ushoroba wa msitu wa derema - Eastern Arc Mountains ...

RASIMU
makini sana katika sehemu hiyo. Mwisho, katika miaka ya mwanzoni mwa 2000,
uanzishaji wa miji kote Tanzania, vuvumko jipya la matumizi ya mkonge kama nyuzi
asilia (na ubiofueli), na kuongezeka thamani nyanda za chini zilizo jirani, kwa ajili ya
kilimo cha matunda mapya, njugu na mazao ya chakula, vyote vinaleta vivutio vipya kwa
familia za Usambara; wakati huu wakiwa sasa wanafikiria kuelekeza shughuli zao za
uchumi mbali na milima. Kwa ufupi, familia za vijiji hivi zimekuwa na historia ya
kukumbwa na mabadiliko makubwa ya mara kwa mara katika shughuli zao za kujipatia
riziki; kiasi kwamba wamefikia mahali pa kuona kwamba kila baada ya miaka kama
ishirini hivi mabadiliko katika mielekeo ya uchumi au sera vinawalazimisha kuangalia
upya mbinu zao za kujikimu kimaisha. Wakulima kulazimishwa kuacha mazao yao ya
viungo katika mashamba ya misituni, na ambayo yalikuwa yanawaingizia kipato kizuri,
ni mojawapo ya mabadiliko ya hivi karibuni.
Mradi Wenyewe
8. Mradi wa Hifadhi na Usimamizi wa Misitu Tanzania ulipitishwa mnano mwezi
Februari 2001, na ulianza rasmi mnamo mwezi Mei, 2002. Mradi huu ulichukua nafasi ya
mradi wa sekta ya misitu uliokuwa unafadhiliwa na IDA. Mradi wa pamoja kati ya Mradi
wa Hifadhi ya Misitu ya Tao la Mashariki na Mradi wa Usimamizi ulipitishwa mnamo
mwezi Julai 2003 na ukaanza rasmi Mei 2005. Malengo ya jumla ya miradi hiyo miwili
yalikuwa:
(i) Kuimarisha uwezo wa Tanzania katika kuratibu na kuongoza shughuli za
kuhifadhi ubioanuwai wa misitu.
(ii) Kusaidia uanzishwaji wa mradi shirikishi wa majaribio katika eneo la hifadhi
lililochaguliwa ili kuweza kupata matokeo endelevu kuhusu ubioanuwai na
maendeleo ya binadamu.
(iii) Kuboresha mbinu na uwezo wa kiasasi wa kushughulikia hifadhi ya ubioanuwai
wa misitu, na
(iv) Kuanzisha na kutekeleza, kwa njia ya majaribio, mbinu endelevu za upatikanaji
wa fedha kwa ajili ya shughuli za Hifadhi katika Misitu ya Tao la Mashariki.
10