#8

Удмуртлыклы,
калык кусыпъёслы
сӥзем газет
№30 (25840)
2020-тӥ ар 6-тӥ гудырикошкон 13
Иворъёс
Шулэн дорез
«Удмурт Кенеш» огазеяськонлэн
Сьӧлта
ёросысь ёзэз «Шудор»
проектэныз Президентлэн
фондэзлэсь грантсэ
утӥз. Со улсын Зямай
гуртын калмез удмуртъёслы
сӥзем музейусадьба
кылдоз.
Отын тодматозы
калмез удмуртъёслэн
сям-йылолъёсынызы,
дышетозы куиськыны,
горд сюен ужаны, пудо
утялтыны. Озьы ик,
бадӟым саклык висъяськоз
удмурт сиён-юонлы,
куноятозы шунянен,
сяртчынянен, тетераен.
Проектэз улонэ
пыӵатон борды кутскемын
ни. Та вакытэ
вуоно усадьбалы пус
кылдытон понна конкурс
ялэмын. Вожвылъяськонэ
пыриськыны
мылкыд сярысь
верано но ужъёсты
ыстоно 20-тӥ августозь
russkixnatasha@mail.
ru почта пыр. Вормисьёслы
коньдон кузьым
чакламын.
________
Чечы веръян
15-тӥ августэ 12 часын
«Лудорвай» музей-заповедникын
«Гурт-фест»
ортчоз (6+). Азьвыл
аръёсы сямен ик, данын
луоз чечы.
14-тӥ августэ – Чечы
спас. Шаерысьтымы
мушкасьёс чечызэс
ваёзы, ужрадэ лыктэмъёс
но нимысьтыз
жюри чечылы дунъет
сётозы. Фольклор
коллективъёс калыкез
шулдыртозы, кибашлыос
киужъёсынызы
вуз карозы. Гурт улонлы
сӥзем фестивальын
калык йылол-сямъёсты
возьматозы. «Тулысысен
гужемозь» адӟытон
радъяськоз, «Улӥллямвылӥллям»
ужрадын
мылкыд карисьёс
удмурт корка пуктыны
дышетскозы. Воргоронъёс
кужымзэс эскерозы
«Лудорвай батыр»
вожвылъяськонын.
Лулчеберет
Кытын улэ Чеберинка?
«Чеберинка-2020» конкурсэ пыриськыны быгато 6-16 аресъем
нылъёс. Вожвылъяськонэ пыриськон понна 5-тӥ куарусёнозь
cheberai@bk.ru электрон почтае гожтэт-анкета ыстоно. Гожтэтын
одно ик пусъёно темазэ — «Чеберинка», ватсано анкетаез,
удмурт калык дэремен 2 туспуктэм келяно (ымныр тусын но
быдэс мугорын). Со сяна, нылашлэн быгатонъёсызлы сӥзем видео
лэсьтоно но та гожтэтэн ик келяно.
Туспуктӥз Елена МИННИГАРАЕВА
Арлэсь кема быдэс
элькунамы радъяськиз
нылкышно чеберлыклы
сӥзем «Чеберай»
марафон. Туэ 28-тӥ
ноябре ортчыны кулэ
гала-представлениез.
Но чеберлыклы сӥзем
ӵошатскон таин гинэ уг
йылпумъяськы. Ялэмын
ини «Чеберинка-2020»
ӵошатскон сярысь.
Таяз 6-16 аресъем
нылъёс пыриськозы.
«Чеберинка-2020» конкурслэн
валтӥсез Ксения
Широбокова пусъе, вожвылъяськон
пиналъёс пӧлын удмуртлыкез
азинтонлы но
лулчеберетмес вӧлмытонлы
сӥземын луоз. Конкурс
ортчоз 3 категорияя: 6-9
аресъем, 10-13 аресъем но
13-16 аресъем нылъёс пӧлын.
Нылъёс кастинге пыриськозы.
Кастинг заочно ортчоз,
жюри устооссэ анкетаосты
быръёз. Быръем нылашъёс
Интернет пыр куара сётонэ
пыриськозы. Котькуд категориын
тужгес но трос куара
люкам 5 нылъёс финалэ потозы.
— Кастинге вань мылкыд
карись нылъёс пыриськыны
быгато, — пусъе Ксения Широбокова,
— но, валамон ини,
вылӥгес дунъяськозы удмурт
кылэз тодӥсьёс. Нылъёслэн
возьматонъёссы но удмурт
культураен, лулчеберетэн
герӟаськемын луыны кулэ.
Туннэ нуналлы вуизы ини
Можга, Дэри, Шаркан, Глазов
палась нылъёслэн анкетаоссы.
Финалэ потыны эшшо
одӥг амал вань на. 15-тӥ
гудырикошконэ Шарканын
«Эктоника» фестиваль
ортчоз. Нылъёс отчы лыктыны,
сцена вылын быгатонлыкъёссэс
возьматыны,
дизайнеръёсын ӵош эко-дэрем
кылдытыны, дефилея
мастер-классъёсы пыриськыны,
туспуксьыны быгатозы.
Тужгес устоосыз нылъёс
озьы ик «Чеберинка-2020»
конкурслэн финалаз шедёзы.
«Эктоникае» пыриськон
мылкыдды сярысь
cheberai@bk.ru почтая ик
ивортоно. «Чеберинка-2020»
конкурслы йылпумъянъёс
лэсьтэмын луозы туэ декабрь
толэзе.
Конкурс сярысь пырпочгес
тодыны, положенизэ
учкыны луоз татысь:
vk.com/udmcheberinka
________
Елена ВАСИЛЬЕВА

14
№30 (25840)
2020-тӥ ар 6-тӥ гудырикошкон
Кылэз дышетон
Урок мынэ радиоын
Котькуд арнянуналэ
9 часын ӵукна «Мынам
Удмуртие» радиолэн
эфираз «Удмуртский с
нуля» программа мынэ.
Вань мылкыд карисьёс,
сое кылзыса, удмурт
кылэн тодматско.
Программалы инъет сётӥз
Удмурт кыллэн нуналэзлы
сӥзем акция. Кылем
арын 27-тӥ ноябре «Шунды»
огазеяськон но Эшъяськон
юрт школаосын,
университетъёсын, мукет
ужъюртъёсын удмурт кылэн
тодматӥсь урокъёс радъязы.
Урок «Мынам Удмуртие»
радиолэн эфираз но ортчиз,
сое нуизы Эшъяськон юртысь
методист ъёс, «Шунды»
огазеяськонлэн ёзчиосыз
Алина Чернова но Августина
Михайлова, журналист Алёна
Трофи мова.
— Калыклы урокмы кельшиз,
— вераз Алина Чернова,
— соин ик Выль ар бере ини
Алёна ӵектӥз одӥг пол ортчем
ужрадмес быдэс радиопрограммалы
пӧрмытыны. Озьы,
февральысен кутскыса, ми
арняяз одӥг пол меӵак эфире
потаны кутскимы.
Нылъёс котькуд уроксэс
пӧртэм темаослы сӥзё,
ӵемысь дырлэн вакытэз,
праздникъёс вылэ пыкъясько
яке Эшъяськон юртлэн ужрадъёсыныз
герӟало.
— Милям программамы
визьнодан понна ӧвӧл, школаысь
урокъёс кадь уг ортчы,
— вераз Алёна Трофимова, —
со эшъёсын пумиськон, мыло-кыдо
вераськон.
Котькуд эфирез тунсыкогес
каро ӧтем куноос. Кылсярысь,
нырысетӥ эфиръёсын
нылъёс вераськизы
удмурт кылэз дышетон луонлыкъёс
сярысь. Малпазы:
Берыктон луд
Кион шуэ «бон»
Украин калык выжыкылъя
1982-тӥ арын
лэсьтэм «Жил-был пёс»
мультфильмез удмурт
кылын учкыны луэ.
Удмурт кылэ мультфильмез
берыктӥз Якшур-Бӧдья
ёросысь Ӟеглуд гуртысь Анастасия
Веретенникова. Али
нылаш Ижысь гурт удысъя
кун академиын ветеринарлы
дышетске. Удмурт кыллэн
югдуреныз но тунсыкъяське,
удмурт ужрадъёсты, проектъёсты
син азяз возе. Огпол
нылаш, «ВКонтакте» вотэс
А. Чернова, А. Трофимова но А. Михайлова «Мынам Удмуртие»
радиоын удмурт кылэн тодмато.
ӧтёно «Кылдысин» ватсэтэз
(приложениез) кылдытӥсез,
программистэз Григорий
Григорьевез. Со пыр-поч мадиз
приложениез сярысь. Удмурт
кылэз тодӥсьтэмъёслы
со туж бадӟым юрттэт.
Озьы ик удмурт
азьветлӥсьёсты ӧтьыло. Кылсярысь,
Анастасия Шумилова
эфирын аслэсьтыз кылбуръёссэ
лыдӟиз.
— Милям программаямы
пӧртэм рубрикаос вань,
— шуиз Алина. — Котьку
лыдӟиськомы удмурт кылбуръёсты,
кылзӥсьёслы мадиськонэз
(загадка) тодыны
дэмласькомы. Эфире гожъясьёс
но жингыръясьёс трос
гинэ луо.
