ingozh №10

Литературалы
сӥзем газет
№36 (25897)
2021-тӥ ар 16-тӥ куарусён 13
Иворъёс
Усто книгаос
Россиысь книга
поттӥсьёслэн ассоциацизы
«Арлэн
усто книгаосыз —
2020» конкурслы
йылпумъянъёс
лэсьтӥз. Вормисьёс
пӧлы пыриз «Удмуртия»
издательство
но.
«Читай, Ижевск!» фестиваль
Йыр ужа, сюлэм вырӟе
Та конкурсэ Россиысь
46 улосъёсысь 89
издательствоос пыриськизы.
Дунъясьёс учкизы
1 сюрс пала турлы
изданиосты. Озьы 50
усто книга пӧлы сюриз
«Удмуртия» издательствоын
печатлам 2
бичет — «Возрождённые
ремёсла рода Тукля»
но «Удмурты. На земле
древних алангасаров».
Нырысетӥ книгалэн
авторез — кибашлы,
Удмуртиысь культура
удысысь дано ужась
Геннадий Сидоров.
«Возрождённые ремёсла
рода Тукля» бичет
вера Ува ёросысь Узей-
Тукля гуртысь киужъёсъя
юртлэн 25 ар ӵоже
ужамез-вормонъёсыз
сярысь. «Удмурты. На
земле древних алангасаров»
книгалэн авторез
— «Удмуртия» издательствоысь
валтӥсь
редактор Георгий
Грязев. Книга удмурт
но ӟуч кылъёсын вера,
алангасаръёс бордысен
кутскыса, удмуртъёслэн
историзы, туала фестивальёс
но пӧртэм выжы
калыкъёслэн эшъяськонзы
сярысь.
Пичи дор
Россиысь гурт егитъёслэн
огазеяськонзы
«Мынам пичи доре»
конкурс ялӥз.
Вордӥськем палъёс
сярысь веросъёс,
сочинениос, очеркъёс
гожтыны быгато Россиын
улӥсь 14 аресысен
35 аресозь егитъёс.
Конкурс 5 ӧръя радъяське:
«Мынам гуртэлэн
историез», «Крестьян
выжыос», «Россиысь
калыкъёслэн сямйылолъёссы»,
«Будосъёсты
чаклан», «Вуоноысь
гурт». Ужъёсты келяно
31-тӥ коньывуонозь
конкурслэн сайтэз пыр.
Кыӵе луыны кулэ ужъёс
быдӟалазыя но пуштроссыя,
та сярысь пырпочгес
тододы, rssm.su
сайтэз усьтыса.
Ӟеч книга пичизэ но, бадӟымзэ но пушказ выйытэ.
Кемалась ик ӧвӧл Ижын
ортчиз 9-тӥез «Читай,
Ижевск!» фестиваль. Туэ
со сӥземын вал наукалэн
но технологиослэн
арзылы но адямилэн
инсьӧре нырысьсэ
лобӟемез дырысен 60 ар
тырмонлы.
Куазь зоремен, фестиваль
Шор площадьын ӧз ортчы,
книгалы сӥзем праздник
вамыштӥз Удмуртиысь
филармонилэн липет улаз.
Татчы люкаськизы шаерысьтымы
лыдӟиськисьёс,
писательёс, палэнысь вуэм
куноос, книга вузасьёс. Таосыз
котькинлэсь трос вал
— фестивале вуизы 36 издательствоос.
Сомында пӧртэм книгаосты
адӟыса, синъёс палёмизы.
Тужгес но яркыт стендзы,
узыр ӝӧксы вал Москваысь
«Априори-Пресс», «Этерна»
но «Пресс-Меню» издательствоослэн.
Нырысь ик мынам
син шорам йӧтӥз Рим сярысь
бадӟым книга. Сое усьтыса,
музее вуылэм, Рим ульчаостӥ
поръям, вашкала омырен
шокам кадь луоно. Чебер издание
15 килограмм кыске
но 7 сюрс манет сылэ! Валамон
ини, кылдэ юан: таӵе
книгаосты басьтӥсь вань-а?
— Басьтӥсьёс вань. Со огшоры
книга ӧвӧл ук, — шуэ
«Пресс-Меню» издательстволэн
коммерцияя кивалтӥсез
Алексей Колесников. — Асьтэос
адӟиськоды, кагазэз,
вылбамез кыӵе. Собере, таӵе
ярмаркаосын книгаосты ми
асдуныныз сямен вузаськом,
лавкаын со 15 сюрслэсь ичи уз
сылы. Таӵе чебер, ӟеч изданиосты
ӵемысь кузьымлы окто.
Мон «Читай, Ижевск!» фестивале
кыкетӥзэ лыктӥ ини.
Туэ ми 500-лэсь уно книгаос
вайимы. Ижын лыдӟиськись
калык улэ. Удмуртиысь адямиослэн
учкемзы визьмо.
Москваысь ярмаркаосы лыктэм
адямиослэн синъёсазы
учкыса ик валаськод: соослэн
нырысь интыын уксё. Лул сярысь
малпаськон, сое пушйытон
Москваысь но Питерысь
пегӟемын ни кадь. Бадӟым городъёсын
ӧжытгес но ӧжытгес
лыдӟисько. Мон тодӥсько, мар
сярысь верасько, малы ке шуоно
30 ар книга поттон-вузан
удысын тыршисько ни.
— Нош мар тӥ ӵектысалды
лыдӟыны мыным, огшоры
нылкышнолы, кудӥзлэн кисыяз
ӧвӧл 7 сюрсэз 1 книгалы?
— Лыдӟе поэзиез —
М. Цве таеваез, А. Ахматоваез,
соосты уд ӵошаты дунтэм
нылкышно романъёсын.
Мон уг шуиськы, нылкышно
романъёсты лыдӟон нокыӵе
пайда уг вайы. Кельше бере,
мед лыдӟозы яратон сярысь
романъёсты но. Но лулэз
вырӟытыны, малпаськыны
ӧтьыны кулэ ӟеч литература.
Одӥгез эше, со тодмо писатель,
кызьы ке шуиз: вань
адямиосты 3-лы люкыны
луэ: кин лыдӟиське, кин уг
лыдӟиськы, но кин лыдӟе
детективъёсты. Берлозэ «уг
лыдӟиськы» шуыны но ым уг
пыры, лыдӟиськисьёс радэ но
пыртыны уг луы кадь.
— Малы эшты сокем уньмань
кариз меда детектив
лыдӟисьёсты?
— Мон шуисько ке но,
лыдӟиськон шумпоттыны
кулэ шуыса, книгалэн валтӥсь
ужпумез — йырез ужатыны,
сюлэмез вырӟытыны.
Нош детективез лыдӟид но
вунэтӥд, пайдазэ солэсь уг
адӟиськы.
— Маин висъяське Москваысь
но Ижысь лыдӟись?
— Валамон ини, Москваын
коньдоногес адямиос уло.
Соос таӵе ужрадъёсы вуо …
но уг тодо, мар басьтыны,
уксёзы вань ке но. Кин ке
шуоз, со-о-омында книгаос
пото, соин ик адямилэн синмыз
палёме, мае бырйыны уг
вала. Ужпум со бордын ӧвӧл.
Туала калык, булкаен-вӧй ласянь
ӟечгес улыны кутскиз,
но пуш дуннеезъя лазегомиз.
Ижысь калык мыным кельше.
Татын лыкто но юало:
сыӵе авторды вань-а, таӵе
книга вайиды-а? Тодо: мар
лыдӟемзы потэ, кыӵе выль
книгаос туэ потэмын, — шуэ
Алексей Колесников.
________
Галина СЕМЁНОВА
«Читай, Ижевск—2021» огинлэн «ВКонтакте» бамысьтыз

№36 (25897)
14 2021-тӥ ар 16-тӥ куарусён
«Читай, Ижевск!» фестиваль
Физик но лирик
Юрий Нечипоренко: нылпи писатель котькинлэсь умой гожъяськыны кулэ
«Читай, Ижевск!» фестивале
Юрий Нечипоренко
вуылӥз. Дышетскемезъя
со биофизик, физикаматематика
наукаосъя
доктор, ДНК-лы сӥзем
статьяосыз трос. Но
эшшо но уногес чеберлыко
произведениосыз
но критикалы сӥзем
ужъёсыз.
Россиез ӟыгыртӥсь
писательёс кошко
Вераны кулэ, научной статьяоссэ
автор гожтэ аслаз
зэмос фамилиеныз — Нечипуренко,
нош веросъёссэ гожтыкуз,
Нечипоренко луэ.
Ижын пумиськонзэ Москваысь
куно лыдӟиськон бордысен
ик кутскиз. «Смеяться
и свистеть» книгаысьтыз
«Шпак» (украин кылын «шырчик»
шуэмез возьматэ) вакчи
вероссэ шара лыдӟиз.
— Россиын умой писательёс
трос, но соосты уг тодо.
Соосты уг возьмато телевизор
пыр. Соин ик мон малпай Москваын
нылпи литературалы
сӥзем фестиваль ортчытъяны.
