ПРАВНАТА ЗАШТИТА НА ЧОВЕКОВИТЕ ПРАВА
7cHOeyYFe
7cHOeyYFe
Create successful ePaper yourself
Turn your PDF publications into a flip-book with our unique Google optimized e-Paper software.
Случај 2<br />
Лицето Н.Н. во текот на 2014година користело право на социјална парична<br />
помош. Поради поплавите од почетокот на 2014 година кровот каде живеело<br />
заедно со своето домаќинство прокиснал и поради тоа тој бил приморан да<br />
побара помош од својот брат кој живее и работи во С.Р. Германија. Неговиот<br />
брат му испратил околу 60.000 денари кои биле наменети и искористени<br />
за поправка на кровот за што лицето поседува оригинални фактури и<br />
фискални сметки. Во февруари 2015 година, лицето добило решение за<br />
престанок на правото на социјална парична помош. Против решението е<br />
поднесена жалба заедно со копиите од сметките кои ја утврдуваат намената<br />
на примените средства, меѓутоа Министерството за труд и социјална<br />
политика жалбата ја одбива без да одговори и да се изјасни по ниту еден од<br />
жалбените наводи.<br />
Право:<br />
Претходно опишаната пракса на Меѓуопштинските центри за социјална<br />
работа на РМ отвора неколку прашања во однос на временското важење и<br />
примена на прописите како и овластувањето на МЦСР да вршат проверка<br />
на овие податоци на корисниците на правата од социјална заштита.<br />
• Временското важење и примена на прописите во РМ<br />
Уставот на РМ, како една од гаранциите за заштита на слободите и правата,<br />
ја утврдува на јасен и недвосмислен начин забраната за повратно дејство<br />
на прописите. Прописите не можат да имаат правна сила пред нивното<br />
донесување. Единствен исклучок од овој принцип е дозволен само кога<br />
подоцнежните прописи се поповолни за граѓаните.<br />
Член 52 став 4 од Уставот на РМ<br />
Законите и другите прописи не можат да имаат повратно<br />
дејство, освен по исклучок, во случаи кога тоа е поповолно за<br />
граѓаните.<br />
• Овластување на МЦСР да вршат проверки во личните податоци<br />
на лицата кои користат социјална или постојана парична помош<br />
Лицата кои поднеле барање за користење или веќе ги користат правата од<br />
социјална заштита се должни по барање на МЦСР да достават и податоци<br />
и документација што претставуваат докази за остварување на правата.<br />
42