Эфирлэсь пайдазэ ас вылаз
шӧдӥз ачиз Алёна Трофимова
но. Солэн анай-атайёсыз
Пичи Пурга ёросысь.
Алёна пичи дыръяз туж
бамын удмурт «ДаурТВ» каналэз
учкыкуз, ялон адӟем:
«Удмурт мультикъёс туж
ӧжыт, ойдолэ мар ке каром та
ласянь».
— Соку йырам малпан
кылдӥз: оло, кыӵе ке мультфильмез
удмурт кылэ берыктоно?
У-у-ух, мылкыды ик
ӝутскиз! — вера Анастасия. —
Ачим пичи дыръям ӟуч кылэз
уг тодӥськы вал, мультфильмъёс
ӟуч кылын учкылӥ. Оло,
али но сыӵе пичиос вань. Туж
бадӟым тау «ДаурТВ» каналлы.
Берыктэм мультфильм
пиналъёслы мед гинэ ярасал!
яратылӥз удмурт кылэз, но
кема дыр ӵоже городын улыса,
анай кылыз вуныны кутскиз.
— Мыным туж юрттэ программамы,
шумпотӥсько
анай кылыным мургес тодматскисько
шуыса, — шуиз
Алёна. — Али ваньмон дыръям
удмурт книгаос, статьяос
лыдӟисько. Библиотекае но
ветлӥсько, ачим но удмурт
книга бичасько. Потэ, программа
мон кадьёслы но, кылэз
тодӥсьтэмъёслы но мед
юрттоз.
Озьы огаз эфире блогерез
Максим Ивановез
(@maximus_spin) ӧтизы. Со
аслаз Instagram бамаз пӧртэм
серемес видеоос лэсьтэ, отын
удмурт акцентсэ юромо будэтэ,
но ачиз удмурт кылын
ӟеч-ӟеч вераськыны уг быгаты.
Нылъёс меӵак эфирын
сое дышетыны выризы. Таӵе
А. Веретенникова мультфильмысь
озвучка лэсьтыны
адямиосты утчаз. Собере
куаразэс гожтӥз, монтаж
лэсьтӥз, титръёс дасяз.
— Удмуртомем кион папаелэн
куараеныз вераське,
— вера Анастасия. — Удмурт
кылын вераськись эшъёсы
лачак ӧвӧл, соин атайме куроно
луи. Кема «уг» шуиз
вал: эмоционально, пе, вераськеме
уг луы. Нош мамае
шуиз: кионлы со кулэ но
ӧвӧл! Нырысь таӵе малпанэ
вал: пуны «бен» мед шуылоз,
нош кион — «бон». Ми
Туспуктӥз Анна КАСТИЛЬО-МЕХИА
формат яраз асьсэлы но,
кылзӥсьёслы но.
— Программамы йыг-йыг
пыд вылаз сылыны кутскиз
гинэ но, самоизоляция ялӥзы,
— вераз Августина Михайлова,
— соин ик радиое ветлыны
ӧм быгатэ ни, но Эшъяськон
юртын ужасьёсын ӵош «Удмуртский
с нуля» урокъёсмес
вотэсын меӵак эфирын ортчытъяны
кутскимы. Видео
пыр герӟаськылӥмы удмурт
кылэз тодӥсьтэм геройёсын.
Оглом 4 таӵе видео потӥз.
«Удмуртский с нуля»
радиопрограммаез «ВКонтактеысь»
«Мынам Удмуртие»
телерадиокомпанилэн
огинъёсысьтыз шедьтыны
луэ, нош видеопрограммаосты
— Эшъяськон юртлэн
YouTube каналысьтыз.
________
Мария ЕМЕЛЬЯНОВА
палъёс «бен» шуыса верасько,
соин мыным потэ, со лякытгес
кылӥське. Нош нюлэскысь
кыр пӧйшурлы «бон»
тупасал кадь. Но пунылы
куаразэ кузьмам пияш Станислав
шуиз: верало ачим
сямен. Озьы «бон» «бенэз»
вормиз.
«Улэм-вылэм пуны»
мульт фильмез учкыны луэ
А. Веретенниковалэн «ВКонтакте»
вотэс бамысьтыз:
vk.com/id260627248.
________
Анастасия ШУМИЛОВА
Вотэсын
«Куара»
чузъяське
«Ютубын»
Удмурт кылэз табере
вотэсын дышетыны
луэ. Гужем
ӵоже «Куара» огин
ӟуч но англи кылын
20 видеоурок
поттыны дасяське.
Нырысетӥ урокез
«ВКонтакте» вотэс
бамын ог 70 сюрс
адями учкиз ини.
Курсъёсты дасясьёс
верамъя, али тросэзлэн
сямзы вань, «Ютубысь»
видеоос учкыса,
кылъёс ты дышетыны.
Нош удмурт кылъя
видеокурс кылдытыны
малпан кемаласен кылдэм
ини.
— Мон мылкыд карисьёсты
удмурт кыллы
дышетылӥ, тросэз юалляськизы:
вань-а кылэз
ас кожазы дышетыны
ватсаса материалъёс?
— вера проектлэн
кивалтӥсез Ольга Степанова.
— Табере малпанмес
улонэ пыӵатӥськом,
Удмуртиысь Нациосын
ужан политикая министерстволэн
юрттэменыз.
Али уж мынэ: съёмкаос
радъясько, монтаж
лэсьтӥське, чебер графика
но лэсьтоно. Урокъёс
вакчиесь ке но, соосты
лэсьтыны трос дыр но
кужым кошке.
Курсэз учкыса, тодыны
луэ удмурт кыллэн
аспӧртэмлыкъёсыз
сярысь, грамматикаез
но ӵем кутӥськись
кылъёсты дышетыны.
Со сяна, роликъёсын
элькунмы сярысь но
мадё. Кылсярысь, дано
удмуртъёсын тодмато,
элькунысьтымы тунсыко
интыосты возьмато.
«Ютубе» егитъёс
ӵемысь пырало серемес
видеоосты учкыны —
удмурт кылъя видеоурокъёс
но учкисьёсты
серекъятозы. Валтӥсез
— учкисез кылэз дышетыны
бурдъяны, шуо
курсъ ёсты дасясьёс. Удмурт
кылъя видеокурслэсь
пайдазэ пусйиз
Удмуртилэн Тӧроез
Александр Бречалов но,
элькунысьтымы национально-культурной
огазеяськонъёсын
онлайн
амалэн пумиськыкуз.
Роликъёсын тодматскыны
луэ «Куара» огинлэн
«ВКонтакте» бамаз но
«Ютубын».
________
Виктория КРАМОВА

№30 (25840)
2020-тӥ ар 6-тӥ гудырикошкон 15
Гужем школа
Кунояськытэк дышетско
20 ар ӵоже ини гужемъёссэ
Удмурт кун университет
ортчытъя удмурт
кылэз дышетонъя
школа. Туэ коронавирусэн
сэрен дышетсконэз
онлайнэ выжтӥзы.
Та аръёс ӵоже УдГУ-е асьме
странаысь, Европаысь, Америкаысь,
Азиысь, Африкаысь
дышетскисьёс вуылӥзы ни.
— Туэ дышетскыны лыктыны
мылкыд карисьёс туж
трос вал, — вераз кылосбур
наукаосъя кандидат Дмитрий
Ефремов. — Коронавирус
вӧлмон азьын ик, феврале,
ог 15 заявкамы вал
ини. Та дырозь курсъёсамы
13 муртлэсь трос ӧз пыриськылэ
вал.
Удмурт кылосбуръя, финно-угроведениея
но журналистикая
институтысь
дышетӥсьёс курсъёсты онлайн
ортчытыны малпазы.
— Нырысь ик «Фейсбукамы»
гожтэт вуиз, — вераз
Дмитрий Анатольевич, —
Финляндиын улӥсь бельгийка
Эвелин Вагман гожтӥз, онлайн
курсъёсы пыриськемез
потэ шуыса.
Эвелин нырысьсэ Удмуртие
2008-тӥ арын картэныз
ӵош вуылӥз. Ӵапак курсъёс
кутскон азьын сюан кариллям,
удмурт кылэз дышетонъя
школа соос понна
аспӧртэм сюан путешествилы
пӧрмиз. Бӧрысь нылмурт огназ
вуылӥз на.
Али онлайн дышетске,
лӧптэм мылкыдзэ уг
ваты: «Тау курсъёсты
Кылэз дышетыны, сое
эскерыны но утьыны
юртто цифровой технологиос.
Соосты уже кутыны
тыршо Историяя,
кылъя но литературая
Удмурт институтын но.
Институтлэн кивалтӥсез
Игорь Поздеев верамъя, туэ
арысен синтезатор бордын
уж мынэ. Со компьютерын
ужась программа, кудӥз удмурт
кылын гожтэм текстэз
шара лыдӟыны быгатоз.
Синтезаторез лэсьто институтысь
лингвистъёс, соос
аудиофайлъёсты дасяло. Тодосчиослы
юрттэ удмурт
прог раммист Григорий Григорьев,
со нейросетез удмурт
кылын ужаны дышетэ.
Синтезатор борды басьтӥськыны
тодосчиос ӧй
Удмурт кун университетысь преподавательёс
кунгожсьӧръёсты дышето Интернет пыр.
