sociologji 11 liber mesuesi 16 maj - Media Print

Reflektimi (Konsolidimi i të nxënit)
Metoda: Rrjeti i diskutimit
Pas marrjes së informacionit për gjuhën nxënësve u jepet si detyrë të shpjegojnë:
“Si kanë ndikuar zhvillimet shoqërore dhe teknologjike të viteve të fundit në
pasurimin e gjuhës me fjalë të reja”.
- Diskutoni në klasë, përfundimet dhe nxirrni konkluzionet tuaja.
- Bëhet vlerësimi i nxënësit.
- Orientohen nxënësit për temën e ardhshme.
- Detyrë shtëpie ushtrimi 1, faqe 30.
Tema: Vlerat kulturore dhe zhvillimi shoqëror
Objektivat: Në fund të orës nxënësi duhet të jetë i aftë të:
• Të tregojë cili është kuptimi i vlerave kulturore;
• Të shpjegojë rolin e vlerave kulturore në zhvillimin e shoqërisë;
• Të analizojë ndryshimin e shpejtë të vlerave kulturore në tranzicion.
Fjalë kyçe: vlera kulturore.
Struktura e mësimit: ERR
Evokim (Përgatitje për të nxënit)
Metoda: Përvijimi i të menduarit
Në fillim të orës bëhet një përmbledhje e informacionit të kaluar p.sh.
- Cila është mënyra kryesore e komunikimit midis njerëzve?
- A është kudo i njëjtë kuptimi i tingujve dhe fjalëve?
- Cilat janë funksionet kryesore të gjuhës?
Realizimi i kuptimit (Përpunimi i përmbajtjes)
Metoda: Marrëdhëniet pyetje-përgjigje
- Mësuesi thekson në klasë se vlerat kulturore ashtu si dhe gjuha janë tregues të
kulturës.
Vlerat kulturore të një shoqërie mësohen nëpërmjet procesit të shoqërizimit.
Ato përcaktojnë qëndrimet që mbajnë për shumë çështje.
Vlerat kulturore në rrethana të ndryshuara shoqërore mund të bëhen pengesë për
zhvillimin e shoqërisë. Kur ndodh kjo njerëzit kërkojnë vlera të reja dhe i respektojnë ato.
44