40 от 13 октября 2022 (25952)

udmdunne.ru
+7 951 195 37 65
Шуныт кыл
Уйвӧтаз но дышетэ
Пичи Пурга ёросысь
Арлан гуртысь Любовь
Николаевна Ухова ог 30
ар пала дышетӥсь вал.
Ужамез пусъемын уно
таукаронъёсын, 2013-тӥ
арын «Почётный работник
общего образования»
гадьпусэн данъямын.
10-тӥ сентябре
Любовь Ухова 65 арессэ
тырмытӥз.
Агроном ӧз луы
Анаезлэн Люба нылзэ агроном
каремез потэ вылэм.
Юмы, турынмы луоз, шуэ вал,
узыр улом.
1964-тӥ арын нылаш гуртысьтызы
начальной школае
вамыштэ. Отчы со букваосты
тодыса, лыдӟиськыны быгатыса
мынэм ни.
— Нырысетӥ дышетӥсе
Екатерина Кондратьевна
Сергеева вал, — вера Любовь
Николаевна. — Шораз сыӵе
синмаськыса учкылӥ! Макем
со визьмо адями вал! Озьы
дышетӥсь луыны мылкыды
ӝутскиз. Эшъёсынымы шудыкумы
но мон котьку дышетӥсь
вал. Кузь йырсиме йыртышкам
биняллясько, горд карандаш
кутыса, соослэн тетрадьёсысьтызы
янгышъёссэс
тупатъясько. Эшъёсы шуо:
«Люба, тон копак дышетӥсь
кадь».
1975-тӥ арын школазэ
йылпумъяса, Люба мединститутэ
пырыны малпаз, но кӧня
ке баллэз ӧз тырмы. Галя эшеныз
Ижысь подшипниковой
заводэ ужаны интыяськиз.
2 арзэ отын ужаз. Но дышетскыны
мылкыдыз сое УдГУысь
филфаке вуттӥз.
— Мон асме сыӵе шудоен
лыдъялляй! Дорам бертыса,
анаелы университетэ дышетскыны
пыреме сярысь верай,
нош со шуиз: мар отын
вань, марлы отын дышод?
Берло ини тодӥ, анае ӵыжывыжыосмылы
дышетскеме сярысь
данъяськыса вераллям,
— серекъя Любовь Николаевна.
Нуналлы быдэ —
8 иськем
УдГУ бере распределениея
Любовь Николаевна Пичи
Пурга ёросысь Норъя черкогуртэ
вуиз. Татын со ӟуч кылъя
но литературая, удмурт кылъя
дышетӥз. Нырысетӥ уроксэ
ортчытӥз 26 пиналъёс азьын,
одӥг нылпи но ӧз алякты, шуэ.
Урокез туж кема кыстӥськем
кадь йӧтэм, туж жади, пе.
— Норъяын ужатозям,
пӧртэм учыръёсы сюрылӥ,
но тужгес но тодам кылиз
таиз: одӥг пиналэ мыным
Пичи Пурга ёросысь Арланысь
Любовь Ухова нуныкаеныз.
синмаськем. Выль арлы, 8-тӥ
Мартлы открыткаос сёткалляз.
Мар карыны, кызьы валэктыны
— уг валаськы. Туж
секыт вал ке но, шонер кылъёс
шедьтыны быгатӥ ик.
Норъялан дышетӥсь 3 ар
гинэ ужаса вуттӥз. Анайзэ
пери шуккиз но, Любовь
Николаевна вордскем гуртаз
бертоно луиз. Татын но
уж сюриз. Бускель Абдэс-Урдэс
гуртысь ньыль классъем
школалы дышетӥсь кулэ вылэм.
Татын 3 кузя тыршизы:
2 дышетӥсь но пӧрась.
Любовь Николаевна огвакытэ
2 классэз нуиз — 1-тӥ
но 3-тӥ. Бӧрысь школаен но
кивалтӥз на. Нуналлы быдэ
4 иськем кеме ветлоно луиз.
Зор ултӥ но, шимес тӧл пыртӥ
но дыртӥз пиналъёсыз доры.
— Вань курадӟонэ сюресэн
герӟаськемын. Тулысэн
сӥзьылэн дэри улӥз, толалтэ
— пыдесозь лымы. Ай соку сюрес
лэсьтэмын ӧй вал на. Одӥг
нуналэз ноку уг вунэты — 7-тӥ
март вал со. Сюрес донгемын
ӧвӧл, ачим ӝуждаесь ик лымы
букосъёс пельтэмын, шимес
пелляське, кезьыт, пакетам —
эскероно тетрадьёсы. Эшшо
ке 4 буханка нянь басьтӥ вал.
Дорын нылпиос возьмало,
пудо утялтоно. Нокытчы уд
пыры. Нюжтӥськыса бертӥ
мон соку. Мырдэм гуртэ вуиськиз.
Озьы курадӟыса ветлыса
но, огпол но йыре малпан
ӧз кылды: гуртын гинэ
пук вал ни. Пиналъёсты яратон
ваньзэ ворме.
2014-тӥ арын Любовь Николаевна
пенсие потӥз. Солэн
дышетэм пиналъёсыз
пӧртэм удысъёсын быгатыса
ужало. Алигес коркам замыкание
луиз но электрикез
отёно луиськиз, шуэ. Ӵапак
аслам дышетэм пиналы ик
тупаз, ява.
№40 (25952)
АРЪЁС НО АДЯМИОС 2022-тӥ ар 13-тӥ коньывуон 25
Линейкае ветлэ на
Любовь Николаевна вуоно
картэныз пумиськиз, заводын
ужакуз. Можга ёросысь
Акаршурысь пияш отын
тракторист луыса ужа вал.