ортчытэмды понна. Туж
кельше дышетӥсьмы Наталья
Владимировна Ильина.
Мон аслам вотэс бамъёсам
но адямиослы та курсъёс сярысь
верасько, соос паймо,
тунсыкъяськыны кутско, Удмуртие
лыктыны асьсэлэн но
мылкыдзы лӧптэ».
Школа онлайн ортче бере,
пуштроссэ кӧня ке воштоно
луиз. 3 арня интые али 2 арня
дышетско, лекциосы, занятиосы
сяна, азьло пӧртэм ужрадъёсы,
музейёсы ветло вал,
нош туэ та люкетлэсь, валамон
ини, куштӥськизы. Но
студентъёс мӧзмыса уг уло.
Котькуд урок тунсыко амалэн,
шудонъёс пыр ортче.
Али Россиысь, Финляндиысь,
Франциысь, Бельгиысь,
Туала амалъёс
Удмурт кылэз тодэ нейросеть
быгатысалзы, удмурт кыллэн
корпусэз (шыкысэз) ӧй
ке луысал. Институтын ужасьёс
корпусэз кылем арлэн
пумаз дасязы. Удмурт кыллэн
шыкысаз пыртэмын публицистика
но художественной
литература, 2008-тӥ
арын потэм удмурт-ӟуч но
2019-тӥ арын потэм ӟучудмурт
кыллюкамъёсысь
кылъёс. Та дырлы корпусын
уно кылъёс но соослэн
формаоссы люкамын: оглом
1 миллион пала словоформа.
Корпуслэн udmcorpus.
udman.ru вотэс бамаз тодыны
луэ кылъёслэсь вераськонын
кутӥськемзэс,
воштӥськемзэс. Кылъ ёс ты
пӧртэм сямен утчаны
луэ, кылсярысь, бырйыны
быгатӥськоды, кыӵе произведениосаз
кутэ «ужаны»
Венгриысь, США-ысь, Австриысь,
Германиысь
13 адями дышетске, соос
3 группалы люкемын. Кылэн
али гинэ тодматскисьёсты
дышетэ Дмитрий Ефремов,
кылэз шоро-кус по
тодӥсьёсты — кылосбур
наукаосъя кандидат Наталья
Ильина, кылэз ӟеч
тодӥсьёсты — кылосбур наукаосъя
доктор Наталья Кондратьева.
— Милемлы онлайн амалэн
ужаны секыт ӧвӧл, — вераз
Дмитрий Анатольевич,
— угось азьвыл, пандемия
азьын, ми ӵем озьы ужаллямы
кунгож сьӧрысь университетъёсын.
УдГУ-ын техника
ӟеч, бадӟым шуг-секытъёс
уг кылдыло.
кылэз Степан Широбоков
яке мукет автор.
Удмурт кыллэсь корпуссэ
тырмытон бордын уж
али но мынэ, угось узыр
корпус выль программаос
кылдытыны луонлык сётэ.
Удмурт кылъёс но соослэн
формаоосы тросгес луизы
ке, пӧрмытыны луоз кылысь
кылэ берыктонъя сервис
но.
— Оскиськом, кӧня ке ар
улыса, милям нейросеть чотын
ужась выль переводчикмы
луоз. Со понна корпусэ
кӧня ке миллион словоформа
пыртоно, — вера Игорь
Леонидович. — Ми ваньзэ
автоматизировать карыны
тыршиськомы. Программа
текстысь кылъёсты ачиз
висъяны но соосты корпусэ
пыртыны кулэ. Со сяна,
Выль амал ӟеч палъёссэ
возьматӥз ке но, тросэзлэн
азьло сямен ик Удмуртие
лыктэмзы потэ. Соин ик
вуоно арын коронавирусэн
югдур тупатскиз ке, малпаськомы
2 группа усьтыны:
онлайн но офлайн.
Соосын пӧртэм сямен
ужано. Кинлэн ке потэ ас
киыныз ваньзэ кутылэмез,
нош кинлэн ке сыӵе луонлыкез
ӧвӧл. Милемлы туж
паймымон вал, онлайн дышетскыны
мылкыд карисьёс
сомында шуыса. Калык
куре бере — куронъёссэ быдэстоно,
— шуиз Дмитрий
Ефремов.
________
Мария ЕМЕЛЬЯНОВА
программае пыртыку, текст
мед возьматоз, вань-а отын
янгышъёсыз.
Выль программаосты
уже кутыны быгатозы дышетӥсьёс,
пиналъёс, студентъёс
но тодосчиос, журналистъёс,
удмурт кылэн
тунсыкъяськисьёс. Синтезатор
туж юрттоз сӧсыр адямиослы
но. Нош кыӵе куараен
со вераськоз?
— Синтезаторлэн куараез
Василий Ванюшев тодосчилэн
куараезлы мед тупасал
— соку йӧно воргорон куара
чузъяськысал. Оло, 2 куараен
каромы, мед бырйыны
луоз, нылкышно яке воргорон
куараез кылзоно, — шуэ
Игорь Поздеев.
________
Анастасия ШУМИЛОВА
«Summer School of the Udmurt Language» огинлэн «Фейсбук» бамысьтыз
Эгра палъёсын
Лӧпшо Педунь
вужмиз?
Удмуртилэн кунлык
басьтэмез дырысен
100 ар тырмонлы
сӥзьыса,
Эгра ёросысь культура
юртъёсын
117 ужрад ортчытыны
чакламын.
Ваньзэ ужрадъёсты
улонэ пыӵатыны люкетэ
пандемия. Куд-огзэ
онлайн амалэн радъязы
ни. Та но мукет ужпумъёс
сярысь кенешизы
«Удмурт Кенеш» огазеяськонлэн
Эгра ёросысь
ёзчиосыз. Вераськонэз
усьтӥз ё ро сысь удмуртъёслэн
азь ветлӥсьсы
Татьяна Мосова. Удмурт
кылын ужрадъёс туж
ичи:
117 ужрад пӧлысь ог
20-ез гинэ.
— Улондэ воштэмед
потэ ке, ас бордысеныд
кутскы, — омырез
ӟырдатӥз ёрос администрациысь
гурт удысъя
управлениен кивалтӥсь
Ольга Соловьёва. — «Кенешчиосмылы»
сэзьгес
ужано, нимысьтыз
программа кылдытоно.
Вунэтоно ӧвӧл ёросысь
нимо-дано адямиосты,
юбиляръёсты, удмуртъёссэ
одно ик удмурт
сямен ӟечкылано.
Ужрадын тросгес
вераськизы культура сярысь.
Клубъёсы пыронэ,
пе, «Гажаса ӧтиськом»
гожтоно, со понна коньдон
трос кулэ ӧвӧл. Эгра
ёрос данъяське Лӧпшо
Педунен. Шораз учкиськод
ке, пе, со куанер
воргоронлы кельше.
Геройлэсь туссэ туала
кароно ни.
О. Соловьёва ёроссэ
ӵошатылэ Пичи Пурга
палъёсын. Удмуртлык,
пе, отын вылӥын возиське.
Соин валче кылем
арня шорын эграос,
ёрослэн йырыз, культура
удысын но проектъёсын
ужасьёс, пургаос
доры куное ветлӥзы.
Проектъёсын эграос
туннэ адӟем карымон
ужало ке но, ёросысь
кивалтӥсьёслэн сюлэмзы
уг буйга: удмурт
шӧмзы, пе, проектъёсын
ӧвӧл.
Удмуртлыкен вырисьёслы
гуртэ уж сётӥзы:
1-тӥ августозь дэмланъёс
дасяно. Соосъя ик
азьланезлы ужан программа
лэсьтозы.
_______
Надежда ДАНИЛОВА

№30 (25840)
16 2020-тӥ ар 6-тӥ гудырикошкон
Шуныт кыл
Ялан калык пӧлын
26-тӥ пӧсьтолэзе 80 арес
тырмиз философия наукаосъя
кандидатлы,
запасысь полковниклы,
«Удмурт Кенеш»
огазеяськонлэн Ленин
ёросысь ёзэзлэн азьвыл
кивалтӥсезлы Владимир
НЫРОВЛЫ.
— Владимир Алексеевич,
тӥ военной вал, 34 ар Удмуртилэн
палэназ улӥды, Ижевске
бертӥды гинэ но соку ик
Ленин ёросысь удмуртъёслэн
азьветлӥсьсы луиды. Ӧд
кышкалэ-а бадӟым ныпъет
борды басьтӥськыны?
— Ижевске вуи 1993-тӥ
арын, нош 1994-тӥ арын мон ас
ужъёсыя пыри вал Ижысь Ленин
ёрос администрацие, отын
ёросысь удмуртъёслэн огазеяськонзылэн
отчётно-выборочной
конференциез вылэм,
кивалтӥсь быръё. Администрациысен
монэ синйылтӥз
писатель, офицер Николай
Кузнецов, со ик кивалтӥсь луыны
ӵектӥз. Кенеше люкаськемъёс
асьсэлы азьветлӥсь
быръё – одӥгезлэн уг поты,
мукетыз уг быгатӥськы шуэ,
ваньзы пумит карисько. Калык
азе соку Н. Кузнецов потӥз но
шуиз, тани, пе, тӥледлы дась
председатель, визьмо воргорон,
полковник, философия
наукаосъя кандидат. Ёросысь
удмуртъёслэн азьветлӥсьсы
луыса 20 ар пала ужай, бӧрысь
«Удмурт Кенеш» огазеяськонлэн
Ленин ёросысь ёзэзлэн
дано тӧроез луи. Али но быгатэмея
юрттӥськисько. Ужатозям
«Удмурт Кенеш» огазеяськонлэн
кивалтӥсьёсыз 6 пол
воштӥськизы.