Со тӥляд «ЧИЖ»-дылэсь
1 ареслы гинэ егитгес. Отчы,
Москваысь Юрий Нечипоренко веросъёссэ шара лыдӟиз.
лыдӟисьёсты но писательёсты
сяна, ӧтиськомы библиотекарьёсты
но дышетӥсьёсты.
Нылпи литератураын югдур
али сокем умой ӧвӧл. Ӟеч писательёс
трос, но тиражъёс ичиесь.
Тодмо нылпи писательёс
улонысь кошко. Кылсярысь,
кылем арын кошкизы Валерий
Шульжик, со малпаз вал
Ижысь Некрасов нимо библиотекалэн кивалтӥсезлэн воштӥсез,
«Читай, Ижевск!» фестивалез радъясь
Наталья Краснопёрова:
________
— Юрий Нечипоренко кадь адямиез весь кылзэм потэ. Со соку
ик соглаш луиз Иже лыктыны, 2015-тӥ арын ӵапак асьме дорын
потӥз вал одӥгез монографиез. Паймытэ физиклэн-писательлэн
валантэм арбериосты но туж огшоры но тунсыко
мадьыны быгатэмез. Эшшо со котькытчы ветлэ шуланэн.
Лыдӟисьёсын пумиськонын но со сюлмысьтыз ик шулаз.
Фунтикез, Владислав Крапивин
— «Мальчик со шпагой»
романлэн авторез. Солэсь азьло
люкиським Эдуард Успенскиен,
Чебурашкалэн «атаеныз».
Кошко асьсэ творчествоенызы
быдэс Россиез ӟыгыртӥсь
писательёс. Умой книгаосты
утён понна асьмелы валче
тыршоно — писательёслы, издательствоослы,
дышетӥсьёслы
но библиотекарьёслы.
Пичи
городэ вуиськод
но ӵемысь
адӟиськод: библиотекаысь
ӝажыосын
— погмаськем
классика
яке туала валантэм
литература,
нош умой нылпи
Туспуктӥз Галина СЕМЁНОВА
книгаос ӧвӧл. Ӝож. Ми асьме
кужымен, нылпи писательёслэн
«Чёрная курица» клубенызы,
Интернетын поттӥськом
«Пампасы» журнал. Пыралэ,
лыдӟе. Умоез сярысь верано
ке, али усто ужало пичи издательствоос.
Соос ӟеч бичетъёс
поттало. Кылсярысь,
«Настя и Никита» книгапоттонни,
алигес со печатлаз «Ломоносов.
Рыбак-академик»
книгамес. Ми сое Алина Дальскаяен
ӵош дасям. Озьы ик
мон вайи «Август» издательствоен
поттэм А. Пушкинлы
сӥзем «Плыви, силач!» книгаме.
«Арт-Волхонка» издательство
культуралы, искусстволы
сӥзем чебересь книгаос поттэ,
— шуэ Юрий Нечипоренко.
«Кураськись»
Гоголь
Юрий Нечипоренко пырпоч
эскериз А. Пушкинлэсь,
Н. Гогольлэсь, М. Ломоносовлэсь
улон-ужан сюресъёссэс.
Тужгес но зол со синмаськемын
Н. Гогольлы.
— Мон ДНК но Н. Гоголь
котыртӥ ялан бергасько.
Мон понна та писатель —
праздник кадь. Кытын со
вордӥськиз? Туала Украинаысь
Великие Сорочинцы
черкогуртын, отын ӵем
ортчыло вал ярмаркаос.
Маин выризы писательлэн
анай-атаез? Соослэн асьсэлэн
вал пичи театрзы. Атаез
пьесаос гожъяз, анаез
сцена вылын шудӥз. Н. Гоголь
будӥз творчество, выжыкыл,
ярмарка дуннеын.
А. Пушкинэн пумиськыкуз,
Гогольлы вал 21 арес,
Пушкинлы — 31. Но соос туж
матысь но зэмос эшъёс луизы.
Николай Васильевичлэн
ӧй вал ӟеч образованиез,
йӧно калык пӧлын ассэ
кызьы возьыны ӵемысь ӧз
валалля. Но Александр Сергеевич
шӧдӥз солэсь бадӟым
талантсэ, ялан курылӥз рукописьёссэ,
кыӵе ке дэмланъёс
сётъяз. Тросэз уг но
тодо, дыр, кылсярысь, «Ревизор»
комедилы но «Мёртвые
души» произведениослы
сюжетъёс сётӥз ӵапак
А. Пушкин Н. Гоголь куремъя,
— шуэ Юрий Дмитриевич.
Пумиськон йылпумъяськон
азьын со произведенизэ
шара лыдӟиз. Бырйиз учебникъёсы
пырем «Три ведра»
вероссэ.
— Веросэ сӥземын мамаелы,
соин ик лыдӟеме
потэ. Книга адямиез йӧнатэ,
озьыен, лыдӟиське тросгес.
Лыдӟиськисьтэм мурт — палэсмурт
кадь, — мылкыдзэ
усьтӥз Ю. Нечипоренко.
Та тунсыко адямиен пумиськеме
бере лыдӟи солэсь
но Вера Толчинниковалэсь
«Ключи от головы» книгазэс
(6+) но «Ярмарочный мальчик»
бичетэз (6+). Нырысетӥез
нылпиослы тунсыко, валамон
но анай-атайёслы лыдӟымон
гожтэмын йырвиымлэн ужамез
сярысь. 2-тӥез книга кельшоз
школаын дышетскисьёслы.
Таиз сӥземын Н. Гоголь
писательлы. Сое лыдӟыса,
валаськод: Н. Гоголь — зэмос
гений. Гожъяськыны сяна, со
усто вуриськыны, маскаръяськыны,
пӧраськыны быгатэм.
Коркатуй
Лыдӟиськыны — Йӧскалык библиотекае
Туннэ, 16-тӥ куарусёнэ,
сӥё-дано усьтӥськиз
выльдэм Национальной
библиотека.
Шаерысьтымы Йӧскалык
библиотека ворсаськиз вал
2011-тӥ арын кышкытлыклэсь
куронъёслы тупамтэеныз
валче. Со 8 ар пала
шал-шал улӥз. Выльдӥськон
ужъёс рос-прос кутскизы
2019-тӥ арын. Нырысь чакламын
вал выльдэм юртэз
усьтыны 2020-тӥ арын. Но
секыт лэсьтӥськон ужъёс
коркатуез ӝегатӥзы. Табере
тупатъям библиотека
ӧсъёссэ усьтӥз ини ужасьёслы
но лыдӟисьёслы.
Татын быдэсак воштэмын
выж но вӧлдэт,
выльдэмын 2-тӥ этажысь
лыдӟиськон зал, пуктэмын
3 выль пагӟа но лифт, книга
ӝутъян тӥрлык, сӧсыр
адямиослы тубан-васькан
пандусъёс. Реставраторъёс
утизы лыдӟиськоннилэсь
вашкала тусбуйзэ. Будэ тӥзы
на «Удмурт Республикаысь
Национальной библиотека»
гожтэмен барельеф. Со
сяна, кылдӥз выль корпус,
отын 1,5 миллион экземпляр
книгаос утиськозы,
татын лыдӟиськон залъёс
но ужасьёслэн кабинетъёссы
интыяськемын. Вераны
кулэ, татын нимысьтыз
климат-контроль система
ужалоз, книгаосты утёз,
омырез тузонлэсь тазатоз.
Национальной библиотекалэн
усьтӥськемезлы
сӥзьыса, быдэс толэзь
ӵоже пӧртэм ужрадъёс
луозы. Дунтэк ортчылозы
экскурсиос, визь сынанъёс,
лекциос, мас терклассъёс,
адӟытонъёс,
концертъёс, кылсярысь, туннэ
выль конференц-залын
ортчиз Россиысь крезьгурчилэн,
писательлэн, искусствоведлэн
Михаил Казиниклэн
«Нош тӥ быгатӥськоды-а
лыдӟиськыны» онлайн-лекциез.
— Котькыӵе бадӟым искусство
(поэзия, крезьгур,
литература) — со
аспӧртэмлыко передатчик,
нош адями, кудӥз солэсь
тулкымъёссэ уг кылы —
тӥяськем приёмник, мон
сое тупатӥсько, — шуэ Михаил
Казиник.
Нош ӵуказе, 17-тӥ куарусёнэ,
мылкыд карисьёс
кылзыны быгатозы Удмуртиысь
филология наукаосъя
докторлэсь Наталья Кондратьевалэсь
«Пайдаё-а трос
кылъёсты тодыны» лекцизэ,
пумиськыны Москваысь
А. Райкин нимо «Сатирикон»
театрысь актёрен, режиссёрен
Яков Ломкинэн. 18-тӥ
куарусёнэ Иже вуоз Россиысь
калык артист Александр
Филиппенко, Национальной
библиотекаын со возьматоз
«У автора в плену» (12+) моноспектакльзэ.
