44 от 11 ноября 2021 (25905)

№44 (25905)
6 2021-тӥ ар 11-тӥ шуркынмон
ШАЕР
БАЛЕЗИНО
________
Мӧзмыт ӧй вал!
Ёрос пыриськиз «Искусствоослэн
уйзы» акцие, Калык эшъяськон
нуналэз но Удмуртилэсь кунлык
басьтонзэ пусйыса.
Вань ужрадъёс онлайнэ выжтэмын
вал ке но, отчы мыло-кыдо
пыриськизы нылпиос но, арлыдоос
но. Вань мылкыд карисьёс арня
ӵоже вотэс бамъёсы удмурт сиёнюонъёсты
пуктылӥзы, дасямын
вал «Кызьы вордске перепеч?» видеоролик.
Тросэз онлайн амалэн
Италмасъёс чебересь пӧрмизы.
вуылӥзы Маркогурт поселениысь гуртъёсы, отысь калыкен тодматскизы.
Уноез Миктапи клубын ужасьёсын ӵош италмасъёс лэсьтӥзы.
Ужрадъёслы кичӧлтӥсь луиз ёросысь культураез но калык творчествоез
азинтонъя центр.
Миктапиысь культурая юртлэн «ВКонтакте» бамысьтыз
Толалтэ Ижысь сюресъёс вылын
гылыт уз луы.
ИЖ
________
Луо, сылал
но мрамор
Туэ нырысьсэ шоркарысь пыдын
ветлон сюресъёсты толалтэ векчи
мрамор пырыен пазялозы.
Иж городлэн йырыз Олег Бекмеметьев
верамъя, Ижысь сюресъёсты
луоен, сылалэн кемаласьгес
уг пазяло ни. Берло аръёсы «Бионорд»
суретэз кутылӥзы. Но адямиос
ӝожтӥсько, соин сэрен пыдкук
туж ӝог быре шуыса. Соин ик
туэ куд-ог сюресъёс вылын мрамор
пырыез эксперимент чот кутыны
чакламын. Мрамор пыры тазалыклы кышкыт ӧвӧл, сюресъёсты уг
уродмыты.
Мрамор пырыен пазяллязы ни Шор площадез — калыклы со яраз.
Туспуктӥз Максим ЕГОРОВ
ВОТКА
________
Ковидэн нюръяськиз
Вотка ёрос больницаысь анестезиолог-реаниматолог
Геннадий Мосолов
кулэмез бере сӥлы каремын
Пироговлэн орденэныз. Сое Удмуртилэн
Тӧроез Александр Бречалов
сётӥз врачлэн кузпалызлы
Людмила Мосоловалы.
Геннадий Мосолов улонысь кошкиз
2020-тӥ арын ноябре, «горд
зонаын» ужакуз, ковидэн черласа.
Эмъясь районын нырысьёсыз
пӧлын коронавирусэн нюръяськыны
кутскиз. Со зэмос профессионал
вал, дӥсьтыса басьтӥськылӥз
Геннадий Мосолов кулэмез бере
пусъемын Пироговлэн орденэныз, сое
басьтӥз эмъясьлэн кузпалыз.
туала эмъян амалъёс борды, шаерысьтымы эмъясьёс понна научнопрактической
конференциос радъялляз.
Эмъясьёс выль оборудованилы
шумпото.
ГРАК
________
Выль рентген-аппарат
Ёрос больницаын рентген лэсьтыны
кутскизы выль аппаратэн.
Сое пуктон понна нырысь йӧнйӧн
тупатъязы кабинетсэс. Табере
тросгес адямиез учкыны но висёнзэс
ӝоггес тодманы быгато. – Выль
рентген-аппаратэз ми кемалась
возьмаськомы вал ини, угось ар
ӵоже ог 8 сюрс адямиез учкиськом.
Куартолэзе питранъёс вылын
ветлӥсь рентген басьтӥм вал ини,
таиныз султылытэк кыллись висисьёсты
но эскерыны луэ, — шумпотэ
Грак ёрос больницалэн валтӥсь врачез Алеся Петрова.
Рентген лэсьтон аппарат вуиз гуртъёсысь но пичи городъёсысь больницаосты
выльдонъя программа чотын.
ДЭРИ
________
Дэмен кариськыса
Ёросын улӥсьёс пӧртэм проектъёсы
мыло-кыдо пырисько.
