola pública de Rugby (condado
de Warwicks en Inglaterra) xogaban un partido de fútbol;
a pelota chega a William Webb Ellis que a colle coas mans, e
en vez de tirala ó chan, agarrouna ben e avanzou cara á liña de
fondo contraria. Malia que isto estaba prohibido no fútbol,
axiña lle saíron imitadores.
a loita entre o fútbol e o rugby
Este novo xeito de xogar ó fútbol foi estendéndose sen un regulamento
fixado, a colexios e universidades. As primeiras regras
escritas deste deporte foron acordadas en asemblea xeral o 7 de
setembro de 1846 na escola da localidade de Rugby. En 1843
creouse o club de rugby máis antigo que existe, o Guy's
Hospital Rugby Football Club.
A loita entre o fútbol tradicional e o de Rugby continuou, polo
que o 26 de outubro de 1863, reuníronse once representantes
de colexios e universidades para discutir cal dos dous debía prevalecer.
Acordouse seguir co fútbol tradicional, autorizándose
correr coa pelota nas mans, as cambadelas, as patadas e mesmo
agarrar o rival.
Nin os partidarios do fútbol nin os do rugby quedaron contentos
e ambos xogos emprenderon o seu avance por camiños ben
diferenciados.
Cando, anos despois, se toma a decisión de eliminar no rugby
as cambadelas e as patadas orixinouse unha forte polémica;
pensábase que isto suporía a perda de coraxe e virilidade nos
mozos. Mesmo se pediu no Parlamento a prohibición deste
deporte.
o rugby en España
O primeiro encontro de rugby que se celebrou en España tivo
lugar en Cataluña a comezos do século XX.
Desde entón a paixón polo rugby en España vai en aumento,
especialmente entre as deportistas. A selección feminina acadou
xa éxitos importantes no Campionato Europeo de Treviso; despois
de seren subcampionas cinco veces, no 1995 acadaron o
primeiro posto. Malia estes éxitos, non existe unha liga nacional
feminina.
conceptos básicos do xogo
Calquera dos15 xogadores pode recibir a pelota (que ten forma
ovoide) e pasala coa man ou co pé; o pase coa man debe ser
sempre para atrás. O obxectivo do equipo que ten a pelota é
gañar metros para achegarse á liña de ensaio; o equipo defensor
debe impedir o avance, para o que se recorre á placaxe
43