Бамез дасяз Галина СЕМЁНОВА

№36 (25897)
2021-тӥ ар 16-тӥ куарусён 15
Писателен вераськон
Гуртъёсын трос шудтэм сюжетъёс
Роман Сенчин — романъёсыз сярысь
«Читай, Ижевск!» фестивальын
лыдӟисьёсын
пумиськылӥз, творчествоез
сярысь вераз, литератураен
герӟаськем
юанъёслы валэктон
сётӥз Россиысь тодмо
писатель, «Минус»,
«Нубук», «Елтышевы»,
«Информация», «Зона
затопления», «Дождь в
Париже» романъёслэн
авторзы Роман
СЕНЧИН.
— Роман, ку тӥ гожъяськон
борды кыс тӥськиды?
— Мон рос-прос гожъяськыны
кутски, Литературной
институтэ дышетскыны пырыса.
1-тӥ курсысен ик печатласькыны
ӧдъяй «Знамя»,
«Дружба народов», «Новый
мир», «Октябрь» журналъёсын.
5-тӥ курсысен, 2001-тӥ
арын, потӥз нырысетӥ книгае.
Со дырысен мон ялан
гожъяськисько. Институтэз
горд дипломен йылпумъяса,
отын прозалы сӥзем семинар
нуи, ужай «Литературная Россия»
газетын. Кӧня ке аръёс
ӵоже мон вал эрико писатель.
20 ар Москваын улыса, выжи
Екатеринбурге. Али гожъяськисько
но Екатеринбургысь
театрын прозая семинаръёс
нуисько.
— Тӥлесьтыд произведениостэс
лыдӟыса, малпан
кылдэ: геройёсты чаляк
жадё-коскало. Нош «Елтышевы»
— сыӵе ӝож, секыт
роман, отын ваньмыз сямен
геройёс куло.
— Геройёс пӧртэмесь. Берло
дыре мыным Обломов
кадь персонажъёс туж тунсыко
пото. Соос огдыре кельшо
но, жаль но пото. Бен, кудогъёсыз
соос чаляк жадё, киоссэс
лэзё. Мон возьматыны
тырши, кызьы улонысь чыры-пырыос
адямилэсь трос
кужымзэ быдто.
«Елтышевы» роман пумысен:
со сокем югыт произведение
ӧвӧл. Соглаш. Но мон
зэмлыко возьматыны тырши
городысь гуртэ пӧртэм мугъёсъя
улыны выжем семьяез.
Мынам анае-атае али но гуртын
уло. Мон тодӥсько, мар
сярысь гожтӥсько. Гуртъёсын
туж трос шудтэм сюжетъёс.
Та романын но семья уг
быгаты, уг тыршы, уг дышы
гурт улонлы, гурт соослы
мурт ик кыле. Кин ке кулэ
Роман Сенчин вордскиз 1971-тӥ арын Тыва Республикаысь
Кызыл городын. Школа бере дышетскиз Ленинградысь
лэсьтӥськонъя училищеын. Ужаз монтировщик, вахтёр, азбар
ӵужись, возьмаськись луыса. 2001-тӥ арын йылпумъяз Москваысь
А. Горький нимо Литературной институтэз. Произведениосыз
берыктэмын англи, немец, швед, фин кылъёсы. Вормылэмын
«Большая книга», «Ясная Поляна», «Русский Букер» но
мукет литературая конкурсъёсын. Кырӟа «Свободные радикалы»
рок-группаын.
мугорыныз, кин ке — лулыныз.
Жаль, но со озьы.
— Тӥ туж оскымон
возьматӥськоды куашкам
мылкыдо, осконзэс ыштэм,
азьтэм адямиосты…
— Мон валай мае юаны
турттэмдэс. Мон уг тодӥськы,
мар со сыӵе депрессия. Мылкыды
куашка, номыр кареме
уг поты — озьы луылэ книгаез
гожъяса быдтэме бере.
Тон быдэсак бушаськод, пашмиськод
кадь. Но выль книга
борды кутскиськод но, мылкыд
нош ик тупатске.
— Туж шуныт гожъяськоды
песянай-песятайёс
сярысь.
— Яратӥсько арлыдоос сярысь
гожъяны. Мынам 2-ез
ик песятае родной ӧй вал.
Но мон соосты туж шунытэн
тодам вайисько, малы
ке шуоно шӧдӥсько вал соослэсь
яратэмзэс, сюлмаськемзэс,
мыным ӟечсэ гинэ
сӥземзэс. Азьло вакытъёсты
туалаен ӵошатоно ке, соку
ӵыжы-выжы кусыпъёс трослы
юнэсь но шунытэсь вал.
— Кин уг тоды на
тӥлесьтыд творчестводэс,
кыӵе книгадэс нырысь
лыдӟыны ӵектысалды?
— Малы ке мынэсьтым
нимтулме кыло ке, нырысь ик
«Елтышевы» романэз тодазы
ваё. Но та романлэсь азьло мон
ӵектысал веросъёсын но повестьёсын
«Петля» сборникен
тодматскыны яке «Нулевые»
книгаме лыдӟыны. Татчы пырем
веросъёслэн валтӥсь малпанзы:
буш нуналъёс, арняос,
толэзьёс луыны кулэ ӧвӧл. Кудогъёсыз
быдэс улонзэс яратонтэк
ортчыто. Кельшисьтэм
ужын ужало. Нылпи ваё, нош
асьсэос соосты уг ярато. Пудо-живот
вордо — жуго, сютэм
возё. Малы? Уг луы шат адями
сямен улыны…
— Кытысь мылкыд
шедьтӥськоды выль сюжетъёс
малпаны?
— Шумпотыса вераме
луэ, сюжетъёсты мон
Туспуктӥз Галина СЕМЁНОВА
уг малпаськы, соосты
улонысь басьтӥсько. Мар луэ
монэным, эшъёсыным, куддыр
газет-журналъёсысь
иворъёс паймыто но отысь
сюжет кылдэ. Лев Толстойлэн
«Анна Каренина» но «Воскресение»
романъёсызлы озьы
ик кутскон сётӥзы газетысь
ивортонъёс.
Мылкыд сярысь ке верано,
гожъяськытэк улыны чидан
ӧвӧл ке — со ик, дыр, вдохновение
шуон. Верос куддыръя
1-2 нунал куспын гожтӥське,
бадӟым произведение — 2-3
толэзь ӵоже. Романэз гожтыку,
малпаськод: маке воксё
мӧзмыт мынэ ни кадь та.
Выльысен лыдӟиськод но: ма
номыр ик ӧвӧл кадь, тунсыко
пӧрме. Озьы асме азьланьтыны
косӥсько. Адями ассэ
ужаны ӧз косы ке, воксё азьтэмскоз,
азгынмоз. Гожъяськонме
азьланьтыны мылкыды
медаз быры шуыса, мон
вис карисько произведенилэн
тужгес но тунсыко интыяз.
Соку, ӝӧк сьӧры ӝоггес пуксьыса,
нош ик гожъяськем,
гожъяськем, гожъяськем потэ.
Мон тодӥсько, кыӵе предложение
бордысен кутско выль
люкетсэ но кыӵе кылъёсын
сое йылпумъяло.
— Яратоно газет-журналъёсты
вань-а?
— Яратоно шуыны ӧй
дыртысал. Ӟеч произведениос
печатласько «Новый
мир» журналын. «Наш современник»
издание кельше
очеркъёсыныз. Очеркын
пӧяськыны уг яра, со верос
ӧвӧл. Пусйысал «Независимая
газета», «Литературная
газета», «Литературная
Россия» но «Новая газета»
изданиосты. Журналъёсын
ӵошатыса, мон газетъёсты
шергес лыдӟисько,
берло дыре соосты воштэ
Интернет. Одӥг иворез
лыдӟиськод, собере ссылкая
кошкиськод, озьы 5 минутлы
маке учкыны вотэсэ пыриськод
но, 2 час ортчыса, отысь
коскаса потӥськод. Ӵапак
та сярысь алигес «В залипе»
веросэ пӧрмиз. Валтӥсь герое
ӵукна ик гожъяськыны
малпа. Интернетэ огшаплы
пыре тодыны, дуннеын мар
луэ шуыса, но ачиз но валатэк,
быдэс нуналлы отчы
«лякиське». Тросэзлы та верос
кельшиз: пырак мон сярысь,
пе, гожтэмед.
— Таин валче юан: кызьы
пиналъёсты библиотека
пала берыктоно?
— Пиналэз черлатоно
лыдӟиськонэн. Пичиос
сярысь верано ке, кутсконо
шара лыдӟиськон бордысен.
Тани мон школаын литературая
урокъёсме тодам вайисько
ке, дышетӥсьёс косо
вал произведенилэсь оглюкетсэ
лыдӟыны но пересказ
лэсьтыны. Лыдӟимы-а соосты
урокын яке дорын? Тодам
уг лыкты. Милям трос
дышетӥсьёсмы вошъяськизы.
Одӥг пол егитэз дышетӥсь
милемлы урокын ачиз шара
лыдӟиз веросэз. Чебер куараен,
шонер интонациен.