Валераен туж кема эшъяськыса
улӥзы — оглом 8 ар. Любалэн
нырысь дышетскемез
потэ вал. Валера сое возьмаз.
Будэтӥзы 2 нылъёссэс — Жанна
но Марина.
Нылъёсылы тырмыт дыр
висъяны ӧй шедьты шуыса,
кӧты ӝож, со мынам бадӟым
янгыше, шуэ нылкышно.
Пиналъёсы ваньзэ асьсэос
лэсьтылӥзы, пе.
2013-тӥ арын Любовь Уховалэн
семьяяз бадӟым ыштон
луиз. Яратоно Валераез
шӧдтэк шорысь улонысь кошкиз.
Ӵапак Марина нылзылэн
вордӥськем нуналаз…
— Валералэн лек пыктосэз
вылэм, висёнзэ шӧдымтэ…
Картэ капчи адями вал. Туж
яратӥз нылъёссэ. Папамес ум
вунэтӥське, тани 10 ар пала
ӧвӧл ни ке но, уйвӧтамы ӵем
вуылэ на, дэмланъёсын юрттэ.
Али нылкышноез шумпотто
ни 2 нуныкайёсыз: Глеб но
Миши. Глеб туэ 6-тӥ классэ
мынӥз ни. Арлы быдэ Любовь
Николаевна 1-тӥ сентябрьлы
сӥзем линейкаяз ветлэ.
— Нылпиосты адӟыса,
пушкы ик тыре. Сыӵе чебересь
ук, тӧдьы бантикъёсын,
сяськаосын. Аръёс ортчемъя
школалэсь золгес но золгес
мӧзмыны кутскисько:
уйвӧтам но ялан дышетӥсько.
Нылпиос — со шумпотон. 7
ар уг дышетӥськы ни ке но,
алигес гинэ дугдӥ ай выль дышетскон
арлы тетрадь но ручка
басьтыса дасямысь.
________
Татьяна ИЛЬИНА
Любовь Уховалэн архивысьтыз
Адӟем карымон
Пыдъёс нуыку, бызьылоно
Кез черкогуртысь Николай Пашкинлы 68 арес, ассэ
егит пенсионер шуэ, ялан бызьылыны пота. Шаерысьтымы
но Россиысь трос городъёсы ӵошатсконъёсы
вуылӥз, марафонъёсы пыриськылӥз.
Николай Александрович вордскемын Яр ёросысь пичи
гуртын — Белые Ключи. Отын 11 корка гинэ вылэм, нош 1971-
тӥ арын со чылкак бырем. Та гуртысь пиналъёс нырысь ик, 5
иськеме ветлыса, Озёркаын дышетскиллям, бӧрысь — Чабыр
гуртын. Николай Пашкин малпа вал штурман луыны, Свердловскысь
лётной училищее документъёссэ нуэм. Тазалыкезъя
ортчымтэ: круге пуктӥллям но бергатӥллям, отысь, пе, кудӟем
курег кадь потӥ. Армие мынытозяз, егит пи, Озёркае ветлыса,
«Новый труд» колхозын ужам.
— Ваменэс сямы улыны люкетылэ, — шуэ Николай Александрович.
— Службаме Германиын ортчи, сапёр вал, армие
кыльыны куро вал — гуртэ бертӥ. Собере колхоз председательмы
клубе ужаны ӧтиз, мон нош ӧй кылзӥськы, Ижевск
городэ пегӟи. Городын но кема улыны ӧй чида, Кез каргуртын
улӥсь агае доры кошки. Табере Кез мынам кыкетӥ доре луиз
ни, пенсие потытозям, школаын ужай, лэсьтӥськисьлэсь,
электриклэсь ужзэ быдэсъяй.
Школаын ужакуз, нырысь ик коллектив понна, пе, кырӟано
вал. Клубе ветлыны кутскем. Нош одӥг пол сое коллективзы
понна бызьылыны ӧтиллям. Со дырысен ялан ӵошатсконъёсы
пыриськылэ, табере спорттэк но кырӟантэк улэмез уг луы
ни. Нош 55 арессэ тырмытыса, марафонъёсы пыриськылыны
кутскем. Удмуртиын ортчылӥсь ӵошатсконъёсы сяна, Россилэн
пӧртэм сэрегъёсаз вуылэмын ни. Ас ёзо эшъёсыз пӧлын трос
пол вормисе потылӥз.
— Нуналлы быдэ Кулига пала бызьылыны потасько, Кезысь
мукет спортсменъёс но та сюресэз ярато, — веранзэ азинтэ
воргорон. — Нуназезэ отӥ школаын дышетскисьёс бызьыло,
нуназе бере арлыдоос пото. Школа стадионэтӥ но бызьылыны
луэ, но отын мӧзмытгес потэ. Озьы нуналлы быдэ юлтошъёсыным
ӵош ичизэ 10 иськем ортчиськомы. Пыдъёс нуыку,
кызьы уд бызьылы.
Туэ гужем Кизнер каргуртын ортчиз пенсионеръёслэн
спартакиадазы. 65-69 аресъем воргоронъёс пӧлын Николай
Пашкин бызьылонъя ӵошатсконын 2-тӥ инты басьтӥз.
Культурая юртэ ветлонзэ но уг аналты. Ма, кузпалыз Алла
Рафаиловна но котьма карыны усточи. Николай Александрович
бызьылыны потэ ке, со сьӧраз бодыосын вамышъя, нош
культурая юртэ соос ӵошен ветло.
________
Кезысь Николай Пашкин нуналлы быдэ
бызьылыны пота.
Валентина ЕМЕЛЬЯНОВА
Туспуктӥз Валентина ЕМЕЛЬЯНОВА