Belavia OnAir №117 August 2019
Create successful ePaper yourself
Turn your PDF publications into a flip-book with our unique Google optimized e-Paper software.
БЕЛАРУСЬ<br />
РАЗМОВА<br />
286<br />
<strong>Belavia</strong> <strong>OnAir</strong><br />
У любым галандскім альбо дацкім райцэнтры будзе дзесятак крамаў майго фармату.<br />
Прыватных ці нават дабрачынных — гэта калі людзі бясплатна здаюць сваю старую мэблю,<br />
а грошы ад далейшага продажу ідуць на добрыя справы: барацьбу з ракам, у Чырвоны<br />
крыж. А яшчэ вакол райцэнтра ёсць дзесятак фермераў, якiя працоўны тыдзень<br />
доюць кароў, а на выходныя адчыняюць ангар, спрэс забіты барахлом. І ў гэты ангар<br />
будуць стаяць чэргі (падчас нашай размовы ў “Б/уржуазные ценности” зайшло ўсяго<br />
тры чалавекі. — Рэд.). Кошты на старую мэблю будуць рознымі. Фатэль, на якім вы<br />
сядзіце зараз, дызайнерскай працы, скандынаўскі стыль, 1970-я гады. У адной краме<br />
ён будзе каштаваць 500 €, а ў другой — 50. У межах аднаго маленькага райцэнтра!<br />
Проста некаторыя гандляры ставяць сябе як краму, якая прадае скандынаўскі дызайн,<br />
а другія прадаюць, каб хутчэй прадаць і даслаць на дабрачыннасць. Датчане палююць<br />
на артэфакты, увесь час нешта перакупляюць, перавозяць з адной крамы ў другую —<br />
у іх там цэлая індустрыя сэканду!<br />
А ўвогуле нашыя людзі разумеюць, што такое скандынаўскі дызайн?<br />
Не зусім. Вось за вашай спіной стаіць вітрына — такі тыповы ампір. Заходзяць неяк<br />
дзве маладыя модныя кабеты: “А ёсць у вас што-небудзь скандынаўскае?” А я першы<br />
год вазіў пераважна антыкварыят з Бельгіі і Францыі. Кажу, не, выбачайце, няма. А яны<br />
паказваюць на гэтую ампірную вітрыну: “Дык а вось гэта? Гэта ж скандынаўскі дызайн!”<br />
Карацей, модны тэрмін ведаюць, а што за ім стаіць — не. Нашыя людзі не да канца<br />
разумеюць не толькі як выглядае, але і колькі каштуе сапраўдны скандынаўскі дызайн.<br />
А ён вельмі дарагі, даражэйшы за той ампір. Пазаўчора ад сэрца адарваў крэсла<br />
Гары Осцегарта — прадаў танней, чым яны каштуюць у еўрапейскіх крамах. І ўсё адно<br />
яго складана тут прадаць, бо гэта простае, падобнае на савецкае крэсла каштуе як<br />
фатэль Louis XV. Прадаў багатаму і культурнаму чалавеку, якія на Беларусі ў Чырвонай<br />
кнізе. Яшчэ адзін мой кліент, творчы чалавек з густам і грашыма, глядзеў-глядзеў на<br />
адну цікавую квідэнцу (нізкі буфет) скандынаўскага стылю 1970-х і кажа: “Артур, не<br />
магу прыняць такі кошт за такі аскетычны дызайн. Хачу, але не магу”.
Change language