Ми, пиналъёс, сое кылзыса,
асьмеос кутским дорын
лыдӟиськыны.
Пиналэз кужмысь уд кары,
косонлэн пайдаез трос ӧвӧл.
Нылпилэсь йырзэ, сюлэмзэ
вырӟытоно. Приказ сёткано
ӧвӧл: тае лыдӟы, али ик книга
кут! Таӵе косонъёсын пинал
тӥледыз но, литератураез но
адӟонтэм гинэ кароз. Вераськоно,
ӵектоно…
— Туала авторъёс пӧлысь
кин тӥледлы тунсыко?
— Ас ёзъёсы — Андрей Рубанов,
Захар Прилепин, Сергей
Шаргунов, Денис Гуцко. Арлыдоосыз
пӧлысь кельше Ольга
Славникова. Мӧйы писательёс
пӧлысь тужгес паймисько но
синмаськыса лыдӟисько Борис
Екимовез. Россиысь самой
умой книгаез, мон малпамъя,
гожтӥз со — «Осень в Задонье»
нимаське. Кин ӧз лыдӟы на,
дэмласько. Та повесть музъем
но адямиос сярысь.
— Потэ-а, тӥляд книгаостыя
кино мед пуктысалзы
шуыса?
— Одӥг ласянь, та малпан
гочатэ. Тынэсьтыд произведенидэ
экранэ потто ке, со
умой, дыр. Мукет ласянь, тон
уд тодӥськы, мар пӧрмоз.
Малы ке шуоно туж трос
урод фильмъёс. Произведение
— ӟеч, нош киноез — ляб
яке мыдланес. Нош фильм ӧз
удалты ке, адями шуоз: мон
та романэз лыдӟо шуисько
вал, но киноез урод бере, книгаез
но сыӵе ик, дыр.
Мынам «За встречу» веросэя
тодмо режиссёр Евгений
Соколов кино пуктӥз. Шедевр
уг шуы, но ӟеч фильм, со понна
возьыт ӧвӧл.
Бамез дасяз Галина СЕМЁНОВА

№36 (25897)
16 2021-тӥ ар 16-тӥ куарусён
Кылбурет дунне
Лулпуш дуннеелэн пырыосыз
Татьяна Черновалэн «Туривесь» выль сборникысьтыз кылбуръёс
Татьяна Чернова.
Тау каронэ
люкаськемын
«Туривесь» книгаелэн
потон сюресэз
туж кузь луиз...
1970-тӥ аръёсысен
кутскыса, гожъямъёсме
огазе люкалляй, соос 10
бадӟым тетраде тэризы.
Умойёссэ чуръёсме бырйыса,
3 кылбур бичетэ
потӥз. 1990-тӥ аръёсысен
пӧртэм мугъёсын та
уж борддор шоры кадь
пыкиськиз.
Озьы ке но мылкыды
лобаз, кылбурамысь
ӧй дугдылы. Ог 15 ар
куспын гожъямъёсме
ӵапак «Туривесь» бичетэ
люкай. Кылбуръёсы
— лулпуш дуннеелэн
пырыосыз. Со аръёсы
улонэлэн ёзнаськыса
кошкемез — ӝожомон,
чигиськон, астэ буйгатон,
утчаськон, осконэз
нош ик ыштон — пазяськем
весьёс кадесь,
одӥг сузьетэ яке бичетэ
куриськизы.
Малы одно ик «Туривесь»?
Туривесь — тури
весе... Со малпам дуннеелэн
валтӥсь тодметэз,
пусэз. Со син пӧет
гинэ, лысвуэн пиштэ
но пазьгиське, модосэз
гинэ куасьмыса кыле...
Мукетаз кылбурам со
«гырлы, тури сое лушка».
Дыр ваньзэ интыяз
пуктэ: ортчемаз учконэз
чылкытатэ, ыштонъёс
пумысен жалянэз
буйгатэ, вӧсь луонэз
небӟытэ…
Котьма ке но, зэмос
кылбурчилэн сюлэмаз
ӝуась тылыз весяклы
тырмыны кулэ. Берло
аръёсы сыӵе тылпу
выльысь гомӟиз на
сюлэмам. Тулыс, тудву,
тылпу... Т букваез Инмар
мыным лякем, лэся,
мед кылбурало шуыса.
Соин ик, оскисько, матысь
дыре потоз на «Тау
тыныд, тулыс» бичетэ
но. Кема шып улэме
бере инкуазьлы, улонлы,
яратонлы тау каронэпунэмзэ
тыронэ трос
полэс люкаськемын.
________
Татьяна ЧЕРНОВА
* * *
Горд-горд палэзь,
Ӵыж-ӵыж улмо —
Салам сӥзьыллэсь.
Мон нош — куно.
Чырс палэзьлэсь
Ымныр кисырскоз,
Векчи улмолэсь
Ньылон ӵаксаськоз.
Бер сӥзьыллэсь
Ежмам саламзэ
Нош кокчалоз
Юбере-чебере.
* * *
Чебер муртлы ке синмаськид,
Суред шоры сямен учкод.
Учкод гинэ, уд вазь шораз —
Чебер муртлэн парыз аслаз.
Йӧно муртэ ке яратӥд,
Инмар кадь со пуктоз ассэ.
Йыбыртъяса пыдесъяськод,
Кураськисьын гинэ ветлод.
Туж визьмозэ ке синйылтӥд,
Шузи-мази луод ачид,
Юан пӧлы йыромыса,
Мар верамзэ весь малпаса.
Лякыт муртэн ке нош ӝимид
Вераськыны-лабыртыны,
Сое чаляк ӝабыртозы,
«Тынад ӧвӧл та», — шуозы.
***
Адӟи:
Яратонме нуо ни сутыны,
Курадӟытыны…
Зэм, виыны!
Тӥни соку кеськи
Эн, эн!..
Нюж кыстӥськи сьӧраз,
Гыж — гозыен.
Нуисьёслэсь талай.
Ути — вайи дорам
Но утялтӥ, эмъяй...
Усьтӥз синзэ —
Со вылымтэ!
* * *
Туривесь — турилы весь.
Син пӧет со, лысвулэсь,
Пазьгиськиз…
Бамъёсме гинэ коттӥз.
Туривесь — со турынлэсь
Куасьмыса кылем модос.
Нош ачим — сыӵе ик весь:
Лӧптэмын яке могдос.
Туривесь — сяська но, дыр,
Уйвӧтэ пыре куддыр.
Но ӵукна вуэ — утыр
Ышыса быре бус пыр.
Туривесь, тури весе,
Пӧясе, мальдытӥсе.
Кутоно ик вал киям…
Кин монэ тазьы пӧям?
Обыда
Жалясь но уз луы,
Юрттӥсь но меда,
Шайтан кышномурт мон,
Шӧтэм Обыда.
Йӧно кышнолэн
Уг усьы данэз.
Чурыт куртчемлэн
Луисько туганэз.
Чиге чиданэ —
Уг лу чигнаме.
Асме но, лэся,
Ӧвӧл жалянэ.
Шудтэм кышномурт мон,
Шӧтэм Обыда.
Шудэ палэнскиз но —
Лыктоз на меда?
* * *
«Бен» шуэмед туж мусо но,
«Эн» шуэмед паймытэ.
Котьмалы ик мон дышо но,
Сюлэмы уг дыш — мытэ.
Сьӧд но тӧдьы
Кык бурдъёсы: тӧдьы но сьӧд —
Лопырскыны юртто мыным.
Мон кутскисько ке выйыны,
Туж оскисько тӧдьыезлы…
Тӧдьы — югыт, тӧдьы — лымы,
Синэз вандэ но кынтыны
Кутске пумен…
Соку сьӧдэз вуэ матам
Но берыктэ уй пеймытам.
Трос кизили со ӝуатэ,
Ачиз толэзь сямен пиштэ.
Пиштэ — кысэ.
Потэ шунды…
Кык адӟонэ: сьӧд но тӧдьы.
Ул... тӥя... мын...
Ултӥям калык.
Ултӥям зэмлык.
Ултӥям кышно.
Мон — ултӥямо...
Мон... ул... тӥ... я... мо...
Оло, та — юмок?
Оло, зэм ик но
Мон ултӥямон?
Мон... ул... тӥ... я... мын...
Ул но — тӥя, мын?
Тӥя — мын?
Мон-а тӥямын?
Мын!
* * *
Туннэ мон — золтэм векчи си,
Йӧтскид ке бордам, чигисько.
Туннэ тӥ понна мон — тылси,
Пӧртэм буёлэн пиштӥсько.
Туннэ мон — векчи тӧлась туй,
Котькуд ыртэмез шӧдӥсько.
Туннэ мон — чурыт ваментул,
Одно, мар кулэ, шедьтӥсько.
Туннэ сайкасько но шарак —
Аслым туж мӧйы потӥсько.
Туннэ учкисько ке шорам —
Пинал но веськрес адскисько.
Туспуктӥз Максим ЕГОРОВ

№36 (25897)
2021-тӥ ар 16-тӥ куарусён 17
Яратон — тудву
Адӟонэд — пыдул.