Нырысетӥ юрттӥсьёсы вал
библиотекаын ужасьёс Мария
Елмашева но Надежда Пономарёва,
дышетӥсь Надежда Киселёва.
Отӥяз правление люкай,
быдэстоно ужъёсмы сярысь
нимысьтыз план гожтӥмы.
Ленин ёрос бадӟым бере, ужрадъёсамы
но тросгес калыкез
люкаммы потылӥз. Озьы пӧртэм
организациосын ячейкаос
кылдытӥмы. Туж юрттӥськиз
Евгений Медведев,
Ижысь запасысь полковник В. Ныров.
со сюлмаськемен, кырӟась
коллективъёсмы («Ӟардон»,
«Эшъёс» но мукетъёсыз)
кылдӥзы, азьланяз соос калык
ансамблёзь будӥзы. Ёрос огазеяськонмылэн
удмурт гимнэз
но вань.
Ужмы каньылля радъяськиз.
Городын нырысьёсыз
пӧлын Гербер шулдыръяськон
радъямы. Соку ужрадэз
шулдыртыны вуылӥзы Ува
ёросысь артистъёс, нош люкаськемъёсты
ческыт ӝукен
куноятӥзы военнойёс.
Ужрадъёс ортчытэм сяна,
удмурт кылэз дышетонлы но
саклык висъямы, тросаз библиотекаосы
удмурт кылын
печатласькись газет-журналъёс
вуылӥзы. «Удмурт Кенеш»
огазеяськонлэн ёросысь
ёзэз городын но шаерамы
ортчылӥсь ужрадъёсы мылокыдо
пыриськиз, политикаен
герӟаськемъёссэ но палэнэ
ӧз кельтылы. Шуг-секытъёс
кылдылӥзы коньдон шедьтон
ласянь. Мыным, полковниклы
сямен, котькыӵе кивалтӥсь
доры капчи вал пырыны. Трос
юрттӥзы Ленин ёрос администрация,
депутатъёс.
— Кылизы-а быдэстымтэ
ужъёсты?
— Тросгес саклык висъяме
потэ вал удмурт кыллы но
литературалы, удмуртъёс кепыратэк
мед вераськысалзы
анай кылынызы. Со понна ик
ёросын ортчытъямы пӧртэм
научно-практической конференциос,
отчы учёнойёсты,
шаерысьтымы тодмо адямиосты
ӧтьылӥмы. Удмуртъёс туж
ужасесь, чидасесь но востэмесь.
Вань, конечно, пӧламы
шаплыосыз, но ӧжыт. Мактаськон-ушъяськон
сямзы но
куд-огезлэн вань. Ог-огмес
вӧсь карыны яратӥськомы,
вожъяськонмы асьмелэсь но
бадӟымгес. Кивалтон ужын
но, бизнесын но туж ӧжыт удмуртъёс.
Машиностроительёслэн
городоказы Табань
корка яке удмурт шӧмъем
ресторан усьтыны малпамы
вал. Юрт шедьтӥмы ни вал –
нокин та борды рос-прос ӧз
басьтӥськы.
Туспуктӥз Валентина ЕМЕЛЬЯНОВА
— Трос аръёс ӵоже Удмуртилэн
палэназ улӥды,
кузпалды ӟуч, нош удмурт
кылдэс вунэтэмын ӧвӧл.
— Бен, мон городын вордскемын,
Ижысь 48-тӥ школаез
йылпумъяй. Тау карисько
нэнэ-тятяелы, пичиысен
удмурт кылэз яратон мылкыд
пыӵатыны быгатӥллям.
Ма собере, гужемъёссэ мон
тятяелэн вордскем гуртаз
– Кияса ёросысь Уддядиын
улылӥ, отын котьмалы дыши,
удмурт сямен но вольыт вераськыны
кутски. Оренбургысь
военной училищеез
горд дипломен йылпумъяме
бере Германие келязы. 6
арзэ отын улытозям, немец
кыллы дыши, отӥяз Туркмение
ыстӥзы. Нош Москваысь
военно-политической академиын
дышетскеме бере Таллинэ
вуи. Отӥяз 4 арлы Мозамбике
ысъязы.
Уженым сэрен командировкаосы
трос пол потано
луылӥз Дальний Востоке,
Средней Азие, Кавказэ… Огкылын
вераса, быдэс дуннеез
котыръяй кадь, котькытчы
пытьые кылемын. Кыӵе
выжы калыкъёс дорын улӥ,
соослэсь кылзэс дышетӥ,
нош соосты — удмуртэзлы.
Кылъёс мыным капчиен
сётскылӥзы.
— Та вие «Удмурт Кенеш»
огазеяськонлэн ёросысь
ёзэныз уд кивалтӥське ке
но, дорысьтыды шедьтыны
уг луы.
— Уд но оске, уже лачак,
ялан калык пӧлын. 34 ар армиын
службаме ортчытӥ, нош
1993-тӥ арысен шаерысьтымы
югдурез утисьёслэн радазы
тыршисько. Быгатэмея
удмурт пиналъёслы академие
пырыны, уже интыяськыны
юрттылӥ. Та вакытэ офицеръёслэн
кенешсылэн, «Боевое
братство» но мукет огазеяськонъёслэн
ёзчизы луисько,
МВД-лэн Нижний Новгородысь
академиезлэн Ижысь
ёзаз ужам ветеранъёслэн огазеяськонэнызы
кивалтӥсько.
Бурд улам 180 ветеранъёс.
Со сяна, дышетон
удыс но вунэтэмын ӧвӧл.
Удмуртиысь но Россиысь дышетон
удысысь дано ужась
луисько бере, егитъёс азьын
лекциос лыдӟисько. Дышетон
уж мыным артистлэн
ужез выллем потэ, лекциосысь
мон бурдъяськыса
бертӥсько. Югдурез утёнъя
министерствоысь лекторской
группае пыриськисько.
Курсантъёс, кадетъёс, студентъёс
но дышетскисьёс,
городъёсысь но гуртъёсысь
пиналъёс азьын лекциос
лыдӟисько, М. Калашниковлэн
музеяз адӟытонъёсы
ӵемысь вуылӥсько, 76-тӥ
школаысь кадет класслэн кураторез
луисько.
Быдӟым Вормонлы 75 ар
тырмонэн валче февраль —
май толэзьёсы дорам кӧланы
гинэ бертылӥ. Данъяськисько:
1999-тӥ-2001-тӥ аръёсы
Москваын ортчем Вормон
парадъёсы пыриськылӥ. Огкылын
вераса, ужтэк пукыны
маза ӧвӧл.
— Кузпалды уг вожа-а?
— Екатерина Ивановна
кузпалы Ульяновск
улосысь, ӟуч ке но, удмурт
кырӟанъёсты ӵошен
быдэстӥськомы. Кӧня ке
кылъёсты но вала, вераны
гинэ кепыра. Со трос аръёс
ӵоже военкоматын ужамын.
Кузпалэным 51-тӥ арзэ ӵош
улӥськомы. Алексей пимы
мынам сюрестӥм вамыштӥз,
2 внучкаосмы будо.
Ми доры трос куноос,
пӧлазы удмуртъёс но, пырало,
Катюшаелэн одӥг пол но
пыкылэмез ӧвӧл. Ваньмон
дырмы шеде ке, бакчаямы
дыртӥськомы, пуэн ужаны
яратӥсько, руль сьӧрын но
ворттылӥсько ай. Та нуналъёсы
80 арес тырмиз, нош
аслым ялан егит потӥсько.
Туж шумпотӥсько, вордскем
палъёсам бертыса, удмуртъёс
понна маке ӟечсэ лэсьтыны.
________
Валентина ЕМЕЛЬЯНОВА
«Вордскем шаер»
Тонэн котьку данъяськиськом!
Любовь ТИХОНОВА
Медаз луы ноку мӧзмон,
Пурысь медаз луы улон.
Пачыл-пачыл ке шумпотон —
Котьку медло пӧсь яратон.
Ог-огмылы — шуныт кылъёс,
Вай сӥзёме ӟеч мылкыдъёс.
Дунне вылын ваньмыз-ваньмыз
Мед пыласькоз вал шудэныз.
Югыт, чылкыт, чебер инбам,
Яркыт шунды пиштэ шорам.
Кыӵе чебер та улонмы,
Вордскем гуртмы но шаермы!
Жильыр-жильыр пӧзе ошмес.
Пужым, кызьпу — узыр нюлэс.
Веттаськыса ю-нянь будэ,
Шумпотонэн сюлэм тырме.
Удмуртия — вордскем дормы,
Татын ортчиз пичи дырмы,
Татын али но улӥськом.
Соин котьку данъяськиськом!