Туэ, кылсярысь, 29 ужез быдэстӥзы
«Интыосысь кичӧлтонъёс»
но «Атмосфера» проектъёс
улсын. Ёрослэн йырыз
Константин Русинов верамъя,
дэмен 31 миллион манет пала
люканы быгатӥзы. Со чотын 13
гуртъёсын волятэмын сюресъёс,
лэсьтэмын шудон, спортэн эшъяськон
площадкаос, шутэтскон
интыос, югытгес каремын ульчаос.
Ожмосъёс, огкылысь кариськыса,
хоккеен шудон инты лэсьтӥзы.
Ёрослэн йырыз верамъя, дэриослэн азьлане малпанъёссы уката
бадӟымесь.
udmurt.ru
Тазалыкез утёнъя министерстволэн пресс-службаез
Константин Русиновлэн «ВКонтакте» бамысьтыз
КИЗНЕР
________
Вуж Копка но
Дружина вискын
Учур шур вамен выжез выльдӥ зы.
Выж вуж ни вал — котырысьтыз
ярдуръёс куашканы кутскизы, бетонэз
пырдыны ӧдъяз, озьы вылтӥз
потаны туж кышкыт луиз. Нош
Дружина гуртысь артэ Вуж Копкае,
со вылтӥ сяна, потыны уг луы. Соин
ик сое одно лэсьтоно вал.
Дорожникъёс азязы пуктэм ужпумез
тыро-пыдо быдэстӥзы. Табере
выж сылэ, ӵыжак-выль кадь
Учур шур вамен выльдэм выж.
адӟиське: юбоосыз юнматэмын, выж вылэ пырон сюрес гинэ но волятэмын.
Гуртоос таӵе кузьымлы туж шумпотэмын.
Правительстволэн Тӧроез Ярослав Семенов верамъя, ар пумозь шаерамы
эшшо 7 выж выльдэмын луоз.
ЭГРА
________
Герой уг вуны
Зура котырын улӥсьёс буре вайизы
ас пал адямизэс — Совето Союзысь
Героез Спиридон Стрелковез — синпелет
азяз сяська тугокоос вализы.
С. Стрелков вордскиз 1917-тӥ арын
8-тӥ ноябре Зура черкогуртын.
Война дыръя 774-тӥ стрелковой
полкысь пулемётной отделениен
кивалтӥз, кышкасьтэм луэмзэ
возьматӥз, Белоруссиез мозмытыкузы.
Одӥгаз ожын огназ тарказ
тушмонлэсь дзотсэ, расчётысьтыз
огназ кыльыса но, тушмон шоры
ыбылэмысь ӧз дугды. Мукетаз ожын 7 немец солдатъёсты но офицеръёсты
быдтӥз, 18-сэ пленэ кутӥз. Но Совето Союзысь Герой ним сётэмын
ни быремез бере — тушмон пуля улонзэ талаз 1945-тӥ арын 4-тӥ феврале.
ЯКШУР-БӦДЬЯ
________
Тыметсы луоз!
Мукшиысь тыметэз лэсьтонлы
сӥзем проект шедиз «Огъя Россилэн»
тужгес кулэ проектъёсыз пӧлы.
Тыметэз сузян ужъёс вазенгес
кутскизы ни. Гуртоос асьсэос
кичӧлтӥсьёс луизы. Дэмен коньдон
люкаса, субботникъёсы потаса, тыметэз
юнматӥзы, 2 метрлы мургес
каризы, бордаз волейболэн шудыны
площадка лэсьтӥзы. Но туэ гужем
шӧдӥзы: тыметсы вожектыны
кутскиз. Мар кароно? Нош ик амал
Спиридон Стрелковлэн синпелетэз азе
сяськаос валемын.
Мукшиослэн шумпотонзы — тымет.
шедьтӥзы — «Огъя Россилэн» конкурсаз пыриськизы. 200 сюрс манет
грант утӥзы! Озьы тыметэз нимысьтыз техникаен умой-умой сузязы, та
нуналъёсы отчы 100 килограмм карппиосты лэзизы. Кызьы адями вутэк
уг быгаты, озьы ик гурт — тыметтэк, шуо гуртоос.
udmurt.ru Эгра ёрос администрацилэн «ВКонтакте» бамысьтыз
udmurt.ru