Тод но ул!
Яратон — тудву.
Тод но ву!
Вуы,
Лыкты,
Тод:
Тон
Монтэк
Куасьмод.
Веръя
Та вумес,
Кутсконэз —
Ошмес.
Васькы
Шур кузя,
Учкы
Йыр азяд,
Кытын вуюись…
Йырчукин
Сюлэмтӥм ортчиз сильтӧл,
Йырчукин кариз ваньзэ.
Мар адскиз вал чиль но дол,
Чик сыӵе со вылымтэ.
Сюлэмам кылдӥз яра,
Чидантэм со висьытэ.
Ваньмыз, мар чирдӥд-верад,
Чик озьы со вылымтэ.
Шымырски но ас поннам —
Пересьми кадь со ӝытэ...
Кожай, кыли одӥгнам...
Чик но озьы вылымтэ!
Со югыт пальпотонэд
Нош вормиз, кыскиз бордад.
Синву пыр валай тонэ:
Мон котьку тынад тодад.
* * *
Уг яра зол яратыны —
Укыр аксым луод, аксым.
Аслыд гинэ капыртыны
Тыршод. Аслым гинэ, аслым!
Ёрмон
Кин ке ёрме узырмонэн,
Кин ке нерад куанермонэн.
Улон иса, шудэ монэн:
Пумиськытэ весь ёрмонэн.
Пипу куар кадь...
Пипу куар кадь дырекъяй вал
Тон вӧзын со сӥзьылэ.
Куаратэк ӝуай-гомай вал
Зор улын со нуналэ.
Тани Со — тонэ малпай вал —
Кинэ туж утчай кема.
Тани Мон — асме кожай вал —
Пыраклы синмаськемын.
Тол ортчиз, вуиз гужем но —
Весь ути со осконме.
Но ӧй шӧд, кызьы гужам но
Ӟаректэм льӧль дэреме.
Ӟаректэм — шунды шорын-а,
Тӧл шорын-а улыса,
Со гылӟись синъёсыныд-а
Мукетсэ учкон улсад…
Куддыр вуттэ йыромонэ,
Куддыр — йыры поромонэ,
Ёрми ини та ёрмонэн,
Со мыскылля, шудэ монэн.
Куддыр монэ вожомытэ,
Ӧвӧлтэмзэ вань карытэ.
Ческыт пӧрме на пӧраме:
Луэ маке йӧспӧръяме.
* * *
Ӟечбур, чалмыт сэрег,
Ӟечбур, шыпыт инкуазь.
Татын — мынам доре,
Татысь кошки мон вазь.
Татын вӧлмыт инсьӧр,
Ӵынэз но мусогес.
Татын котькуд борддор
Шунтэ, уте юнгес.
* * *
Та дауре кылем эшъёс,
Я, ӟеч луэ — пумиськытозь.
Тӥ син азям радэн-радэн,
Кошкылӥды ни черодэн.
Кинлы — вакчи улон эсэп,
Кинлы — кузьгес даур кесэг
Инмар сётэм. Ваньмызлы нош —
Пуктэм аръёс вискы кузь гож.
Эшъёс, эшъёс... Ӧвӧл ни тӥ —
Часты дугдэм кадь куспетӥ.
Огсыр улон нош погыля.
Даур ас вапумзэ келя.
Эшъёс, эшъёс... Вакыт сьӧрысь
Тусбуйёсты ышо бусэ.
Нош малпаса кин ке сярысь,
Сюлэм али ке но вузэ.
* * *
«Шудо муртъёс
уг гожъяло кылбур».
Л. Тихонова
Ваньмыз изё.
Мон — уй кузё.
Чуръёс бӧрсьы
чуръёс бызё...
Монэ возьма
тырттэм валес,
Нош гожъянэ
туж акылес,
Кутэ монэ, кутэ —
уг лэзь...
Туспуктӥз Максим ЕГОРОВ
Соос изё, соос шудо,
Соос шутэтсконэз тодо.
Нош мон — бурдо,
уй кучыран.
Пумтэм-йылтэм кылан-буран...
Нош мон шудо —
шудтэменым,
Шудтэм —
кылбур гожъяменым.

№36 (25897)
18 2021-тӥ ар 16-тӥ куарусён
Константин Емельяновлы — 95 ар
Константин Емельянов.
Кать-кать
серекъялляз
Эгра ёросысь Мазьги
гуртысь писательлы
Константин
Емельяновлы 23-тӥ
сентябре 95 арес
тырмысал. Писатель
сярысь тодэ
ваёнъёссэ вераз
Ижын улӥсь сузэрез
Зинаида Ившина:
— Ми 4 пиналъёс вал,
Костя — бадӟымез. Туж
лякыт вал со милям,
эшъёсыныз жугиськылэмез
но ӧй вал, дыр,
сузэр-вынъёссэ ноку ӧз
обидьылы. Пичиысен
лыдӟиськыны яратӥз, со
ик юрттӥз, дыр, школаез
Похвальной грамотаен
йылпумъяны.
Со вал 1941-тӥ арын.
Сое экзаменъёстэк
кутӥзы Якшур-
Бӧдьяысь педучилищее.
Нош мон 1-тӥ классэ
мынӥ, бӧрсям эшшо
пичи сузэре но выны
вал на. Педучилищеын
2 толэзь дышетскыса,
юрттӥськыны шуыса,
Костя гуртэ бертӥз.
МТС-ын ужаз нырысь
Чутырын, собере —
Эграын. Сиён нуллыса,
дӥняз трос пол ветлылӥ.
Ужан интызы туж кезьыт
вылэм, эшъёсыз
сое, грамотаез вань
шуыса, со сярысь газетэ
гожтыны куриллям. Со
ик газетэ гожъяськыны
кутскемез луиз. Отӥяз
трос гожъяз гурт улон
сярысь. Серемес веросъёсыз,
фельетонъёсыз,
повестьёсыз калыклэсь
мылкыдзэ бурдъяллязы,
кулэ интыяз визькенеш
но сётылӥзы.
Костямы атай интыын
вал, ваньмес визьноданы
тыршылӥз,
быгатэмезъя коньдонэн
юрттылӥз. Сямыз туж
лякыт вал, кать-кать серекъясь.
Пельыз секыт
кылӥз ке но, одӥг пол но
кесяськыса ӧз вераськылы.
Ваньмон дыръяз
газетъёс лыдӟылӥз,
йыртӥянъёсты
лэсьтылӥз, туж
яратылӥз бакчаын
ужаны, пудо котырын
берганы.
Веросъёс
Тӧдьы вужер
Миша но Коля вынъёс, дугдэмзы
луытэк, ваче син учкыса
серекъяло.
— Ой, бен кышказ ке кышказ
ини. Макем тумошо вал.
— Сюлэмыз пыдтышказ
вуиз, дыр, — уката кужмо горыны
кутскизы вынъёс.
— Кинэ, мае озьы серекъяськоды?
— пиналъёслэсь вераськемзэс
кылыса, юаз песятайзы.
— Иван пичи Петиез
дэймытӥз, — вожмаськыса
вераны ӧдъязы пиос. — Возь
вылын шудыкумы, Иван, пограм
лӥял шоры возьматыса,
«тӥни гондыр лыктэ» шуиз
но, Пети чир! кесяськыса
пегӟыны ӧдъяз. Уйыса но ум
сутӥське ни, — нош ик серекъяло
вынъёс. — Бус пыртӥ со
лӥял зэмзэ но кык пыд вылаз
урдӥськем гондыр кадь адске
вал.
— Шузимиды-а, адямиез
сокем курдатыны, — песятайзы
лекен вазиз. — Озьы могась
кельтыны но кема ӧвӧл.
— Ӧз, номыр ӧвӧл солы.
Бӧрысь кема шудӥмы на.
— Мыдӟат ноку нокинэ эн
кышкатъялэ ни. Кышкан — со
котьмалэсь урод маке. Юн курданы
шедем адями ӵем дыръя
секыт висьыны усе, куддыръя
воксё кулэ. Мадё тани одӥг
учыр сярысь. Тӥ кадь пичи
дыръям вал со. Бускельёсмылэн
ӵапак тӥ быдӟаесь Санко
но Ондӥ нимо пиоссы, ӝытазе
скалзэс утчаны мыныса, беромиллям.
Нош куазь сӥзьыл
— олокытӥ-мартӥ тём пеймыт
луиз, коть синмад донгы. Вынъёс
бакча бертӥ ортчись сюрес
кузя берто вылэм. Азьвыл
бакча беръёсамы, нюк дурын,
мунчоос пуктылэмын вал. Отӥ
ортчыкузы, одӥг мунчоысь
пумитазы юг-тӧдьы адями
потэм.
Вераны кулэ, соку калык
трос дышетскемын ӧй вал.
Олокинлэсь но, оломалэсь
но курдаса улӥзы, котьмалы
оскылӥзы. Кӧшкемыт вераськонъёс
потылӥзы палэсмурт,
вумурт, мунчокузё но мукет
со выллем ишанъёс сярысь.
