MaquetaciŠn 1

:.cantigas.:
Maruxiña dáme un bico,
heiche de dar un pataco
non quero os bicos dos homes
que me cheiran a tabaco.
E para que non digas
que tal e que cal
que foi ou non foi
que tal que sei eu.
Eu alá non fun
ela aló non veu
nin eu llo pedín
nin ela mo deu.
Vexo dende Taragoña
Vilagarcía e Vilaxoán
vexo a costa de Rianxo
vexo a casiña de Castelao.
Vexo a barca do meu home
pola ría entrar,ven de pescar.
Déixame baixar axiña
que o meu mariñeiro,está a entrar.
:.canción para durmir a un neno.:
Ruín Pedro Chosco
Que non queres vir
Para estes olliños
Que queren durmir.
Heiche dar meniño, unha nube branca
Que para ti teño gardada na arca.
Se me dormes pronto tamén che darei
Os catro cabalos dos fillos do rei,
As sete estreliñas do carro dos ceos
E as lúas noviñas que gardo nos seos,
Un galo que baila e un año que canta,
Unha árbore de azucre e un anxo de prata,
Un mar pequerrecho que teño escondido
Con cen mariñeiros de branco vestidos…
O bo Pedro Chosco
Xa comeza a rir.
Pobres meus olliños,
non os podo abrir!
O malo Pedro Chosco
Comeza a chegar,
Ladrón destes ollos
Que me vén roubar.
Madrugada de San Xoán
madrugada máis agarriña
que baila o sol cando nace
e ri cando morre o día.
Por ser noite de San Xoán
noite de encanto e bruxas
por ser noite de San Xoán
téñoche medo, Maruxa.
Quedei de ir mais hei de ir
á lumieira de San Xoán
chamuscar chamuscareime
mais non me quero queimar.
Salto por riba
do lume de San Xoán
para que non me trabe
cadela nin can.
San Xoán pediulle a Cristo
para que non o adormentase
ver bailar o sol
o día da súa romaxe.
Rebeca Sieira de 2º A e Verónica Saavedra de 2º B
Esta canción foi recollida por Laura Romero de 2º de eso
A. Cantoulla a súa avoa de 73 anos.
4