Тодады вайытӥськомы: Удмуртилэн кунлыкезлы
100 ар тырмонлы сӥзьыса, «Удмурт дунне» газетлэн
редакциез но «Удмурт Кенеш» огазеяськон
радъяло «Вордскем шаер» вожвылъяськон. Витиськом
Удмуртилэн историезлы, дано удмуртъёслы:
югдытӥсьёслы, элькунмес кылдытонэ пыриськисьёслы,
шаермылэн историяз адӟымон пытьы
кельтӥсьёслы — кылбуръёстэс, кырӟанъёстэс.

№30 (25840)
2020-тӥ ар 6-тӥ гудырикошкон 17
Эшлыко кусыпъёс
Мар сярысь сипыртэ мулла
бигер нунылэн пеляз?
Дилия Харисова —
Ижысь бигер егитъёс
пӧлын одӥгез тужгес
адӟем карымонэз. Со
сьӧраз уно егитъёсты
кыске — бигеръёсты
гинэ уг, мукет выжыысь
луисьёссэ но. Кемалась
ӧвӧл кивалтыны кутскиз
«Иман» огазеяськонэн.
Сюрес усьтӥз
«Татар кызы»
Дилия быдэ вуиз Татарстанысь
Огырчи ёросын.
Школазэ йылпумъяса, дышетсконзэ
азин тӥз Казаньысь
культурая кун институтын.
Собере вуиз Иже.
— Нырысь малпасько вал:
шонер-а лэсьтӥ Казаньысь
кошкыса, — вера Дилия. — Но
вакчи дыр куспын валай: ӧй
янгыша. Зэмзэ верано ке, Иж
мон понна мурт город ӧй вал.
Удмуртилэн шоркараз вордскемын
мынам анае, соин ик
татчы ӵем вуы лӥмы. Татын
тодмоосы ӧжыт ӧй вал.
Ижысь калыкъёслэн эшъяськон
юртазы ужась методистлы
кылем арын ӵектӥзы
«Татар кызы» («Татар нылаш»)
вожвылъяськонэ пыриськыны.
Озьы Дилиялэн
улонэз пӧзьыны кутскиз.
— Конкурс азьын уно репетициос
ортчылӥзы, пӧртэм
мастер-классъёс радъяськылӥзы:
милемыз дышетӥзы
чебер ветлыны, малпанъёсмес
валамон вераны, эскеризы
бигер кылэз тодэммес,
— тодаз вае Дилия. — Собере
— финал. Вормыны капчи ӧй
вал: вань финалисткаос туж
кужмоесь сюризы.
Но Д. Харисоваез жюри
висъяз — тужгес адӟем карымон
бигер нылашен лыдъяз.
— Одӥгаз конкурсын возьматоно
вал бигеръёслэсь
вашкала сям-йылолъёссэс, —
тодаз вае нылаш. — Мынам
героиняе учкыса туж ненег
ад ӟись ке вал, нош пуш ласянь
— туж кужмо. Тодмо ук: вашкала
бигер нылмуртъёс воргоронъёсын
ӵош ас калыксэс
утён понна киосазы мечен но
ож мась кы лӥ зы.
Д. Харисовалэн быгатонлыкъёсыз,
пуш кужымез
вожвылъяськон дыръя юн
шӧдӥськизы. Юнметэк-а
кема ик дыр ӧз ортчы, солы
«Иманэз» оскизы.
— Бен, бигер нылъёс понна
«Татар кызы» аспӧртэм
Бигер нылъёс чебересь, дӥсьтӥсесь. Шорысез — Д. Харисова.
трамплин выллем луэ, — шуэ
Дилия. — Туэ понна вожвылъяськон
кылем арня нуналэ,
2-тӥ августэ, ортчиз. Отчы
пыриськисьёсты мон туж чакласа
улӥ, ваньзы синмаськымонэсь
потӥзы. Малпасько,
соос одно огазеяськонмылэн
радъёсаз вуозы.
Мылкыдзы
усьтэмын
«Иман» кылдэм дырысен
25 ар тырмиз ни. Та дыр куспын
уно малпанъёс улонэ
пыӵатэмын. «Татар кызы»
соос пӧлысь одӥгез гинэ луэ.
Кылсярысь, бигер егитъёс
арлы быдэ люкаськыло слётэ
— 3-4 нуналлы пото возь
вылэ. Отын пӧртэм бигер
конкурсъёс, шудонъёс ортчо,
бигер сиёнъёсты пӧрало, бигер
кылын верасько.
— Одно бигеръёсты гинэ
пӧламы ум кутӥське, — вера
Дилия Харисова. — Милям
мылкыдмы усьтэмын ваньзылы,
кин тунсыкъяське бигер
культураен, сям-йылолъёсын.
Мукет ужрадъёсамы но озьы
ик. Нош соос милям ӧжыт
ӧвӧл. Кылсярысь, «Чак-чак
бәйрәм» («Чак-чак праздник»)
котьку уно калыкез
люка. Конкурсын вожвылъясько
бигер калык сиёнэз —
чак-чакез — пӧрасьёс. Котькудзылэн
асьсэлэн рецептсы.
Но котькудзылэсь пӧрамзэс,
чиньыостэ нюлыса, сиёд.
Арлы быдэ ик кырӟанывераны
усто егитъёс пӧлын
«Алтын Яшьләр» («Золотая
молодёжь») вожвылъяськон
радъяське. Творчествоен вырись
нылпиос понна ужалля
нимысьтыз лагерь, тужгес
чырткем егитъёс люкаськыло
активлэн школаяз но трос
мукет.
— Ваньмыз со чакламын
бигер кылмес, сямйылолъёсмес
утён понна,
— пусъе Д. Харисова. — Филиалъёсмы
ужало Можга,
Сарапул, Вотка городъёсын.
Тросэз ужрадъёсмы отысь
егитъёсын уртче ортчыло.
Пӧртэм ужрадъёсы — слётъёсы,
вожвылъяськонъёсы —
потаськом Казане но. Ми сярысь
отын умой тодо, пӧртэм
таукаронъёсын, грамотаосын
сӥлы каро.
«Иманлэн» кивалтӥсез
верамъя, городысь бигер пиналъёс
тросэз валало анай
кылзэс. Зэм, вераськыны
ваньзы уг быгато ни. Но
бадӟым уж лэсьто Ижысь бигер
нылпиослы гимназия но
нылпи сад. Д. Харисова уг
ваты: Иже лыктыкуз, малпаз
вал, татын удмурт кыл гинэ
котькытын чузъяське, удмурт
культуралы гинэ нимысьтыз
саклык висъяське шуыса. Но
чик озьы вылымтэ, пе. Ижын
котькуд калыкез гажало,
котькудӥзлы саклык, шуныт
тырме. Таин ик дуно луэ Удмурт
шаер.
Никахлэн чеберез
Городэ вуыса, Дилия уг вунэты
вордскем палъёссэ — вис
шеде ке, одно дыртэ Огырчи
ёросысь Крынды гуртаз. Отын
омыр ик мукет — чылкыт, инбам
— сайкыт. Отын улэ но
ужа ог-огезлы котьку юрттыны
дась луись калык.
— Семья кыӵе ке мугъя
куно люканы дасяське ке,
гуртоос одно юрттӥсько:
одӥгъёсыз балиш пыжо, мукетъёсыз
чак-чак пӧрало,
куинетӥосыз салатъёс лэсьто,
— шуэ Дилия. — Шулдыръясько
но озьы ик быдэс гуртэн.
Уката чебер праздниклы
пӧрме никах — мусульман
Вакчияк
Басьтэмын Д. Харисовалэн «ВКонтакте» бамысьтыз
сюан. Бигер пи но нылмурт
семья кылдытыку, соослы
нимысьтыз молитва лыдӟе
мулла. Эмеспилэн йыраз
одно тюбетейка понэмын,
кен нимысьтыз мусульман
дӥсен пӧрмемын луэ. Та сям
загсын гожтӥськон нуналлэсь
бадӟымгес праздникен
лыдъяське. Эмеспи вуоно
кузпалэзлы одно чеберъяськон
арбери кузьманы
кулэ, зарнилэсь ке — уката
умой. Тодмо ук: бигер нылкышноос
вашкала дыръёсысен
чебер дӥсяськыны
ярато. Эшшо никах котьку
радъяськылӥз кенлэн вордскем
корказ. Бен, али кудогез
сое мечетьын я кафеын
ортчытэ ни.
— Бигеръёслэн мукетыз
чебер праздниксы — нуны
сюан, — азинтэ веранзэ Дилия.
— Вордскемез бере ик
пиналэз калык пӧлы уг потто.
Собере, трос куноосты люкаса,
одно ортчыто бадӟым
шулдыръяськон. Нунылы
ним быръё анай-атаез. Со
нимез пиналлы пеляз сипыртэ
мулла.
Дилиялэн аслаз семьяез
ӧвӧл на. Но со али ик тодэ:
бызьыкуз, нылпиосыз вордскыку,
одно чаклалоз вашкалаоссылэсь
сям-йылолъёссэс.
Со мултэс уз луы, пе. Нош
анай кылзэ, бигер культураез
гажан-яратон мылкыд солы
пыӵамын вор дӥсь кыкуз ик.
Уртче — вашкала дауръёсысен
Шаерамы улӥсь пӧртэм калыкъёс пӧлын бигеръёс лыдзыя
3-тӥ интыын луо, 99 сюрс пала лыдъясько.