Ӵемысь укылтэм яке бӧрдӥсь
пиналъёсты но соосын кышкатъязы.
Азязы олома ӝужда тӧдьы
адями потӥз но, Санкоен
Ондӥ интыязы ик шальтразы.
Кыкназылэн йыразы
шуккиз: ишан та! Юн кышкаменыз,
ачиз но валатэк, Санко
шуш куараен черетскиз.
Оло тӧдьы вужерлэсь, оло вынызлэн
кеськемезлэсь курдаса,
Ондӥ отчыяз ик супырак
усиз. Санко кызьы гуртаз
вуиз, ачиз но уг тод ни.
— Санко, ма луиз? — куалекъясь
пизылэсь юало мумиз
но бубиз. — Кытын Ондӥед?
— О, о-о, — вераны туртске
Санко, нош кылыз нокызьы уг
берытскы. — Му-у-мун-чо... —
озьы гинэ вераны быгатӥз.
«Мунчо» кылэз валаса,
анаен атайзы соку ик бызизы
бакча беразы. Асьсэ мунчо
котырысь нокинэ шедьтытэк,
бускельёссылэн мунчооссы
пала мынӥзы. Тӥни соку
адӟизы сюрес вылысь шӧй
кадь кыллись пизэс. Кема
сэзъямзы бере гинэ мырдэм
сазьтӥськем соиз. Озьы ке но
пияш ӧз бурмы ни. Кӧня ке
арня ортчыса, кулӥз.
— Больницаын но эмъяны
ӧз быгатэ-а?
— Кытын ай соку больницаос.
Быдэс районын одӥг
яке кык першал гинэ ужалляз.
Висьыны усем адямилы тунопеллёос
доры ветлоно луылӥз.
Ондӥез пелляськисьёс доры
нуллӥзы.
— Нош Санкоен ма луиз?
— Санко со дырысен могась
кылиз. Макем курадӟылӥз
адямиосын вераськыны.
— Нош мунчоысь кыӵе
ишан потэм вылэм? — паймо
пиос.
— Очей вылэм со. Гуртамы
сыӵе лякыттэм егит воргорон
улӥз. Солэн кепыран,
курдан сямыз ӧй вал. Коть Инмар,
коть шайтан мед шуозы,
солы дунне. Тӥни со эшъёссэ
кӧшкематыны малпам. Йыраз
тӧдьы кышет керттэм, вылаз
гужам дэрем но штани дӥсям
но мунчое ватӥськем.
Ӝыт шудонэ потась егитъёс
бакча берысь сюрес кузя
ветло вал. Сюрес вылтӥ
лыктӥсьёсты шӧдыса, ватскем
интыысьтыз потэм. Егитъёс
интые пиналъёс кемдӥллям.
Со кышкыт учыр бере
Очей гуртысь чиптэм-чаптэм
ышиз. Нокин но ӧз тодылы
солэсь кытын улэмзэ. Дасо
аръёс ортчыса гинэ, малпамтэ
шорысь гожтэтэз вуиз — пырак
Дальний Востокысь. Гурт
калыклы, пияшъёслэн анайатайзылы
рос-прос верам, кызьы
солэн шудыны-серекъяны
дасям ужез шимес учырен берытскиз.
Соин сэрен, пе, весяк
куректыса улӥсько.
Тӥни озьы, кышкан но
кышкатон ма калэ вутто адямиез.
Нош тӥ ог-огдэс дэймытъяса
ветлӥськоды.
— Ум ни, песятай, табере
нокинэ ум кышкатъялэ ни, —
огкылысь кадь шуизы Мишаен
Коля.
Зор вайись баӵко
Ондыръян агай 70 ареслэсь
ортчемын ни, озьы ке но
тэк улонэз чик уг вала. Ялан
маке но лэсьтэ, маке но тырше.
Шулдыр гужем нуналъёсы,
гурт котыраз уж уг ке сюры,
бусыостӥ, возь вылъёстӥ котыръяське,
нюлэскы вутскылэ.
Инкуазез туж яратэ пересь.
Туннэ но тани кытчы ке ветлыны
вуэм ини. Гуртлань бертыкуз,
сюрес урдсысь арама
саюлын пукись пиналъёсты
адӟыса, отчы кожиз.
— Шутэтскиськоды-а, пиналъёсы,
— шуиз со, нылпиос
доры дугдыса.
— Шутэтскиськомы, песятай,
укыр пӧсь, — вазизы соосыз.
— Пӧсь кариськиз угось,
пӧсь, — йырысьтыз картуззэ
басьтыса, гӧртэм писпу выллем
тӧдьы йырсизэ маялля
Ондыръян агай.
— Тани татчы пуксе, —
куштӥськем пуклёк вылын пукись
пияшъёс лӧбак султӥзы.
Туспуктӥз Максим ЕГОРОВ
— Тау, пиналъёсы, тау, —
пересь лэзиськиз пиослэн
ӵектэм пуконзы вылэ. — Зэмзэ,
ёзвиосы пумен шальтраны
кутско ини, сисьмем губи кадь
луисько ни, лэся.
Со куспын пиналъёс, корт
пырыосты магнитэн кыскем
музэн, Ондыръян агай котыре
кариськизы.
— Кытчы бен ветлӥды, песятай?
— пиналъёс пӧлысь кин
ке юа.
— Улосэз эскерем потэ
уга, пиналъёсы. Адӟем потэ
та тулыс куазен солэсь
воштӥськемзэ, чеберскемзэ.
Нош асьтэлэн ужъёсты кыӵе
мыно? — шуак юан сётӥз пересь.
— Ушъяськымон ӧвӧл, песятай,
— пумитаз вазё пиналъёс.
— Ву кисьтаськом, кисьтаськом
— кушманмы чик уг
буды.
— Будоз ай, — лӥятэ нылпиосты
Ондыръян агай. — Удъёсты
кемалась ик ӧд мерттэ
на, выжыясько гинэ соос. Али
лыктыкум чаклай, такем пӧсь
куазен но шуяны, куасьмыны
сётскиллямтэ. Озьыен, урод уд
ужаське. Нош куазь зэмзэ пӧсь
кариськиз, вашкала дыръя
кадь пыже. Эке, та пересь мугорам
ик пыӵаны ворме, —
пӧсяса нюромем йырсизэ нош
ик маялтэ песятай.
— Азьвыл но-а пӧсь
луылӥз? — юало пиналъёс.
— О, мон пичи дыръям уката
пӧсь луылоз вал. Пӧсьлы чидатэк,
яватэ, кытчы кариськон
инты ӧз шедьылы. Аран вылтӥ
шунды йӧтонтэм интыын но
сыӵе ик окыт вал. Али 1-2 арнялы
пӧсь кариськылэ, отӥяз
выльысь салкыма. Азьвыл, эке,
шунды пыжыса, ӵем дыръя
вань киземъёсты, вань ю-нянез
тюпак ӵушкаса быдтылӥз.

№36 (25897)
2021-тӥ ар 16-тӥ куарусён 19
— Нош ма карылӥзы сыӵе
дыръя? — тодэмзы потэ пиналъёслэн.
— Ма карозы? Кӧс аръёсы
сютэм улон луэ вал. Сиытэк
трос калык бырылӥз. Туала
арын тани киземъёс вылэ ву
пазяны кутско ини. Нош азьвыл...
Э-э, азьвылзэ ма веранэз,
— киыныз гинэ шонтӥз на
Ондыръян агай.
— Иське, номыр карыны ӧз
быгатылэ?
— Бен ма карыны быгатоз
чик дышетскымтэ, номыре
тодӥсьтэм-валасьтэм крестьян
адями. Пӧсь шундылэн
сиосызлэсь чидатэк куасьмыса
ӵужектӥсь ю-няньзэ
утьыны амал луымтэен, баӵко
доры гинэ мынылӥз.
— Баӵко доры? Малы? —
номырзэ уг валало пиналъёс.
— Инмарлы вӧсяськыны
курыса. Мед, пе, куазез зорытоз.
— Хе, — пырсйиз одӥгез
пияш. — Поп быгатоз ини куазез
зорытыны!
— Быгатылэ вал, —
мынектӥз пересь.
— Кызьы со быгатоз?
— Озьы ик быгатылӥз, —
пальпотэмзэ лушкем возьыны
ӧз быгаты ни Ондыръян агай.
— Али кадь ик тодӥсько на —
мыным соку 12 аресъёс вал
— со гужеме куазь ӵыдонтэм
пӧсь, чик зорытэк улӥз. Ма
карыны ёрмыса, калык черке,
баӵко доры, мыноно кариськиз.
Озьы но озьы, пе,
лыктэ вал дорамы, бусыын
вӧсяськыны. Поп пумитазы
шуэм: «Одно мыно. Только
матысь нуналъёсы уг ваньмиськы.
Мынонме нимысьтыз
иворто».
Гурт калык чидатэк вите
ини солэсь лыктэмзэ. Бен кызьы
уд витьы, кизем юос син
азьын куасьмыса быро ни ке.
