ushoroba wa msitu wa derema - Eastern Arc Mountains ...

RASIMU
mbao katika Hifadhi hiyo yaliingizwa katika mikataba ya wanavijiji --- watu
walilalamikia masharti ambayo mikataba ya eneo lililozuiliwa iliweka, lakini zaidi hasa
juu ya kutokuwepo na taarifa zozote muhimu. Watu waliahidiwa ardhi mpya nje ya
Amani, lakini ikaja kudhihirika kwamba ardhi hiyo haikuwa kubwa ya kuweza
kuwatosha wakulima wote walioathirika. Zaidi ya nusu ya watu wa eneo hilo waliona
kwamba miongoni mwa wadau wa eneo hilo wao waliambulia kidogo sana katika
kuanzishwa kwa HIMAA. Waandishi wa utafiti huu wakahitimisha kwamba “mahitaji ya
jamii ya eneo hilo na ya Taifa yanagongana na yale ya walinzi ubioanuwa (uk.38). Chuki
iliyoripotiwa katika vijiji vya Amani katikati ya miaka ya tisini, ilikwishadhihirika pia
katika vijiji vya Derema katika miaka ya 2000.
24. Utafiti wa Pili: Utafiti wa pili ulikuwa ni wa athari za kijamii za Ushoroba wa
Derema wenyewe, uliofanywa kabla mipaka ya hifadhi haijapimwa au hasara za upotevu
wa mazao hazijatathminiwa. Kwa kutumia hojaji maalumu na majadiliano ya kikundi
maalumu cha wanavijiji kama 300 na viongozi wa vijiji, utafiti ulifanya mchanganuo wa
sifa za kijamii-kiuchumi za watu ambao wangeathirika katika vijiji vitano pembizoni
mwa Ushoroba. Utafiti ulijaribu pia kupata uelewa wao kuhusu athari ambazo
zingewapata juu ya kilimo chao kwa kuupoteza Ushoroba, na masuala waliyoibua juu ya
hifadhi hiyo kutangazwa kuwa mali ya serikali
25. Watu wa Milimani. Watu wa milima ya Usambara Mashariki hutoka sehemu
mbalimbali. Takribani wote, tukiacha wafanyabiashara wachache, walimu, na
wafanyakazi wa ujira, huishi kwa kutegemea kilimo chao au ujira wa kufanya kazi katika
mashamba makubwa pamoja na vyakula vyao wenyewe. Ni asilimia takribani 56 tu ya
watu waishio katika vile vijiji vitano ndio waliozaliwa maeneo hayo. Theluthi moja ya
idadi ya watu wa hapo walitoka katika maeneo mengine ya wilaya, ama kutoka vijiji
vingine vya milimani au kutoka kwenye tambarare zinazozunguka milima. Moja ya kumi
ya wakazi wa hao hutoka katika wilaya nyingine mkoani Tanga, na asilimia 1 ya mwisho
wanatoka sehemu nyingine za Tanzania. Uhamiaji mkubwa katika maeneo haya
ulisababishwa na fursa za kazi zilizokuwako huko milimani. Kazi ya ukataji magogo
(halali na haramu), iliyofanyika mapema zaidi, na baadaye zaidi mashamba ya chai,
22