Удмуртъёс но бигеръёс вашкала дыръёсысен артэ уло —
соос лэн ӧжыт ӧвӧл асэстэм кылъёссы, вань ог-огзылы матын
луись сям-йылолъёссы. Нырысетӥосыз бигеръёс удмурт музъемъёс
вылэ вуиллям Казанской ханство вакытъёсы — соку
лыктӥсьёсыз интыяськылӥзы уйпалась удмурт музъемъёс
вылэ. Нош берло ини та выжыысь калыкъёс вуизы лымшор удмуртъёс
пала.
Нациосын ужан политикая министерстволэн лыдпусъёсызъя,
уката трос бигеръёс, ог 85 процентэз, уло республикаысьтымы городъёсын
— Ижын, Сарапулын, Можгалан но мукетъёсаз. Лыдзы
шӧдскымон куд-ог ёросъёсын но, кылсярысь, Юкаменск, Балезино,
Камбарка, Кизнер палъёсын.
Кылем даурысь 80-тӥ-90-тӥ аръёсы бигеръёс уката юн
басьтӥськизы калык культуразэс, сям-йылолъёссэс, кылзэс
утён борды. Соку кылдытэмын вал огазеяськонъёссы — Удмуртиысь
бигеръёслэн центрзы (1991-тӥ ар), Бигер егитъёслэн
«Иман» огазеяськонзы (1994-тӥ ар) но Удмуртиысь бигеръёслэн
национально-культурной автономизы (2004-тӥ ар). Бигер
гуртъёсын берло дыре пуктӥсько мечетьёс, Ижын соборной
мечеть усьтӥськиз 1996-тӥ арын.
1998-тӥ арын Ижын усьтэмын бигер гимназия. Пото бигер
кылын газетъёс, нуисько теле- но радиопередачаос.
_________________________________
Бамез дасяз Элина КУМАЧЁВА

№30 (25840)
18 2020-тӥ ар 6-тӥ гудырикошкон
«Кубыз-фестиваль»
Вашкала инструментлэн туала улонэз
Пичи студие люкаськизы
пӧртэм артистъёс:
кин ке вашкала крезьгурез
улӟытэ, кин ке
аслэсьтыззэ малпа,
нош кин ке туалазэ
вашкалаеныз быгатыса
огазея... Ваньзэс бичаз
«Кубыз-фестиваль».
25-тӥ июле Ижысь «Артрезиденция»
но азьветлӥсь
Дарали Лели онлайн амалэн
ортчытӥзы «Кубыз-фестивалез».
Со сӥземын фольклорлы,
удмурт крезьгуро
инструментъёслы, туала
крезьгуран амалъёслы.
Тунсыко формат, уно камераос,
котькуд артистэз,
инструментэз матысен учкыны
пӧрмиз... Ужрадэз
ортчытӥсь команда вала,
мае кызьы кароно, учкисьлы
эфир тунсыко мед пӧрмоз
шуыса.
Фестивалез компьютерлэн
я телефонлэн экранэз
пыр учкиськод ке но, омыраз
копак выйиськод. Тунсыко,
крезьгур гожтон студия
куасьмем борщевикен чеберъямын,
артистъёс сикын
кырӟало кадь. Нош борддор
вылысь куэм кесэгъёс, Чудья
Женилэн «Удмурт рейв» сериысьтыз
суред, выж лёгетъёс
астэ дорын кадь шӧдыны
юртто. Сэргын ошемын кубыз,
туннэ со — тӧр шорын.
5 часъем эфирез мытӥз
«Айкай» театр. Кубыз шудэмъя
артистъёс эктӥзы: син
азе пуксиз лымшор удмуртъёслэн
парен эктонзы, тани
соос яратонэз ваче эктон
пыр возьмато.
Вашкала крезьгурлы
сӥзем люкетын кырӟазы
Удмурт театрысь актёр С. Антонов кубызэн шудэ.
но удмурт кылык инструментъёсын
шудӥзы Можга
ёросысь «Алача», Ижысь
«Азвесям» ансамбльёс, Антон
Васильев но Вероника
Фёдорова, Юлия Павлова,
Катерина Кенjали. Пӧртэм
крезьгуро инструментъёс,
огазе кариськыса, куара
сяна, кыӵе ке кужым кузьмазы.
Кылсярысь, «Азвесям»
ансамбльысь нылкышноос
огвакытэ шудо крезен, кубызэн,
узьыгумыен, дымбырен,
вылазы — удмурт дэремъёс.
Туж синмаськымон!
Анатолий Ишмуратовлэн
быдэс семьяез кубызэн
шудэ.
— Милям 4 кубызмы: аслам,
пиелэн, нылылэн, внучкаелэн,
— вераз Анатолий
Васильевич. — Атае но кубызэн
шудэ вал, та инструментэз
яратон мыным
солэсь ик паласькиз. Семьяеным,
балтач удмуртъёслэн
кырӟанъёссы вылэ пыкъяськыса,
асьмеос гуръёс
пӧрмытъяськомы.
«Кубыз-фестивальын»
Анатолий Васильевич пичи
внучкаеныз Виктория Новиковаен
шудӥз.
— Яратӥсько песятаеным
выступать карыны,
— шуиз Вика, — ачим флейтаен
шудӥсько, пӧртэм калыккуспо
ӵошатсконъёсы
пыриськылӥсько, трос вормонъёсы
вань ини.
Вашкала люкетэз ворсаз
фин-угор шаманъёслэн
оркестрзы. Отын шудӥзы
Туспуктӥз Антон ОБУХОВ
Кучыран Юри, Жон-Жон
Сандыр но Чудья Жени. Соослэн
крезьгурзы аспӧртэм,
дауръёслы берлань вуттэ ке
но, туала люкет азьын ӵапак
соослы сцена вылэ потоно
вал кадь, угось Чудья Жени
огшоры кубызэн ӧз шуды,
кияз электронной кубыз
кутӥз, ачиз ик сое лэсьтэм.
Озьыен, вашкала инструмент
улонзэ выль сямен
азьланьтэ.
Фестивальлэн туала люкетэз
огинэ бичаз тунсыко егит
артистъёсты, соосты удмурт
андеграунд шуыны луоз:
паськыт аудиторилы тодмоесь
ӧвӧл, сюлэмзылы матын
луись крезьгур шудо... Тросэз
соос пӧлысь егитъёслэн
«Юмок» театразы пырисько:
Туръялыс (Дарья Никитина),
Мария Даниц, shoozymade
(Денис Максимов), Евгения
Аркова, Пушнер (Анастасия
Рысаева), Светлана Зайцева,
Кирилл Кириллов...
Син шоры йӧтӥзы Kӧt Kubitz
группа, post-dukes проект.
Татын ик чузъяськизы удмурт
поп-хитъёслы каверъёс.
«Палас» группаысь нылъёс
Анастасия Рысаева но Мария
Бочкарёва ӵош дышетскизы
школаын но, культурая
колледжын но. Настя но
Маша экспериментъёслэсь
уг кышкало: кин Александр
Леонтьевлэсь «Ёк-коколёк»
кырӟанзэ джаз шӧмын быдэстоз
на?
— Александр милемлы
гожъяз, кавермы солы кельшем,
эшшо, пе, лэсьтэ на,
— вераз Мария Бочкарёва.
— Малпасько, тазьы «шузияськеммылы»
нокинлэн вожез
уз поты, кырӟан уродгес
уг луы ук.
Фестиваль ӵоже Александра
Ижболдина суредаськыса
пукиз, пӧрмем ужезлэсь
стильзэ «кубызм» нимаз.
— Крезьгурез кылзӥськыса,
син азе пӧртэм образъёс
пуксё, — вераз суредась,
— полотноысь пусъёс, символъёс
пыр 2 кышномуртэз,
кубызлэсь туссэ адӟыны луэ.
Туала югдурен сэрен онлайн
фестивальёс, концертъёс
акыльтыны вуизы ни
ке но, рос-прос радъям удмурт
ужрад уггес тырмы вал.
«Кубыз-фестиваль» югдурез
тупатӥз. Эфирез 11 сюрслэсь
трос адями учкиз. Сомында
калык люкаськысал
меда улэпкын фестивалез
учкыны?
«Тангыра» фестиваль
Машина зорлэсь гинэ уз утьы
Бадӟым вис бере анай
кылынызы кырӟасьёс
нош ик сцена вылэ
потозы. 8-тӥ августэ
Ижын 2-тӥзэ ортчоз
«Тангыра» фестиваль
(6+).
Туала этнокультуралы
сӥзем фестивале пыриськозы
пӧртэм улосвылъёсысь
крезьгуро группаос: «ЯлАр»
(Чувашия), Argymak (Башкирия),
«У ЕН» (Марий Эл),
Mordens (Мордовия), «Шай-
Май» (Пермь), Gauga (Татарстан).
— «ЯлАр» но Argymak
кылем аре фестивалямы
пыриськизы ни, — вераз
Эшъяськон юртысь методист
Алина Чернова, — соос туж
шумпотӥзы, выльысь дорамы
лыктыны луонлык вань
шуыса.
Удмурт кылзӥсьёсты шулдыртозы
асьме коллективъёс
но кырӟасьёс. bobolenin рокгруппа
самоизоляция вакытэ
выль крезьгуро альбомез
бордын ужаз. Отчы оглом
12 выль кырӟан пыроз.