Кема возьмазы попез. Арня
ортчыса гинэ, баӵколэсь ивор
вуиз, возьмалэ, пе, сыӵе-сыӵе
нуналэ.
— Нош ик алдаз, луоз, —
пересьлэн кыл куспаз пыро
пиналъёс.
— Ӧз, ӧз алда, лыктӥз.
Нырысь мукет гуртъёсын
вӧсяськем, дорамы бӧрысь,
ӝыт пал гинэ, вуиз. Калык
кыӵе дасяськиз сое пумитаны!
Одӥгъёсыз сюсекъёсысьтызы
берпуметӥ кырым пызьзэс
ӵужо, мукетъёсыз курегпуз но
вӧй дасяло, куинетӥосыз пудозэс
вандо. Вӧсяськемез понна
поплы маин ке но тыроно
уго. Сыӵе вал вашкала сям.
Котькудӥз, ма быгатэ, сое ик
сётэ. Уноез берпуметӥ сиёнзэс
поттоно луизы.
— Ух, возьыттэм! Вот тырмостэм!
— попез каргало пиналъёс.
— Бен, бен, озьы вал. Но, уд
но оске, пиналъёсы, яватэ, со
нуналэ ик куазь зориз. Ми но,
котькытчы вуись ерпечкаос,
вӧсяськоназы ветлӥмы. Отысь
котмыса вуимы.
— Ма, нёшто? — могак луизы
пиналъёс.
— Зэм, зэм. Зориз.
— Кызьы озьы?
— Ми но абдрам. Сыӵе
дыръя адямиос уката юнгес
оскыны кутско Инмарлы,
уката трос вӧсясько. Малпало,
Инмар зэм ик вӧсяськемез
санэ басьтэ шуыса. Берло гинэ,
советской власть кылдэм
бере, тодӥм ини мазэ-созэ.
Баӵколэн вань вылэм куазьлэсь
кыӵе луонзэ возьматӥсь
арбериез, кызьы шуо вал ай
сое…
— Барометр-а?
— Вот, вот, самой со
барометр шуонзы. Соя ик
поп тодылэм куазьлэсь
воштӥськонзэ. Зорон азьын
ини потылэм гуртъёсы
вӧсяськыны. Озьы вал, пиналъёсы,
озьы. Э, бен мон
тӥледды уждылэсь ӝегатӥсько
ук, — куалектыса музэн интыысьтыз
султыны ӧдъяз Ондыръян
агай. — Я, мынэ ни,
ужалэ. Уть тӥни, будосъёсты
но тӥледды возьмало.
Пистолет
Семон туннэ ӝытазе яратоно
нылыныз пумиськыны
кенешиз. Дыр трос на шуыса,
магазинъёстӥ ортчиз, столовое
пыраз.
Пумиськыны чаклам интыязы
вуыса, егит пи соланьталань
лёгаське. Ульчаын радэн
сылӥсь писпуос вискытӥ
ялан учкылэ сюрес пала:
лыктэ-а ни гажанэз, уг-а.
Семон кисыысьтыз шудон
пистолет поттӥз но, кияз
бергатыса, сое эскерыны кутскиз.
Покчи выныз кемалась
куре ини таӵе шудон басьтыны.
Али магазинъёстӥ ветлыкуз,
син шораз йӧтӥз но,
вынызлы кузьым басьтӥз.
Зэмос пистолет кадь ик, ява.
— Э, бен шумпотоз ук, —
вынызлэн лӧптэм тусыз Семонлэн
син азяз пуксиз.
Ас малпанъёсаз выем пиосмурт
ӧз ик синйылты, ульча
сопалась коркаысь кышномурт
сое чакласа улэ шуыса.
Пиосмуртлэн учкылэмез, выросъёсыз
солы осконтэм
потӥзы. Нош Семон киысь
пистолетэз адӟыса, кенаклэн
суй-пыдыз ик либрак луиз.
— Алло, алло, милиция!
— трубкае кесяське кенак. —
Юрттэ, чале. Урамлэн мукет
палаз пистолетэн пиосмурт
сылэ.
Нош Семон часэз шоры
уката ӵемгес учкылэ. Гажанэз
тани-тани вуыны кулэ ини. Со
син азяз пуктэ яратоно нылашеныз
пумиськонзэ, солы верано
кылъёссэ лушкем сипыртэ.
«Туннэ солы вань сюлэмме
усьто, кепыраса уг улы ни».
Озьы малпаса вуиз гинэ,
пиосмуртэз мышласянь кин
ке кырмиз. Йырзэ берыктыса,
учкиз но воксё долказ: 2 милиционеръёс
сое кутыса возё.
— Эн вырӟылы, шып ул,
— алӥз одӥгез милиционер.
Ачиз пумен егит пилэн кисыосаз
утчаське ни. — Мар та? —
Семонлэн кисыысьтыз шудон
пистолетэз поттыса, юа милиционер.
— Уд адӟиське-а, пистолет,
лэся, ук, — лек вазиз ӟудэм
пияш.
Со куспын вуиз витем
нылыз. Милиционеръёсын
кутэм туганзэ адӟыса, нылмурт
чирак кеськиз но усьтыр-табыр
пегӟиз. Семон
Туспуктӥз Максим ЕГОРОВ
мозмытскыны вырӟиз, но сое
зол возё вылэм.
— Сыл ай, сыл, эн дырты.
Мар кариськод таин?
— Вынылы шудыны басьтӥ,
— ӝогак вера Семон.
— Нош зэмос пистолетэд
кытын?
— Кытысь-о мынам пистолетэ
луоз? — паймиз Семон.
Погонэн адямиос али гинэ
валазы мазэ-созэ.
— Вождэс эн вае, умойтэм
учыр луиз…
Соос эшшо маке вераны
туртто на вал, но Семон соосты
ӧз кылы ни, шумприч
бызиз куалектэм нылашез
сьӧры.
Тодӥсьяськись Коӵо
Пи поттон дырыз вуыса,
егит Куака аслыз кар
лэсьтыны дасяськиз. Лэсьтӥськон
интыяз пӧртэм арбериос
ворттӥз: векчи силё, мимала
кагаз юдэсъёс, гон-тур
но мукет сыӵе макеос. Но таӵе
ужен нырысьсэ выре, кудласянь
кутскыны уг вала. Озьы
но, тазьы но оскалтэ — карез
уг пӧрмы. Кема курадӟемез
бере радзэ шедьтӥз ик, карез
но пӧрмоно вал ни. Ӵапак соку
отӥ Коӵо лобӟыны кемдӥз.
— Мар озьы дауртӥськод,
уром? — юа со Куакалэсь.
— Кар лэсьтӥсько ай.
— Ма, шузимид шат, озьы-а
карез лэсьтозы, — серекъяны
ӧдъяз Коӵо. — Сыӵе кардэ тӧл
нуоз.
— Кызьы бен лэсьтоно?
— Тӥни со улвайдэ нырысь
та турын нюжаен огазея, собере
мукетыныз бинялты,
бӧрысь висъёссэ кагазэн-силёен
туйылы.
Куака карзэ Коӵолэн валэктэмезъя
лэсьтыны выриз-выриз
— карез уг пӧрмы.
— Малы озьы лэсьтӥськод,
тазьы косӥ ук тонэ, — ялан
вуӵыртэ Коӵо.
Куака нош ик лэсьтӥськонзэ
азьланьтэ.
— Тьфу тонэн, номырзэ уд
валаськы, — тодӥсьяськемысь
уг дугды Коӵо. — Улӥяз векчи
гонъёсты тыроно.
Коӵолэсь кылзӥськыса,
Куака карзэ олокӧня пол
сэрттылӥз. Со куспын карлы
люкам арбериосыз тӥяськыса
но тӧл нуыса куашказы-быризы.
— Быгатӥськод бере,
лэсьты ачид ӝогак, — сюлворыны
ӧдъяз Куака. — Юртты,
адӟиськод ук, мынам уг
пӧрмы.
— Тонэн йырин ӧвӧл ай, уг
ваньмиськы, — шуиз но, быжзэ
урдыса, лобӟиз Коӵо.
— Эх, Коӵо тон,
тодӥсьяськись Коӵо! Нош мон
тонэ эш кожай вал. Аслад уг
ке пӧрмы, малы муртъёсты
дышетыны выриськод? — оло
Коӵолы, оло аслыз йырыз кур
луиз Куакалэн.

№36 (25897)
20 2021-тӥ ар 16-тӥ куарусён
Юалляськон
Толстой вормиз
Россиысь SuperJob Интернет-портал
калык
пӧлын алигес юалляськон
ортчытӥз но тодӥз:
кыӵе яратоно книгазы
кунамы улӥсьёслэн.
Юалляськонэ пыриськизы
Россилэн пӧртэм сэрегъёсысьтыз
3 сюрслэсь ятыр
18 ареслэсь бадӟымгес адямиос.
