zhvillimi i mësimit - Albas

Udhëzues për tekstin “Gjuha shqipe dhe Letërsia 10”
Pjesë ditari
E diel, 14 qershor 1942
Të premten u zgjova që në orën gjashtë. U zgjova herët, pse atë ditë ishte ditëlindja ime. Nuk
qe nevoja të ngrihesha aq shpejt dhe duhej ta përmbaja kureshtjen time gjer në shtatë pa një
çerek. Por nuk u përmbajta më gjatë. Vrapova në dhomën e bukës, ku Morheni, maçoku
ynë i vogël, më përshëndeti me përkëdhelje. Nga ora shtatë vrapova te prindërit dhe
pastaj, së bashku me ata, shkova në sallon që të shihja dhuratat e mia dhe t’i nxirrja nga
paketat. Në radhë të parë të pashë ty, o ditari im, dhe për mua ti ishe dhurata më e bukur.
Më kishin dhuruar dhe një tufë trëndafi lash, një kaktus, disa gema peonie. Këto qenë lulet
e para, por më vonë erdhën edhe të tjera. Babai më ka sjellë shumë herë dhurata, por
edhe miqtë e mi më kanë mësuar me këto. Kështu më dhuruan, ndër të tjera një “Camera
obscura”, shumë gjëra për të ngrënë, “një lodër durimi”, një varëse të bukur, “Legjendat dhe
përrallat holandeze” prej Jozef Kohenit, edhe një libër tjetër tërheqës “Udhëtimi i Deisit ndër
male”, e disa të holla. Me këto bleva edhe “Legjendat heroike të grekëve dhe romakëve”, që
janë shumë të bukura!
Pastaj erdhi Liza, më mori dhe shkuam në shkollë. Së pari, bleva bonbone për mësuesin
dhe për bashkënxënësit e mi dhe pastaj fi lluam mësimin.
Tani e mbyllim. Sa e gëzuar jam që të kam ty!
(Marrë nga “Ditari i Ana Frankut”, f. 9)
Letër
Torino, 7. VII. 1938
E dashur Jovanka
Ti ende nuk më ke përgjegjë për letrën teme, por unë njësoj po të shkruej.
Me shëndet jam mirë, por duhet edhe mjaft kohë, për me ndejt këtu, me u shëndoshë mirë.
Unë nuk mërzitem, mjaft që kam me dalë njëherë.
Si kanë dalë me nota gjelifanat Si e kalojnë me fmitë e mëhallës, se aty janë mjaft edhe
gjithfarësh
Më vjen keq se aty s’kanë aspak shoqni të mirë, prej të cilëve me mujtë me xanë gja të mirë,
por nejse.
Unë ka do ditë që matem me shkue në bjeshkë, por ende nuk u nisa, por tash nuk asht tue
bamë gjithaq xetë as këtu.
Mirë që e paske tash Ujnën pak më afër, për me mujtë me shkue. Si po e kalojnë ata, si i kanë
fëmijët Biserka dhe Tasi a kanë kalue në klasë – Bani të fala.
Jovoja ku punon tash
A ju habitnë ato prej Tivarit
Të puth me fëmijë
Milloshi
(Marrë nga “Migjeni”, Vepra, f. 315)
Teknika dhe metoda mësimore:
• Bashkëbisedim, lexim i drejtuar, praktikë e drejtuar, dora e pyetjeve.
99