— «Тангыраын» ми быдэс
альбоммес возьматыны
ум быгатэ на, — вераз
группалэн азьветлӥсез Кирилл
Кириллов. — Но ӵапак
фестивальын куд-ог
кырӟанъёсмес нырысьсэ быдэстомы.
Коронавирусэн сэрен
кылдэм югдур артистъёсты
уг кышкаты: ог-огзылы матын
уз сылэ, антисептикъёс
луозы...
Учкисьёслы но сюлмаськыны
мугъёс ӧвӧл, угось таиз
фестиваль аспӧртэм амалэн
ортчоз. Кунгож сьӧрысь киноосысь
трос пол адӟылэммы
вань, кызьы егитъёс, машинаысьтызы
потатэк,
юри дасям бадӟым экран
вылысь пӧртэм фильмъёсты
учко. Таӵе амал drivein
(драйв-ин) нимаське.
«Тангыра» фестиваль ӵапак
озьы ортчоз. Таӵеез Удмуртиын
ноку ӧй вал на. «Талисман»
вуз карон центрлэн
парковкаяз оглом 350 машина
тэроз.
— Концертэз яра машинаын
ик учкыны, ми дасяськомы
ӟеч крезьгуро аппаратура,
2 бадӟым экран:
сцена вылысь концерт умой
кылӥськоз но, адӟиськоз
но, — вераз Алина Чернова.
— Нош машина зорлэсь
но утьыны быгатоз. Эктыны
мылкыд карисьёс машиназы
вӧзы султыны быгатозы.
Фестивале машинаен лыктон
азьын Эшъяськон юртлэн
сайтаз заявка кельтоно, соку
ини радъясьёс пыр-поч валэктозы,
кызьы парковкае
пыроно, интыяськоно.
«Тангыра» кутскоз 17 часын,
кыстӥськоз 22-озь. Вотэсын
меӵак эфирын фестивалез
учкыны уз луы, но
концерт бере видеоосты вотэсэ
одно ик интыялозы.
Озьы ик фестивальын
адӟытозы туала этномодаез.
Эшъяськон юртысь методист,
дизайнер Полина Кубиста
«Гербер Фэшн» вожвылъяськонэз
ортчытӥз вал.
Солы аспӧртэм йылпумъян
луоз ӵапак «Тангыра».
Вормисьёс модельёсынызы
видеоадӟытон дасялозы.
_________________________________
Бамез дасяз Мария ЕМЕЛЬЯНОВА

№30 (25840)
2020-тӥ ар 6-тӥ гудырикошкон 19
Историысь чуръёс
Коммунист
Н. Кириллов кузпалыныз но Михаил пиеныз.
1932-тӥ ар.
Кузпалыныз, вармуминыз но Всеволод но Герман пиосыныз.
1940-тӥ аръёслэн пумазы.
Евгений КИРИЛЛОВЛЭН архивысьтыз
Грак ёросысь Лолошур-
Возжи (Бадӟым Вожой)
гуртын кылем даурлэн
кутсконаз вордӥськем
Николай Кириллович
Кириллов бадӟым адями
луиз. 51 ар улытозяз,
трос лэсьтыны вуттӥз
калыкез дышетонын, ож
тӥрлык поттонын, гурт
удысэз ӝутонын.
Будон сюрес
Николай Кириллович Кириллов
мынам ӵужанаелэн
выныз луэ. Вордӥськиз со
1901-тӥ арын 2-тӥ январе Лолошур-Возжи
гуртын огшоры
крестьян семьяын. 3 нылъёс
но 2 пиос пӧлын кыкетӥез
нылпи вал. Сузэръёсыз, уноез
гурт нылъёс сямен ик,
грамотаез тодытэк кылизы.
Нош Николай, гуртысьтыз
церковно-приходской школаез
йылпумъяса, дышетскиз
Елабугаысь духовной
семинариын. 1918-тӥ арын
Елабугаын дышетӥсьёсты дасянъя
семинария усьтӥськиз,
сое кылдытӥз но бӧрысь
кивалтӥз югдытӥсь Трофим
Борисов. Отчы удмурт кылэз
тодӥсь егитъёсты кутылӥзы.
Семинарие шедён бадӟым данэн
лыдъяськылӥз. 1919-тӥ
арын семинариысь нырысетӥ
дышетскисьёс потӥзы, соос
пӧлын вал Николай Кириллов
но. Огкадь умой вераськиз удмурт,
ӟуч, бигер кылъёсын.
Ужаны кутскиз вордӥськем
гуртаз дышетӥсь луыса. Кузьма
Куликов историклэн «Трокай»
книгаяз гожтэм чуръёсъя
валамон луэ, Николай
Кириллов Трокай Борисовен
тодмо вал шуыса. Т. Борисов
доры пӧртэм ёросъёсысь
дышетӥсьёс бичаськылӥзы.
Николай Кириллович
1920-тӥ-1924-тӥ аръёсы Горд
армиын служба нуиз. Граждан
ожын вал, кылсярысь,
Украина, Белоруссия палан
ожмаськиз полякъёслэн армизылы
пумит. Армиын
дыръяз контузия басьтӥз,
пыдзэ сӧсыртӥз. Нялтас
1921-тӥ-1923-тӥ аръёсы Вы лӥ
политической школаын командиръёсты
дасянъя ёзэ тын
дышетскиз, отысь взводлэн
командирез луыса потӥз.
Собере егит красноармеец
дораз берытскиз. 1924-тӥ
арын сое Гракысь волисполкомлы
кивалтӥсе быръё, татын
со 4 ар ужа. Со вал секыт
аръёс: коммунаос но
сельхоз артельёс кылдытон,
кулакъёсты шараян, калыкез
грамоталы дышетон, кумышка
пӧзьтӥсьёсын нюръяськон
но трос мукет ужпумъёс
сярысь сюлмаськоно луиз
Н. Кирилловлы. Пиосмурт трос
гуртъёстӥ ветлӥз: калык пӧлын
валэктон уж нуиз, школаос,
лыдӟиськон юртъёс усьтылӥз.
Та сярысь коммунистъёслэн
кенешонъёсысьтызы протоколъёсъя
тодыны луэ. Кылсярысь,
1925-тӥ ар: Пановоысь
школа Лолошур-Возжие выжтэмын.
Отын пионеръёслэн
отрядзы кылдытэмын, кружокъёс
усьтэмын. 1928-тӥ ар:
Н. Кирилловез асьсэ коже
нянь дасясь адямиосын, кумышка
пӧзьтӥсьёсын нюръяськыны
куремын. Котловка
гуртысь Верёвкинлэсь судэн
талам пызьзэ начар улӥсь
адямиос пӧлын азьвыл дунъёсъя
вузаны косэмын.
1927-тӥ арын Н. Кириллов
ВКП(б)-лэн радъёсаз пыриз,
ужаз отын, кытчы сое партия
ыстӥз.
Аэроклуб но завод
1928-тӥ арын ик Николай
Кириллов Нылга ёросэ выже,
татын сое ронолы кивалтӥсе
пукто, берло татын ик музъем
ужпумъёсъя ёзэтэз валтэ.
Отӥяз 3 ар Яр ёросысь райисполкомен,
1 ар Якшур-
Бӧдьяысь педучилищеен,
1 ар УАССР-ысь Просвещениея
калык комиссариатысь
ёзэн кивалтэ. 1935-тӥ-1936-тӥ
аръ ёсы со тодон-валан люка
Ижысь гурт удысъя вылӥ коммунистической
школаын.
Ижын 1934-тӥ арын усьтэмын
вал аэроклуб. 1936-тӥ
арын солы кивалтӥсе пуктӥзы
Николай Кирилловез, та ужез
со 1939-тӥ арозь нуиз. Та
аръёсы Лолошур-Возжие нырысьсэ
пуксиз ПО-2 самолёт
— отын ачиз Н. Кириллов но
вал. Соку гуртысь кӧня ке пиосмуртъёслы
шуд усиз гуртсы
шоры вылӥысен учкыны.
1939-тӥ-1942-тӥ аръёсы
Н. Кириллов Ижысь андан
ӵыжатон заводысь огеныз
ёзэтэн кивалтӥз. Быдӟым ож
вакытэ завод трос лэсьтӥз ожмаськон
тӥрлык лэсьтон понна.
Отын поттэм детальёс ты
кутылӥзы самолёт, пушка,
пыӵал, танкъёслы пумит
тӥрлык лэсьтонын.
Визьмо
председатель
Быдӟым ож вакытэ уноез
колхоз председательёс фронтэ
келямын вал. 1942-тӥ арысен
Николай Кириллович
улонзэ, быгатонлыксэ гурт
удысэз ӝутонлы сӥзиз — та
понна Ужысь Горд Знамя орденэн
пусъемын. Нырысь сое
председателе пуктӥзы Дэри
ёросысь Азин нимо колхозлы,
ар ортчыса, со Пыӵанка
гуртысь «Общественник» хозяйствое
вуиз. 1950-тӥ аръёсы
7 ар кивалтӥз Дэриысь «Красный
труд» колхозэн. Николай
Кирилловичлы гурт удысэз
азинтоно луиз странамылэн
секыт вакытаз. Протоколъёсысь
валаны луэ, со вакытъёсы
уно пудо бырылӥз, висьылӥз
шуыса. Кылсярысь, огаз документын
верамын, 1944-тӥ
арын 3 толэзь ӵоже хозяйствоын
21 вал кулӥз шуыса.