Тодмо луиз: соос тужгес
но умой книгаен лыдъяло
Л. Толстойлэсь «Война
и мир» романзэ. Та произведение
понна тросгес куаразэс
сётӥллям воргорон
лыдӟисьёс. 2-тӥ интые потӥз
М. Булгаковлэн «Мастер и
Маргарита» произведениез,
Красильников азьпалтӥз
Кыӵе меда яратоно произведени оссы удмурт лыдӟисьёслэн?
Кыӵе книгаез соос висъясалзы удмурт, ӟуч но кунсьӧр литератураысь?
та книгаез тросгес пусйиллям
нылкышноос. 3-тӥ интыын
— Ф. Достоевскийлэн
«Преступление и наказание»
романэз.
Яратоно книгаос пӧлы
озьы ик шедизы — Н. Гогольлэн
«Мёртвые души», М.
Шолоховлэн «Тихий Дон»,
А. Пушкинлэн «Евгений
Онегин» но «Капитанская
дочка», Л. Толстойлэн «Анна
Каренина», И. Тургеневлэн
«Отцы и дети» но «Му-му»,
М. Лермонтовлэн «Герой
нашего времени».
Кунгожсьӧр литератураез
басьтоно ке, асьме лыдӟисьёслы
тужгес но кельшо
А. Дюмалэн, А. Де Сент-
Экзюперилэн, Г. Маркеслэн,
Д. Роулинглэн, Д. Лондонлэн
книгаоссы. Котькуд 20-тӥез
мурт шараям: со воксё уг
лыдӟиськы. Вань юалляськемъёс
пӧлысь 4 процентэз
1 гинэ яратоно книгазэс
висъяны шугъяськиллям, соослэн,
пе, туж трос яратоно
произведениоссы.
Удмурт Республикалэн
Тӧроезлэн
«Признание» премиеныз
пусъем
кылбурчи Богдан
Анфиногенов:
1. Э. Батуев «Гольык».
2. В. Маяковский «Человек».
3. Д. Толкин «Хоббит».
Удмурт кун университетысь
доцент, педагогика
наукаосъя
кандидат
Светлана Арекеева:
1. Г. Медведев «Лӧзя бесмен».
2. Л. Толстой «Анна Каренина».
3. Э. Хемингуэй «Прощай, оружие».
Удмуртиысь культура
удысысь дано
ужась, журналист
Валерий Сидоров:
1. Г. Красильников «Арлэн кутсконэз».
2. М. Булгаков «Мастер и Маргарита».
3. Э. Ремарк «Три товарища».
Алнаш ёросысь
Тыло школаысь
дыше тӥсь
Лариса Моисеева:
1. Г. Красильников «Вуж юрт».
2. М. Булгаков «Мастер и Маргарита».
3. К. Маккалоу «Поющие в терновнике».
Удмуртиысь наука
удысысь дано
ужась, филология
наукаосъя канди дат,
писатель, кри тик
Александр Шкляев:
1. Г. Красильников «Кошкисез мед
кошкоз».
2. А. Платонов «В прекрасном и
яростном мире».
3. А. Моруа «Письма незнакомке».
Россиысь Г. Пле -
ханов нимо экономикая
университетысь
отделэн
кивалтӥсь Татьяна
Прокопьева:
1. Г. Мадьяров «Аналтэм сяська».
2. В. Добросоцкий «Ностальгия по будущему».
3. М. Ларни «Четвёртый позвонок,
или Мошенник поневоле».
Глазов ёрос администрациысь
физкультурая,
егитъёсын
ужанъя, культурая
управленилэн
кивалтӥсез
Евгений Баженов:
1. Ф. Васильевлэн кылбуръёсыз.
2. Стругацкий агай-вынъёслэн кни -
гаоссы.
3. Д. Коллинз «От хорошего к великому».
Ижысь
169-тӥ нылпи
садэн кивалтӥсь Надежда
Куликова:
1. М. Коновалов «Гаян».
2. М. Булгаков «Мастер и Маргарита».
3. А. Дюма «Граф Монте-Кристо».
Книга ӝажы
Бесерманлэн
пальпотонэз
«Удмуртия» издательствоын
нырысьсэ
потӥз бесерман книга.
«Вортча мадьёс» бесерман
кылын потэм книгалэн
2 авторез: Удмуртиысь
калык писатель Вячеслав
Ар-Серги но бесерман
азветлӥсь, Михаил
Федотов кылбурчилэн
ӵыжы-выжыез Рафаил
Дюкин. Бичетэ пыриз 24
очерк-верос, соос сӥземын
Яр ёро сысь Вортча гуртын
улӥсьёслы. Бесерман
гуртлэсь историзэ но туннэ
нуналзэ умой тодэ Р. Дюкин,
со ачиз та гуртын улэ.
Кни гаын возьматэмын
гуртоослэн шумпотонзы но
мӧзмонзы, бесерман калыклэн
пальпотонэз но секыт
лулӟылонэз, Вортчаысь
адӟем карымон адямиослэн
улэм-вылэмзы. (6+)
________
Галина СЕМЁНОВА
Историысь чуръёс
«Егит эшъёсы — тӥледлы бадӟым оскон»
Ӵапак та нуналэ, 100 ар
талэсь азьло, шаерамы
егитъёс понна удмурт
кылын «Егит дурись»
газетлэн нырысетӥ номерез
потӥз.
Национальной библиотекалэн
юрттэмезъя, шедьтӥ со
газет сярысь 2 материал гинэ.
Нырысетӥез — УдГУ-ысь социальной
коммуникациосъя
институтысь доцентлэн Галина
Старковалэн Удмуртиысь
егитъёслэн прессазылы сӥзем
монографиысьтыз оглюкетсэ,
2-тӥез — филология наукаосъя
кандидатлэн, кылчилэн Василий
Алатыревлэн 1958-тӥ
арын «Удмуртиысь комсомолец»
газетын потэм статьяез.
Галина Старкова гожтэмъя,
1921-тӥ арын шаерамы потыны
кутскиз ӟуч кылын егитъёслы
чаклам «Молодой кузнец»
газет. Удмурт лыдӟисьёс
но палэнэ медам кыле шуыса,
та газетэз удмурт кылэ берыктыны
ӵектэмын вал. «Егит
дурись» газетлы редакторе
(переводчике) юнматӥзы Даниил
Майоровез. Озьы 1921-
тӥ арын 16-тӥ сентябре ӵуж
кагаз вылын суредъёстэк но
туспуктэмъёстэк 1 сюрс тиражен
потӥз газетлэн 1-тӥ номерез.
Мар сярысь гожъязы?
Мар со сыӵе продналог (сиён-юонэн
выт тырон), кыӵе
луыны кулэ крестьян егитъёс,
кызьы пыроно комсомол
радэ, кыӵе юрттэт сётӥське
Поволжьеысь сютэм калыклы.
Кылсярысь, газетын
удмурт егитъёслы тазьы вазиськиллям:
«Егит эшъёсы —
тӥледлы бадӟым оскон! Вань
кужыменыды нюръяське сютэм
улонлы пумит. Юрттэ Поволжьеысь
сютэмъёслы!»
Удмурт но фин-угор кылъёсъя
специалист Василий Алатырев
аслаз статьяяз гожтэм:
«Егит дурисьын» нимысьтыз
«Сьӧд пул» люкетэз вань.
Отын печатламын таӵе статьяос:
«Жаг турынэз бусыысь
куштоно», «Ма луоз та сярысь
вераны», «Аслаз кылызлы кузё
ӧз луы». Азьтэмъяськись но
пӧяськись адямиос сярысь газет
гожтэ: «Сыӵе адямиосты
куанеръёслэн ӵужонэнызы
ӵужыны кулэ. Сыӵе адямиосты
«Сьӧд пул» вылэ».
Газетлэн кылыз боевой, лэчыт
но валамон. Озьы ке но пусйыны
кулэ, 1917-тӥ-1925-тӥ аръёсы
удмурт письменностьын
тросэз ужпумъёс радъямын
ӧй вал на. Одӥг кылэз одӥг изданиын
ик пӧртэм гожъязы.
Сыӵе учыр, веранэз ӧвӧл, кудог
предложениосты лыдӟыны
секыт каре».
1-тӥ декабрёзь «Егит дурисьлэн»
3 номерез гинэ потыса
вуттэ, собере ворсаське. Малы?
Мугъёс пӧртэмесь. Кылсярысь,
газетын-типографиын ужасьёслы
уждун тырыны шугъяськон.
Собере, одӥг удмурт
кылэз ик кӧня ке пумо гожто
вылэм, соин сэрен пуштрос ласянь
валамтэос кылдылӥллям.
Мукетыз шугъяськон — анай
кылын потӥсь газетэз лыдӟись
вылымтэ, удмурт егитъёс соку
лыдӟиськыны дышетэмын ӧй
вал. Соин ик «Егит дурись» потэмысь
дугдэм.
________
Галина САВИНА
«Ингоже» юанъёсын, дэмланъёсын вазиськоно
73-33-42 телефон номеръя.
Веросъёстэс-кылбуръёстэс ыстэлэ, «Ингоже» шуыса,
электрон почтае udmdunne@yandex.ru.