Н. Кирилловлэсь колхозъёсты
ӝутон понна лулысь-сюлмысь
тыршемзэ тодыны луэ
Дэри ёрослэн историез сярысь
гожтэм книгаосысь. Тужгес
пусйысал Дэри ёросысь шаерчиез
Римма Мироноваез.
«Помню всех поименно» книгаяз
со Николай Кириллович
сярысь туж шуныт гожтэм:
«Николай Кириллович колхозникъёсты
ӟеч валалляз,
котькудӥныз огкыл шедьтыны
быгатылӥз. Быдӟым ож
вакытэ атайзэс, пизэс ыштэм
семьяос доры нырысь ик
со вуылӥз, буйгатӥсь кылъёс
шедьтыны быгатылӥз. Ож
бере сюлмаськиз куашкам
хозяйствоез ӝутон понна:
фермаосты выльдӥз, Гурт
удысъя министерствоысь
специалистъёсын, Ижысь пединститутысь
биологъёсын
кусып тупатӥз». Со книгае
ик пыртэмын Степанида Чащиналэн
Николай Кирилловичен
пумиськемез сярысь
тодэ ваёнъёсыз: «Нюлэскын
ми, колхозникъёс, пытсэт
сьӧры сюремъёсын ӵош ужамы,
но соосыз ужамзылэсь
трос косъяськылӥзы. Кышноослы
юрттӥсе 14-15 аресъем
пияшъёсты сётъяллязы, но
соос секыт ужез быдэсъяны
уггес вормо на вал. Одно ик
норма быдэстоно вал. Сюресъёс
уродэсь, валъёс лябесь.
Огпол, трос лымы усемен,
мон нормаме быдэстыны
ӧй вормы. Малпасько вал
ини, таин йырин монэ пытсэт
сьӧры келялозы шуыса. Со нуналэ
дорамы вуиз колхозлэн
кивалтӥсез Николай Кириллов.
Со быгатӥз вераськыны
нормаосты кулэстон сярысь».
Николай Кириллович,
секыт висьыны кутскыса,
1952-тӥ арын улонысь кошкиз.
Кузпалыныз соос 3 пиоссэс
будэтӥзы, 2-ез соос пӧлысь
егит вакытазы улонысь кошкизы.
Михаил пизы ужаз
ВЛКСМ-лэн Алнашысь райкомезлэн
нырысетӥ секретарез
луыса, тыршиз Дэри ёросысь
райкомын, вал «Советской
Удмуртилэн» собкорез, Шаркан
ёросысь «Объединение»
хозяйстволэн кивалтӥсез,
Ижысь автозаводын парторг.
________
Галина БАХТИНА.
Грак ёросысь
Лолошур-Возжи гурт
Гажано лыдӟисьёс,
кин Николай Кирилловез
тодэ на, ӵош ужамын,
учыръёссэ вераны быгатэ,
вазиське «Удмурт дуннелэн»
редакцияз.

№30 (25840)
20 2020-тӥ ар 6-тӥ гудырикошкон
Визь сынан
Лулчеберет
Визь сынанлэн выль юанъёсыз кисьмазы. Таяз радэ соос азьланьто
азьвыл номерысь юанъёсты. Театръёс сяна, шаерамы
кылдӥзы мукет шутэтскон, калыкез югдытон интыос, ортчизы
историе кылем ужрадъёс.
1. 1895-тӥ арын Ижкарын сое возьматон но учкон понна туала Бородин но М.
Горький нимо ульчаослэн сэргазы пуктӥзы юрт. Тодэ ваёнъёсъя, учкисьёслы
туж яра вал кышномуртъёс пӧлын француз нюръяськонъя чемпионат. Граждан
ож вакытэ со юрт ӝуаз, но НЭП дыръя Сенной базарын пуктӥзы выльзэ
— КОЛАРТ нимын (фотоын). Татчы вуылӥзы тодмо кизилиос — Иван Поддубный,
Эмиль Кио, Виталий Лазаренко. Мар со юртын интыяськемын вал?
4. 1932-тӥ арын Василий Бутаев
дикторлэн «Кылзэлэ, кылзэлэ!
Вераське Ижкар!» кылъёсыныз
усьтӥськиз ивор вӧлмытӥсь но
калыкез югдытӥсь выль ёзэт —
радио. 1940-тӥ арын, Ижысь
пединститутын 2-тӥ курсын дышетскыкуз,
отын ужаны кутскиз
та кылбурчи. Война дыръя Совинформбюролэсь
сводкаоссэ удмурт
кылын лыдӟемез понна сое нимазы
«удмурт Левитан». Кино со?
2. Туспуктэмын — Ижысь
лютеранской кирха (сылӥз
Советской ульчаын, К. Маркс
но Красная урамъёс вискын).
1920-тӥ арын солэн юртаз
пӧртэм арбериосты бичась
но утись огазеяськон интыямын
вал. Та огазеяськонэз
выжтылӥзы Александр Невскийлэн
черказ но Михайловской
соборлэн юртъёсазы.
1970-тӥ арын гинэ солы
сётӥзы али юртсэ. Кытын со
интыяськемын?
3. Таӵеез вал нырысетӥзэ: удмуртъёслэн улонвылонзы
но сям-йылолъёссы — вӧсяськон, шайтанэз
уллян, выль кенлэн дӥсяськемез, котырак
султыса эктон-берган — кылизы «улэп суредъёс»
вылэ. Со сяна, отчы пыризы НЭП вакытэ гуртлэн
улонэз, кооперативлэн но купечлэн нюръяськонзы,
кык нылъёслэн одӥг пияш понна вожмаськонзы.
Со пумысен ик солы сыӵе ним сётӥзы.
Мар со но кызьы солэн нимыз?
Театр
5. 1940-тӥ арын 30-тӥ оштолэзе та юртын усьтӥськиз быдэс
дуннелы тодмо адямилэн музеез. Нырысетӥ экспонатъёсты
вайизы Клин городысь музейысь, пӧлазы тужгес дуноез вал
«Wirth» рояль. Музейлэн 1-тӥ директорез, скульптор Михаил
Тутынин, нырысетӥосыз пӧлын кылдытӥз со адямилэсь
бюстъёссэ но скульптураоссэ (огзэ пуктӥзы музей вадьсы).
Кинлэн со музеез?
________
Валэктонъёсты келяно udmdunne@yandex.ru
электрон почтае яке 73-33-42, 8-951-195-37-65 телефон
пыр. Шӧртчиезлы — кузьым.
Газетлэн 25-тӥ номераз
потэм «Театр» визь
сынанлэн юанъёсызлы
валэктонъёс:
1. Удмуртиысь нырысетӥ театр
усьтӥськиз Сарапулын.
2. Л. Толстойлэсь пьесазэ
ӟуч кылысь берыктӥз но
удмурт кылын нырысетӥ
спектакль пуктӥз дышетӥсь
Анисия Николаевна
Урасинова (Волкова).
3. 1931-тӥ арын «Вало
ӧр куашетэ» пьесаен
усьтӥськиз Удмурт театр.
Фотое пуксемын паллянысен
буре: УАССР-ысь
дано артист В. Волков,
РСФСР-ысь калык артист,
УАССР-ысь искусствоосъя
дано ужась К. Ложкин
(пьесалэн режиссёрез),
УАССР-ысь калык артистка
К. Гаврилова,
РСФСР-ысь но УАССР-ысь
искусствоосъя дано ужась
И. Гаврилов (пьесалэн авторез),
УАССР-ысь калык
артист Г. Овечкин.
4. 1935-тӥ арын усьтӥськем
Ӟуч драмая театр али интыяськемын
Ижмаш ДКлэн
юртаз. Солы матын
сыло Александр Невскийлэн
соборез, Удмурт театр,
Горький нимо Гужем сад,
Оружейникъёслэн синпелетсы,
«Ижмаш» музей.
5. Илья Ходырев ужаз 1935-
тӥ арын усьтӥськем Мунё
театрын.
Таяз радэ вормись ӧз
воштӥськы. Ува ёросысь Чекан
черкогуртысь Ольга Верняева
нош ик, ваньзэсты азьпалтыса,
шонер валэктонъёсты
келяз. Ӟечкыласьком сое! Кузьымез
возьма редакциын.
Озьы ик визь сынанэ мыло-кыдо
пыриськизы Кияса
ёросысь Вуж Салья гуртысь
Алевтина Степанова, Грак
черкогуртысь Альбина Тарасова,
Дэри ёросысь Пероггуртысь
Борис Боталов, Дэбес
ёросысь Улӥ Шудӟалудысь
Любовь Чиркова, Кез ёросысь
Малый Полом гуртысь Фаина
Жигалова, Алнаш ёросысь
Шор Утчан гуртысь Наталья
Медведева. Соослы тау кариськом
йырзэс тӥямзы понна.
«Гердэ» юанъёсын, дэмланъёсын вазиськоно
73-33-42 телефон номеръя.
Материалъёстэс ыстэлэ, «Гердэ» шуыса,
электрон почтае udmdunne@yandex.ru.